¤ô§ô ~أحلى تجمع حوامل التوأم 2011~ ô§ô

[اول غرام]

على حسابي دخلت التاسع
وعلى حساب السونار باقي اسبوع ويومين تقريبا

[اول غرام]

ندوش
يعني بتحددلك ايام التبويض
ولا وش سالفة التصوير..؟

[قطرة ندى*]

بنات الدكتورة قالت لي ان حجم البويضات كبر شوي بس مو الحجم المطلوب للحمل يعني ممكن يكون فيه حمل بس مو أكيد وقالت اكمل على حبوب كلايمن لين يخلص والجماع يكون يوم ورا يوم واذا تاخرت الدورة اسوي تحليل حمل واذا انزلت اروح وبتعطيني علاج أقوى من السابق حسيت باحباط شوي بس املي بربي كبير وان شاء الله يكون فيه حمل هذا الشهر

[اول غرام]

ان شاء الله ربي يرزقك الي تمنينه
وتبشرينا بالحمل عاجل غير آجل

[ماء المسك]

السلام عليكم ورحمة الله وبركاته

موضوع عجبني واستفدت منة حبيت انكم تستفيدوو منة

وادعولي بكل خير



الزبده ادخل في الموضوع على طوول احسن ..

أنا لاحظت ان هنا المواضيع كلها عن الحمل و بعد الحمل بس ولا قد شفت عن النفاس !

مع انه اهم شئ و مهم انك تنتبهين لـ نفسك فيه و تعتنين بـ نفسك طبعاً

فـ انا قررت اني اعطيكم بعض المعلومات و الاشياء الي لازم تسوينها

ان شاء الله يعني تفيدكم و تدعون لي بعدها ..

يـلا نبدأ ..


بس قبل ما نبدا بالنفاس و حوسسته

كيف تعرفيين انك بتولدين ؟!

انا اعلمك كيف


* اعراض الولاده :

طبعاً ما يحتاج اقولك ان هذي الاعراض تعني انك تروحين المستشفى على طول ..
اذا حسيتي في الآم اسفل الظهر و تزيد و تزيـد ! و تنتشر الى الفخذين و تطلع معاك افرازات مخاطيه مخلوطه بـ دم ,,
و تنزل معك سوائل كثيره لدرجه تبلل ملابسك و ارجلك
أو حتى اذا حسيتي قلت حركه الجنين

فـ هذا يعني البيبي الجميل بيطلع


بعدها تتم الولاده بـ سلامه ان شاء الله

ندخل في فتره النفاس ..


رح نرتب الموضوع لـ خطوات :


1- اهميه اهتمامك بـ نفسك فتره النفاس و الاثار الجانبيه لو ما اهتميتي في نفسك ..

2- التغيرات الي تصير في فتره النفاس ..

3- الاكل الي تاكلينه في هذي الفتره [ اهم نقطه ]

4-الملابس الي تحرصين عليها , النظافه الشخصيه ..


-1-



اكيد كلكم جاء في بالكم هالسؤال لو مره
ليه امهاتنا حريصات وقت النفاس على اكلنا و نومنا و و و ...

ليه انا لي ساعه اقولكم مهم مهم ..

ايش الي مهم فيه يعني ودك تتحمسين شوي و تهتمين بنفسك بضمير

انا اقولك ..

الفقره الي بعدها رح اقولكم الاثار الجانبيه بعد الولاده
مثل سقوط الشعر و زياده في الوزن ووو ..

كل هذي الاشياء تكون في فتره النفاس طبعا غير مرغوبه

بس اذا عالجنها في هذي الفتره بتروح و نرجع زي ما كنا
يعني هذي الفتره فرصه لك قاعده في بيت اهلك معززه مكرمه و مدلعه
ليش ما تستغلين هذي الفرصه

وخصوصاً حطي في فالك هذا الشئ انك ان شاء الله اذا كنتي ناويه على بيبي ثاني
لازم تسترجعين قوتك و تعوضين الي خسرتيه ..

طبعا انتم عارفين تخسرين دم كثير و لازمم يتعوض !!

