معقولة في دكاترة ما تخاف الله لهذه الدرجة !

[أنوار الولاية]

السلام عليكم

كيفكم اخواتي ...

في البداية اقسم لكم بالله ان الكلام الي بقوله صحيح وماعندي اي مصلحة شخصية أبداً ...

انا اجهضت ثلاث مرات والحمد لله الله يعوضني وعوض الجميع .. مع ان لدي اطفال ثلاثة

المهم ...

ألحت عليا احدى قريباتي بالذهاب الي دكتورة ...... بعدين بذكر اسمها .. لأن سمعتها بأنها شاطره جداً وعندها خبره ...

انا لم أوافق وخاصة انها كانت في أمارة ثانية قلت ليش اذهب لدكتورة بعيده ماليه داعي لكن بعد إلحاحها قلت بجرب اروح لها ...


الي صار يا بنات اول ما دخلت عيادتها كانت فاضيه فقط مريضه واحده قبلنا

اول دخولي شرحت لها وضعي ولا انكر انها تجاوبت وشرحت لي خطوات اتبعها بعد الحمل ...

لكن ... طلبت مني الفحص المهبلي , اصريت ان يكون الفحص على البطن لكن لم توافق ...

الله يعلم اني اكتب لكم وقلبي منقهر عليها الي الي سوته فيني ...

تخيلو اول ما بدأت تفحص اول دقيقه قالت لي عندك ورم خبيث ! انا هنا انصدمت قلت لها شنو تقولين .. وهي لا مباليه تعيد وقالت لي لازم عمل فحص لعنق الرحم

وخلتني اشوف الصورة والله يا بنات مجرد احمرااااار وقريب لعنق الرحم يعني العنق سليم ..


انا صورت الصورة بجوالي

قلت لها انا ما عندي اي اعراض ولا اشتكي من اي شي , دورتي منتظمه ولا افرازات ولا حكه ولا من هالقبيل ولا ذرة شي الحمد لله ...

قالت عادي مو لازم تشتكين بعدين قالت لي هذا من اكثر من عشر سنوات .. قلت ليها معقوله اكثر من عشر سنوات وماحد لاحظ ! واطفالي الي انجبتهم خلال هالعشر السنوات والاجهاضات الثلاثه كلها تبعتها تحاليل وفحوصات ...

بعدين قالت لي عندك دوالي برجليك شافت عروق زرقا قلت لها انا جلدي هذا طبيعته من يوم كنت صغيرة ومش دوالي

سكتت وقالت رحمك كبييير زياده وين كبير وانا اطفالي ثلاثتهم اقل من ثلاثه كيلو اكبرهم كيلوين و سبعمئة ... وردت قالت تبويضك ضعيف وتحتاجي عملية تجميل تحت !!!!

يعني ما ظلت عله ما حطتها فيني !


كل هذا تعرفوا ليش تباني اعمل فحوصات كثيرة واخذت 2000 درهم من اول زيارة !!!

يعني عمركم شفتوا دكتورة تتعامل هالتعامل ....

تتهمني بمرض الله لا يقوله بمجرد فحص خارجي يعني ماقالت يمكن لا مصره انه مرض خبيث لا سمح الله

كلش منقهرة لان عيشتني في خوف ماليه داعي ...

[أنوار الولاية]

انا اول ما طلعت ما خبرت زوجي قلت خلني اصبر للبيت وخاصة طريق البيت طويل ...

بعد ما اخبرته قال لي جدابه ونصابه وماعليج منها ...

اقول اثناء دخولي حمام المستشفى جاء رجال مع زوجته وغاضب جدا وصراخه عالي على الدكتورة يقول ليها انتي قلتي فيها وفيها !

يعني الظاهر انها اعادت الشي مع المرضى اللي قبلي بس عشان تزيد طلب التحاليل ! حتى لو كان على حساب اعصاب الطرف الثاني ..

ما اقول الي الله ينتقم منها ومن اشكالها

هذه تجربتي لكل من تراجع هذه الدكتورة هي شاطرة نعم لكن عادي تستعمل اسلوب التخويف مو بس تخويف رعب !


ولا لا يفوتكم قالت لي تبويضك صغييير ... انزين اعرفي كم طول دورتي بعدين احكمي

طلع تبويضي عادي ومافي شي ! والا كيف حملت قبل انا توني مجهضه من اقل من شهرين

[أنوار الولاية]

وقلت ليها ان الشهر الي فات كان عندي التهاب بول وسبب لي حكه خفيفه بالمهبل فاحتمال الاحمرار منه قالت ماليه دخل!

