ساعدوني حامل خارج الرحم

[ربيع الرووح]

بنات ساعدوني
انا حامل خارج الرحم
وتنيمت في المستشفى عشان يعطوني ابر كيماوي
الابره الاولى ماسوت شي والثانيه بعدها باسبوع جاني المطلق ونزلت قطعه مني
كنها كبده على كيس
طبعاكان هرمون الحمل معي 6600
وبعد الابره الثانيه باربع ايام كان 3700
وسابع يوم يوم من الابره 1700
وعاشر يوم1800
انا خايفه انه زاد 100
هل هذا طبيعي
والي حملت خارج الرحم كم تنومتي في المستشفى
وكم ابره عطاش
نفسيني تعبت

[إحساس إمرأة]

هلا حبيبتي
الله يعوض عليك اختي
بتوام ان شاء الله
و ما عندي فكرة ياقلبي
ان شاء الله الاخوات يفدونك
الله يحفظك يالغلا من كل مكروه ويعوضك بالخير

[إحساس إمرأة]

[إحساس إمرأة]

و هذا من النت
ان شاء الله يفيدك ياقلبي
و يفيد الجميييع
الله يحفظكم :

انا حملي الأول كان خارج الرحم بقناه فالوب اليسرى عقب الدوره بثلاث أيام بدت تنزل إفرازات بنيه وايد تمت مال أسبوع سرت المستشفى افحص قلت لا يكون التهاب او شي عشان الحق على عمري بالبداية طبعا سوت لي فحص للرحم ومسحه من عنق الرحم وفحص دم
المسحه الحمد لله نظيفه والرحم قالو نظيف طبعا عقب الفحص ثاني يوم بدا ينزل دم اسود مثل الدوره تم عندي خمس أيام متواصل اتصلو فيني عشان نتيجه الفحص الدم ماقالو لي شي بس طلبت الدكتوره فحص دم مره ثانيه هني خفت قالت الدكتوره لاتحاتين كل شي تمام وقالت بعطيج النتيجة بالتلفون لما اتصلت بعد طلبت أسوي فحص دم مره ثالثه وعقبه قالت تعالي انتي وريلج
لما سرت وأنا خايفه قالت مبروك انتي حامل أنصدمت كيف حامل وكل هالدم الي نزل طبعا لهني عادي عطتني موعد عقب ثلاث أسابيع عشان تشوف الجنين لانه بالبدايهةمابين على أساس يكون صغير
عقب أسبوعين وشوي نزل علي إفراز بني كان يوم السبت قلت حق ريلي ودني عياده مالي خلق انتظر بالمستشفى كنت اتعالج بالزهره وتعرفون الزحمة هناك تنتظرني ساعتين ثلاث
سرت العياده سوت لي الدكتوره سونار خارجي قالت منو قالج انتي حامل انا طبعا انصدمت قلت كيف وكل هالاعراض الي فيني تقول الرحم نظيف مافي حتى كيس جنين سوت فحص داخلي عشان تتأكد وبعد قالت مافي حمل قالت على اي أساس خبروج انتي حامل قلت بفحص الدم سوت فحص دم الهرمون عالي ومافي شي بالرحم قالت بقولج شي ولا تزعلين احتمال كبير حمل خارج الرحم او انه صغير مايبين قلت مستحيل للحين مايبين اذا حمل طبيعي قالت عقب أسبوع سيري المستشفى وتاكدي لانه أكيد بيبن عدل وعقب أسبوع نزل لي دم الصبح سرت المستشفى سو سونار قالو مافي حمل وحجزوني عندهم عقب عشان يتأكدون قبل لايعطوني العلاج سو لي فحص فوق الصوتية وتاكدو الحمل خارج الرحم
خيريتين الدكتوره انه أسوي منظار يفتحون فتحه بسيطه ويطلعون البيبي من ألقناه او الابره اخترت الابره وتميزت ثلاث أيام تحت المراقبه عقب طلعت بس ماكنت حاسه بخطر هالحمل كنت احسه عادي طبعا كل ثلاث أيام كنت أسوي فحص الدم عشان يشوفوا الهرمون ينزل وكان ينزل