وابداً لا يكون همك الاول والاخير بعد الولاده جسمك و بطنك و هذي الاشياء !!
انتي اللحين اهتمي بصحتك اول و بعدها بتنحفين و تسوين الي تبين

طبعاً ما يمنع انك بالنفاس تهتمين بـ اكلك و تسوين رياضه خفيفه مو تنطين و تراكضين

يعني احنا نبدأ خطوه خطوه ..
نعوض التالف و نسترج قوتنا و صحتنا بعدها نفكر في الاشياء الثانيه ..

و دائم خليك واثقه و متأكده ان كل الي يصيرلك بالنفاس شئ مؤقت و يروح بعد ما تخلصين من النفاس ان شاء الله ..

وانها فرصه لك بتعويض كل الي خسرتيه ..

كثرت فلسفتي
نرروح للفقره الثانيه ..



-2-


طبعاً بعد الولاده والحمل تحصلك تغيرات كثيره ..

وطبعاً شئ طبيعي الي يصير ابداً لا تخافين ولا توسوسين

و كل شئ بيرجع زي ما كان و احسن ان شاء الله لو اعتيتني في نفسك في هذي المرحله
واعيد مره ثانيه
لان هذي المرحله زي ما قلت لك فرصتك انك ترجعين كل شئ فقدتيه

وتكونين احسن من اول بكثييير ان شاء الله

من التغيرات الي تصير :


1- إمتلاء الثدى وأحيانا الام بالثدى ..

عادة ينزل الحليب بعد 72 ساعة من الولادة
و لازم يفضى الثدي من الحليب بعد كل رضعه !!
علشان ما يتجمع الحليب و يسبب آلام و بنفس الوقت يمنع من تكوين الحليب
في اعتقاد عن الناس كثير ان الحليب يترك بالثدي علشان يتغذي البيبي و انه يكثر !
و هو العكس ترك الحليب بعد كل رضعه يمنع من تكوين الحليب من جديد .. و يسبب امتلاء
الثدي و احياناً التهابات ! و طبعا معها الآم شدييده !!


2- الآم موضع الغرز ..

إذا تم عمل شق للعجان وغرز ممكن تسوين لك كمادات ثلج بعد الولادة مباشرة
وبعدها تحسين بالآم استخدمي كمادات الحاره تخفف من حدة الأم وتساعد فى سرعة الشفاء
بإذن الله ..


3- الإمساك ..

البعض يزيد معاهم الإمساك علشان يخفف عليك ان شاء الله تاكلين اكل غنى بالألياف
زتكثرين من شرب المويه , اللبن , العصائر ..


4- تغييرات نفسية

الكثيير تحس بتغيرات في المزاج و من اول اسبوع يبدا المزاج يروع
و تحسين يتعب من اقل مجهوود !! و تحسين انك مضغوطه و اكتئاب
و ساعات يكون صدق معاك اكتئاب بسس كل هذي الاعراض لا تخافين منها
بعد اسابيع تخفف و تروح بسسرعه يعني شئ طبيعي هذا



5- سقوط الشعر

طبيعي جداً بعد الولاده تشوفين شعرك يطييح مره
بس ابداً لا يضيق صدرك ولا تخافين زي ما قلت لك اعتني بـ نفسك و كللل شئ يرجع زي اول
رح يرجع ينمو و يطول و يكثر و يزييين بعد


حالياً هذي اهم الاشياء تقريباً بس مو كلها اكيد بس هذي الي اذكرهم ..


خلصنا من الفقره الثانيه ..


-3-


جينا لـ اهم اهم نقطه في الموضوع ..

هي العنايه بـ كبرها ..


* المواد المطلوبه :


[ مطحونه , كامله ]

1- المطحونه :

حلب , ماش , قشر رمان , فلفل اسود ..


2- الكامله :

رشاد , قرفه , كمون , ورق زعتر , حبه سوداء , عسل , تمر , زنجبيل مبشور ..

