الم العملية القيصرية مع الحمل

[نوني الحلوة]

مساء الخير

انا حامل نهاية الشهر الثالث وكانت ولادتي الاولى قيصرية

بس من كم يوم وانا احس الم العملية يعورني بس الم خفيف على انه العملية لها اكثر من سنتين ونص

هل شيء طبيعي اني احس بالم مكان العملية مع الحمل

وهل عند الولادة يعطوني طلق صناعي او يأثر على الرحم بسبب العملية

لاني خايفة بسبب العملية السابقة

لاني ولادتي الاولى تاخرت بسبب المثبتات وعطوني طلق صناعي ولا انفتح الرحم

وسويت عملية

وانا الان استخدم مثبتات واخاف تتاخر ولادتي ويعطوني طلق صناعي وانا قبل مسويه عملية

واللي بتقول المثبتات ماتاخر الولادة هذا كلام دكتورة ماجبت شيء من عندي

وانا استخدم المثبتات لانه سبق لي اجهاض

[فداك الكون]

اعتقد عادي حبيبتي
لانه كتير ناس حتى بعد عشر سنين بكونوا لسه بحسوا بالعملية

[إحساس إمرأة]

هلا و غلااا يالغالية..
مااشاء الله ... ع ما اظن عادي يالغلاا
اشوف كثيييير الي ولادتهم قيصرية
يحس بالم مكان العملية مع الحمل
اشوف جارتي تتعب بذات بعد 5 شهور من الحمل
ليييين وقت الولادة ... و ماشاء الله عليها مافيها الا العافية
ربي يتمم لك ع خير و يسهل و ييسر لك ولادتك يااا رب
تحيااااتي لك

[إحساس إمرأة]

[الحلم المنتظر]

عادي طبيعي لاتخافين كثير يحسوون فيها
بعد ماتخلصين الثالث راح تخف بسبب الجنين يرقى لفوق وترتاحين
لانه الحين توه تحت نازل ويضغط على المكان
ربي ييسر لك وتولدين هالمره طبيعي

[حرية شخصيه]

الالم طبيعي انا سالت الدكتوره قالت عادي
اما الولاده هم اصلا مستحيل يعطوك طلق صناعي بسبب العمليه الاول يخافو عليها

[رمان]

ماعندي علم حبيبتي
انا زيك ولدت قيصرية و خايفه احمل
الله يهون عليك

[مـثـل الـقـمـر]

انا ماحسيت باي الم وعمليتي الاولى كانت قبل 3 سنوات
عادي حبيبتي لاتخافي ولا شي ان شاء الله كلشي تمام بس موعدك الجاي قولي للدكتوره وشوفي وش تقول لك

وبالنسبه للطلق الصناعي مايعطونك اياه ابد لان خطير مع العمليه القيصريه السابقه انه لاسمح الله يصير في شي الرحم ولو لاسمح الله صار لك تاخير او تعسر لاسمح الله بتكون ولادتك قيصري ويارب ماتحتاجي وكل امورك تكون تمام