بنات احساء تعالو استفسار

[وردة المحبه]

مين احسن ولاده بمستشفى حكومة ولا مستشفى احساء الخاص انا محتاره ؟ رسوني ع بر لاني من سكان القصيم وجايه اولد هنا

[بحــ العيون ــــــــر]

ان شااااااااااااااااء الله بنااااااااااااااات الحسااااااااااااااااااء يفيدوكي حبيبتي

[وردة المحبه]

شدعوا مافي ردود الا وحده ابي افاده باقرب وقت

[بحــ العيون ــــــــر]

الحين اكتب انه في موضوووع الي يحتاااااج رد لاتزعلين

[وردة المحبه]

يعطيك العافيه مقصرتي

[وفاء يوسف]

مساء الورد شوفي حبيبتي السهاله من رب العالمين
انا تو ولدت من شهرين ونص بمستشفى الاحساء وما اقولك عناية و نظافه
و الممرضات يجننوا وكل شوي يجون يسألونك اذا تبين شيء او تعبانه و اذا تبين دورة المياه يودونك
و الدكتورة اللي ولدتني الباكستانيه شايا تجنن و مرت اخوي والد بالحكومه وما تذم فيه بس حظوظ
و تساهيل من رب العالمين و الله يسهل عليك ي رب

[وردة المحبه]

يعطيك العافيه مو ذا شي محيرني ووحده نصحتني بحكومي. قالت احسن لك. ولي كاتبه ربك يصير.

[الأمورة سوس]

حبيبتي اذا فيك مضاعفات او شي في الولادة او خطورة بسم الله عليك بس أخمن
الحكومة أفضل شي لان جميع الحالات عندها خبره و ماتتسرع تعمل اك شي زي العملية
اما المستشفيات الخاصه يعملو عملية بسهالة مايخلوك تولد طبيعي الأكثر لان
ورا ذا العملية فلوس مو الكل لكن الواضح
ماشاء عندي حماتي ولدت بالحكومة والحمد لله مرتاحه كثير تختلف عن مرت حماي سوت عمليه و تعبانه
بعض الاحيان المستشفيات الخاصة ماتعطيك وقت لدفع و الولادة طبيعيه
الحكومة خبرة لكن جودة المكان لبأس

[إحساس إمرأة]

انا مع اختي امورة سوس
ماشاء الله و الحمد لله جبت 5 الاطفال
ولادتهم كلهم بالحكومة والحمد لله مرتاحه
و الله يعز الحكومتنا و الله يعطي ابو متعب الصحة و العافية
ما يقصر علينا شي
و تساهيل من رب العالمين
والله ييسر لك ان شاء الله ويوفقك

[كدوشة زوجها]

مرحبا حبيبتي

بالنسبه للحكومه اذا كنتي مومتعوده عالراحه والنظافه روحي لانهم حتا مايعطونك وجه
بالنسبه لمستشفا الاحسا روووعه بمعنا الكلمه ومثل ماقالت الاخت دكتوره باكستانيه تجنن لطيففه مررره عليك حتا لو كان عندك اكثر من ولد يعاملوك كانك بكر وفي دكتوره بعد اردنيه اسمها جنان اتوقع بس ماادري اذا كانت الى الان موجوده او لا
وبالنسبه للي يقولك الخاص يتسرعون بالعمليه ترا مو كلهم وهذا مفهوم خاطى لان بعض الاحيان الحاله تتطلب عمليه وفي قصص كثيره سمعت عنها بالحكومه خلوها عشان مايسوون عمليه لين مات الجنين فما يسوا عليك اللي كاتبه لك الله بيصير حتا لو عمليه اهم شي سلامتك انتي والبيبي وبالنسبه لمستشفا الاحساء فعن تجربه شخصيه عجزت عنهم يسوون لي عمليه ومارضو يعني يحطون العمليه في اخر الاحتمالات ..