* بعض التفاصيل المهمه :

1- المواد المطحونه :

احرصي علي انك تشترينها جديده وكامله , و تنقينها و تغسلينها و تجففينها طبعاً
بعدها تطحن و تحفظينها في علب بلاستك و تكتبين عليها الاسماء و تحطينهم في رف كامل لها في المطبخ ..
صح انها مشواار و بتتعبين بس الثمرات الي بعدها بتعجبك و تبسيطين منها و تدعين لي ان شاء الله ..


2-المواد الكامله :

احرصي على تنقيتها و تغسلينها و تعرضينها للهواء ..


3- العسل :

لا تشترين غالي و يجيك الهندي يقولك اصلي و يتفلسف عليك
وهو نصاب !
انا انصحكم بـ العسل الالماني langnese
لانه ثبت انه اصلي ,,


4- الحبه السوداء

طبعاً ما يخفى عليكم فائدها و كلنا عارفين حديث الرسول عنها و عن اهميتها و فائدتها الكبيره ..

اخلظي سبع حبات مع العسل .. و تاكلين كل يوم ملعقه على الريق من يوم الولاده الى 30 يوم ..


5-المره

جيبي علبه مويه صغيره و حطي فيها محلول مره ..
تشربينها قبل الولاده وانتي بالطريق بالسياره علشان الريحه العطور لان ممكن تسكر الرحم و تتعسر الولاده لا سمح الله
بس بسبب الشمم من العطور !
وخلي معك كسره صغيره حلتيته شميها اذا وصلتي معليش استحملي الريحه
واذا دهنتي خشمك فيها تكونين ابطل وحده
لانها تساعد بإذن الله في فتح الرحم بسرعه و تيسر الولاده ..

وحتى بعد الولاده كويسه للشمم ..

* المشروبات اليوميه في فترة النفاس :

1- الصباح مع الفطور حليب حار محلى بعسل و فلفل اسود ..

2- على الغذاء او بين الفطور و الغداء شاي زنجبيل + قرفه ..

3- قبل ما تنامين شاي زعتر ..

4- الرمان المطحون تحطينه مع اي عصير او تسوينه كـ شاي تستخدمينه بعد ما تنشفين من الدم الى ما تطلعين من النفاس ..

5- وقت المغرب مع اهلك بتقهون طبعاً انتي بتقعدين معهم
بس انتي سبيشل لك قهوه غيير ..
قهوتك ياعسل معها مره و تستخدمينها 3 ايام
اما اذا كنتي تاخذين مضاد حيوي ما تستخدمين المره ابداً لانها تبطل مفعوله ..


طيب لسى ما جينا للوجبات



* الفـطور :


عندك خيارين << بدلعكم
• سندويش بيض مقلي مرشوش عليه ملعقه كبيره حلبه مطحونه + فلفل اسود

وطبعاً حتى خبرك سبيشل
بالمقلاه تحطين [ بر , حلبه , حليب بودره , ملح , سكر , بصله ]

تعجينهم بـ مويه و بعد ما يخلص ادهنيه بـ عسل ..


• تمر + حليب نفس الي شرحته في الخيار الاول ..


*مهم :

آخر عشر ايام من النفاس راح يكون فطورك تمر مقلب بـ زبده و معاه رشاد
وتشربين معاه قهوه او حليب الي يريحك ..





* الغذاء :

عاد بالغداء بدلعكم مره

• مرق لحم ..
• مطازيز ..
• شوربه كويكر مع قطع لحم ..

اذا جيتي تاكلين الغداء اي خيار من الخيارات الي عندك انثري فوقه ملعتين ماش مطحون + فلفل اسود ..



* العشاء :

بعد بدلعكم

• تمر + حليب
• اي فاكهة تشتينها
• سلطه خضراء , تبوله او اي سلطه ودك فيها ..
• وجبه سمك من اي نوع تحبينه ..


وصحه و عافيــه



-4-




وبكذا وصلنـا لـ آخر نقطه في الموضوع

الملابس الي تحرصين انك تلبسينها
او بالاصح نوعيه الملابس


منها داخلي وخارجي ..