عقب عشر أيام من الابره الله لايرويكم الألم ماكنت ادري إلا وكنت مع ريلي وأحس خلاص مانروم امشي وبدت الدنيا تلف فيني ريلي يقولب أوديج المستشفى انا أقوله لا بطلع شقتي يرتاح وطبعا خلال خمس دقائق جسمي كله ماي استوي وأحس برد طلعت الشقة وانسدحت على الأرض وبطين اصارخ بطني بطني تنتفخ ووالم فظيع وأحس الدنيا تدور وتدور اتصل بأهلي امي وأختي سيدا يو وأنا معاهده مابى أسير المستشفى اتصل ريلي طوارى ودوني المستشفى وأنا أحس خلاص بموت الله لايرويكم الم كان عندي نزيف داخلي وأنا مادري بالإسعاف ريلي اتصل بالمستشفى وطلب الدكتوره الي متابعه حالتي لانه كانت ساعه 12 ونص الليل انا أتحرى بيعطوني هناك مغذي ودوا ويرجع البيت شيكت ضغطي نازل على الأخير سو سونار داخلي وشافت النزيف وأنا كله مغمضة عيوني لأني أحس الدنيا تلف وتدور طلعوني غيرو ملابسي انا بقلبي أقول أف بيرقدوني عندهم هنئ وصلت الدكتوره حسيتها ًزعلانه ماشوف إلا والسستر تحلق شعر البطن الوبر هنئ عرفت بيدخلوني عمليات سيدا دخلت وأقول حق الدكتوره سوي اي شي انا خلاص مأتم فيني قوه اتشهدت وقلت بسم الله الذي لايضر مع اسمه شي الخ
وما حسيت طلعت من العمليه ماكنت ادري أنهم شالين ألقناه ريلي طلب مايخبروني وايد نزفت عطاني أربعه لتر دم عقب العمليه
طبعا هالحمل من أخطر أنواع الحمل في منهم يسمونه حمل الموت الله لا يبليكم فيه
نصيحتي للبنات اهم شي اذا تأكدي انك حامل تأكدي من السونار والدم ولو عرفتي خارج الرحم سوي المنظار أحسن عن الابره لانه الابره فتره طويله علاجها ولازم راحه تامه وأنا انفجرت عندي يعني مأمنها فايده الابره
وعقب لازم تتاكدين من الأنبوب الثاني انه مفتوح ومافيه مشاكل عشان لاتتكرر معاكم التجربة

طولت وايد بس حبيت أقولكم قصتي كامله عشان اي وحده لاسمح الله حست بأي اعراض مثلي تسير وتااكد من كل شي
والله يحفظكم جميع

[هاجر 13]

والله مثل ماقالت **احساس امراة*** انا من ايام بس صار معي نفس الي قالتو والله صح هو حمل الموت رغم اني كنت بتابع مع المستشفى والدكتورة كان عندي هرمون الحمل مرتفع 3784 ومابان ولا شي في السونار ولا حتى المهبلي و الشي الي اوهمني ان الدكتورة خلاص صممت انو حمل متوقف واسبوع ورا التاني وانا عندي امل انها غلطانة حتى اجتني اللام شديدة وانهيار في الضغط واقياء وتعرق شديد والحمد لله لما اجا الاسعاف ودوني عيادة التوليد بس الجراح الصيني رفض عمل العملية وشك انها زايدة دودية لولا التحاق الدكتورة والاطباء واصرو يعملو العملية مهما كان والنتيجة انوصار لي نزيف داخلي لانو انفجر انبوب فالوب اليسار بس الحمد لله على كل شي ويعوضني به خير
والسبب المباشر يمكن يكون الابرة التفجيرية

[jojo 123456]

ألف سلامة عليك حبيبتي والله يعوضك قريبا

[بحــ العيون ــــــــر]

الله يعوض عليكي ويررررررررررزقك عن قريب

والبنات مااااااااااااااااااااااااااااقصرو معك يا الغلا

[أم جوود.]

الف سلامة عليك انا العام سويت عملية حمل خارج الرحم قيصيري مااعطوني ابر وجلست في مستشفى 5 أيام الله يعوضني ويعوضك ان شاءالله وأجر وعافية

[يارب@]

انا حملت خارج الرحم لكن مانزل طبيعي عملت عمليه قيصري وجلست بالمستشفى اسبوعين اسبوع قبل العمليه واسبوع بعد العمليه الله يقومك بالسلامه يارب