الباكورا والفدا من البحرين

[ايلاف]

اليوم ان شاء الله بحط لكم طريقة عمل الباكورا والفادا على الطريقة الهندية
الباكورة معمولة بطحين الحمص او النخي
والفادا بطحين الماش
ووووووو اشياء حلوووووووة وايد ان شالله تعجبكم من الحلو
حلاوة الجزر على الطريقة الهندية وتسمى بالهندي
gajar ka hlwa
وهي حلى مفضل بالهند ومشهور عندهم من زمان والحمدلله صدنا الطريقة اخيرا عقب ماخضنا حروب عالمية
عشان اصيد الطريقة
وكيكة العقيلي مشهورة بالبحرين من زمان كانت جدتي تقولي انها تسويها عالفحم بس احين مع تواجد الافران قاموا الناس يسوونها كله بالفرن
وهي مشهورة جدا بالبحرين وبعض مناطق الخليج
وكيكة العشاق احبهااااااااااااااااا واااااااايد
مع اني ماحب الكاكاو وايد بس حبيت هالكيكة حيل
وانا مخترعتها طبعا >>>>>عدال ياماري كوري

وسويت هالالاكلات في ايام متفرقة بالاسبوع وقلت احطها كلها في موضوع واحد احسن وفكة
نبتدي بسم الله الرحمن الرحيم

مقادير الباكورا
بصلة كبيرة ونص
مقطعة جوانح
10 ورقات كاري اخضر
ونص كوب كزبرة مقطعة ومش مفرومه قطع كبار
وفلفل اخضر مقطع حسب الرغبه مع ازالة الحبوب
ملعقة صغيرة ثوم وزنجبيل مطحون
فلفل احمر ملح كركم كمون وكزبرة ناشفين مطحونين
طبعا البهاارات حسب الرغبه والذوق حطوه
وشوي ماء
طحين النخي او الحمص فنيالين كبار تقريبا
في فناجين كبار وفي صغار اعتقد فهمتوا شنو اقصد
واللي ماعنده يستعمل كوب واحد من الطحين النخي
زيت للقلي طبعن
هذي صورة المقادير
نحط البصل وورق الكاري والكزبرة وثوم والزنجبيل والفلفل

نضيف عليهم الكركم والملح والفلفل الاحمر ونلبس قفاز وندعك البصل ببالبهارات علشان تتداخل مع بعض زين

هذي صورة ال دقيق


ونحط عليه الماء والدقيق ونعجن باليدج نلبس قفاز طبعن

وهذا شكله بعد العجن مانسويه وايد سائل

نغطيه بنايلون لين يجي وقت القلي بعد نص ساعه نقليه بهالشكل
ناخذ قطعة صغيره باليد والزيت حار ونحطها بالزيت برفق

نقليها على نار هاديه تقريبا لين يصير شكله جذي




والحين نحط مقادير الفادا
هو تقريبا مثل الطعميه او الفلافل بس معمول بطحين الماش الاصفر المقشر
ويكون الطحين مو مطحون كامل يعني شوي مجروش
وهذي علبته متواجدة بالاسواق

والحين نحط شوي بصل مفروم بصلة كبيرة
ملعقة صغيرة ثوم وزنجبيل
كركم وفلفل احمر شوي بس رشه
وكزبرة مفرومة نص كوب
ولان الخليط شوي مالح بالعلبه
فزدت عليه فنيال واحد طحين بالخميرة
يخفف الملوحة شوي
نفرك المقادير سوا وعقب نحط الطحين فوقهم علبتين
مع شوي ماء مانكثر
لان نبي العجينة شوي هشه
مثل عجينة الفلافل ونقليها بالزيت بواسطة ملعقة طعام
في زيت شوي غزير مو وايد
على نار وسط

وهذي الصور


وهذا شكل الطحين من داخل العلبة


شكل العجينة بعد العجن



وصور للقلي وبعدة والطعم ووايد يهبل
جربوه لان لذيذ جدا

[غلا الشوق]

شاكرة لك سلمت..