انتي طبعاً من نفسك تحددين الكميه الي تحتاجينها من الملابس الداخليه
يعني اذا عندك احد يغسلك ملابسك و يدلعك ما تحتاجين كميه كبيره ..
اما اذا كنتي بـ بيتك فإحسبي حساب انك بتكونين مالك خلق غسيل و حوسه خصوصاً الايام الاولى
فـ زيدي عددهم و لا تحرصين انك تشترينها من محلات مشهوره و غاليه لان ملابس النفاس مدتها
مؤقته و تتخلصين منها بعد النفاس , واحرصي بعد انها تكون واسعه علشان زي ما قلنا صدرك رح يزيد حجمه
والبطن و و و ..

طيب ايش الي تحتاين له ؟

تحتاجين لـ :
• برا " حماله الصدر "

اوسع من مقاسك وتكون خاصه بالترضيع علشان يسهل عليك ..
تلقينها في مذكير او حتى دبنهامز ..
الي تصير فيها كلبسات تنفتح .. مرره تسهل لك ..


• بانتي "كلوتات"

من القطن المشدود نوعاً ما .. بس مو مشدود مره !
او حتى اريح لك اشتري الي بالصيدليات موجود الي استخدام مره وحده و ينرمى يكون اريح و افضل
ومن نظري انظف



• غطاء الصدر

وقت الرضاعه مره مهم يعني يبعدك عن الاحراج
موجود في محلات الاطفال مثل سنتر بوينت , مذركير , صيدلايات ..



* الادوات والاغراض الصحية :

• كريم خاص لتشققات الصدر

لان غالباًُ عمليه الترضيع تتعب شوي .. و كريمات الصدر خصوصاً المصنوعه من زبده الكاكاو
جداً رائعه و معفولها سريع و ابداً مالها اي ضرر للطفل ان شاء الله ..
طبعاً موجوده في الصيدليات ..


• فوط صحية

بمقاسين كبير ومتوسط او صغير حسب مقاسك ..


• شامبوا وغسول للجسم وغيره ..

• كمادات للثدي

تصلح اثناء احتقان الحليب وتجمعه خصوصا في الفترات الأولى من الرضاعه







* النظافه الشخصيه:


• الهدوء في الحركه اول اسبوع مهم جداً جداً
واحرصي انك ما ترشين منطقه الخياطه بالرشاش , رشيها باليد من بعيد علشان ما تطيح الخيوط
و لا تستخدمين المره بتاتاً كغسول علشان تسقط الخيوط لانه يشدها ..

• تشطفي بـ مويه و ملح يومياً بدون ما تبالغين بكميه الملح يعني خير الامور الوسط ..





وآخر شئ ابغى اقولكم صدق انك رح تتعبين نفسياً و جسدياً
والاكل رح يكون طعمه سيئ نوعاً ما بس صدقيني لما تشوفين التغير الي يصير لك بصحتك
ونفسيتك و حتى لـ صحه طفلك لانك في مرحله رضاعه يعني له تأثير على الطفل
بيهون كل هذا التعب

و شغلي دايم القرآن عندك مافي علاج افضل من القرآن يريحك و يحسن نفسيتك
وكويس جداً لـ طفلك ..


واتمنى لكم كلكم ولاده سليمه و سهله يارب




منقول بتصرف

[قطرة ندى*]

ماء المسك
شخبارك واخبار التوينز
مشكورة جدا عالمعلومات القيمة

[قطرة ندى*]

غرومة الله يسمع منك
يارب ارزقني بالحمل السليم وكل من تتمنى الحمل يارب

[ماء المسك]

هلا قطووورة انا بخير والحمد لله وان شاء الله هم بعد بخير !! بدينا بلوسوسه

انتي كيفك ؟

والعفوو حبيبتي ,,,,,,,,,,,,

[قطرة ندى*]

ماء المسك
احنا بالنفاس غير شكل يعني المواد اللي قلتي عنها طحن احنا مانطحنها ناكلها مطبوخة راح اقول لك على اسماء طبخات نسويها بالنفاس
المخلطة - الخبيصة - الرز الحساوي - الكبدة بالفطور
هذي اهم الأشياء اللي تاكلها اللي بالنفاس

[اول غرام]

هلا والله مسوك
اخبارك وش مسويه ...؟
مشكوره ياعمري ... ع الموضوع
مرره حلوو ومفيد