كيف ماليه دخل وهي قالت ان المهبل معرض لجراثيم البول ! كلام متناقض

بالله عليكم بسألكم بالعقل ... هذا اي ورم يا كافي الشر من عشر سنوات وبلا اعراض واي ورم يكشف بمجرد النظر !!!


ما بذكر اسم الدكتورة يمكن ما تصدقوني لان النت ماعرف ليش يمدحونها يمكن لانها كانت سابقا في مستشفى مشهور وليس عيادة ماحد يعرفها وبين زرانيق ..

بس بذكر مكانها

العيادة عيادة القصر بالشارجه فيها بس هذه الدكتورة وغرفه ثانية للأسنان ..


عرف طولت عليكم بس انا منقهرة ومنزعجه من الحاله النفسيه الي سببتها لي معقوله لفلوس تعمي لهذه الدرجه !

[أنوار الولاية]

اقول لزوجي قدم شكوى عليها .. المشكله عادي تنكر وتقول انها ما قالت

[اصدق النيه]

خلاص عرفتها وانا بعد اقول حسبي الله عليها
خوفتني وانا توني عروس وقالت مافي جماع ثلاث شهور لانه عندك التهاب حاد وعدوى وخرابيط
وطلعت من عندها دفعت ٥٠٠٠ درهم شامل التحاليل ورحت مكان ثاني طلع مافي شي من هذا كله
والاحمرار لاني توني عروس من اربع شهور متزوجة ومن الجماع يصير
رجعنا عندها وزوجي مسح فيها الارض
ناس يستغلون المهنه لأغراض ماديه والله حرام !!!
القهر الكل يمدح فيها وعلى شو ما اعرف !!!!

[وردة عمره]

حسبي الله عليها الله يعوضك خير في ناس كتير بستغل المهنة للكسب الحرام

[أنوار الولاية]

المشاركة الأصلية كتبت بواسطة اصدق النيه

خلاص عرفتها وانا بعد اقول حسبي الله عليها
خوفتني وانا توني عروس وقالت مافي جماع ثلاث شهور لانه عندك التهاب حاد وعدوى وخرابيط
وطلعت من عندها دفعت 5000 درهم شامل التحاليل ورحت مكان ثاني طلع مافي شي من هذا كله
والاحمرار لاني توني عروس من اربع شهور متزوجة ومن الجماع يصير
رجعنا عندها وزوجي مسح فيها الارض
ناس يستغلون المهنه لأغراض ماديه والله حرام !!!
القهر الكل يمدح فيها وعلى شو ما اعرف !!!!

بردتين قلبي يوم رديتي 😪

مشكوره والله يعين الناس الي تروح ليها

هي استغلت شهرتها وصارت ماديه مهما صار الثمن ، يعني في ذمتكم في دكتور في الدنيا مجرد فحص بالنظر يحكم على المرض انه خطير وجذي يقولها في وجه مافي مراعاة كلش

لكن حسبي الله عليها والله ينتقم منها ...

الدكتوره كانت تشتغل في ابوظبي وانشهرت بس بعد كم سنه الله يستر شو سوت من بلوه طلعوها المستشفى وفتحت لها عياده صغيره خاااااليه وبين زرانيق ماحد يدري بيها في الشارقه

ومن احد يدخل عليها تأخذ منه قيمة عشرة مرضى من تحاليل ماليها داعي وانهام المرضى فيك مرض خطير وووو


بعد ردك اختى انا بكتب اسمها حتى الكل يقرا تجربتنا ومايصير له نفس الي استوا لنا

اسمها كاميليا اظني روسية او افغانيه بس تتكلم عربي زين ..

[اصدق النيه]

لا هي جنسيتها هنغاريه بس تتكلم عربي عدل

[جنة النعيم]

يا الهي في كل مكان يوجد امثالها انا في الجزائر ظنيت انه هذا الاشكال ماعندكم في الامارات على حد قول زوجي أكيد هي المربضة وعندها عقدة يا تكون مش متزوجة أو ما عندها امل في الزواج والحمل يعني تحاول تطلع نقصها في النساء لي يروحولها زيادة على كسب المال ,وكلو عليها ربي راح تجيها لي تطلع عينها.

[أنوار الولاية]

انا سمعت عن استغلال الدكاتره لكن لهذه الدرجه ما شفت تتهمني بمرض الله لا يقوله

ولا يفوتكم عاطتني لستة اطعمه ممنوعه 😪 دجاج ولحوم وبيض واجبان ونشويات هذا الي اذكره
اتقول لي خلي اكلك رز وسمك وتمر 😒 اعرف هذا اكل صحي لكن مو تفرضه تقول لي حتى تحملي

هي كانت من الي وزنهم كبييير وعملت حميه وتبي تمشي لستة الاكل علينا 😩

انا وزني 57 وطولي 156 ☺✋🏻