تجمع حوامل الشهر السابع

[فروووحه a]

زووز مدري والله حتى اخر دوره لي كانت ثلاث ايام بس
ابرة الكزاز مااخذتها لسى ولا جاب لي طاري عنها الدكتور اتوقع باقي
وحملي اللي قبل مااخذتها بسبب الولاده المبكره
هي وش فايدتها بالضبط ؟

اشواق ولانا ابي اسألكم مين افضل دكتوره في مستشفى نساء وولاده ؟
لأني ان شاءالله ناويه اولد فيها وغير كذا صاحب زوجي اخته دكتورة نساء وولاده بس مااعرفت اسمها وابي اخلي زوجي يطلب رقمها من اخوها واسألها عن الولاده
بالرغم كنت ناويه اولد في حراء لانهم قريبين من اهلي بس غيرت رايي يقولون تعامل الدكاتره زفت ومن هب ودب يدخلون عليك وانتي باقي ماخيطوك !

[زووووز]

دلوعت حياتي حاولي تنامين اكبر قدر في النهار عشان ماتحسين بتعب الصيام الله يسهل لك

فرووحه هي تحمي عن بكتيريا تجي للجروح هو نادر بس مميت والحمايه بالتطعيم بتكون للام والجنين في حال استخدام ادوات غير معقمه في جراحة الام او قص الحبل السري للطفل

[لانا24]

مسساء الخير بنات
وحشششتوني وش اخباااركم وكيف الصيام
معاكم ؛ انا الحمدلله اليوم يمر بدون تعب ماعدا
العطش ...

زوووز
انتي نفس حالتي كتبت لي الدكتوره ابرة الكزاز
وسالتني اذا اخذتها بحملي الاول قلت ماتذكر
قالت لو اخذتيهاا يصير اعطيك بس جرعه
ولو ماخذتيها اعطيك جرعتين
لانها تنعطى بس بالحمل الاول والثاني وتعطي مناعه
فالحملات الجايه ماتحتاجينها
قالت احتيااط باعتبر انك اخذتيها بالحمل الاول
واعطتني بس جرعه اظن كنت بنهاية الخامس او بالسادس ناسيه

فروووحه
معرووف الولاده افضل من حراء بكثيير
وبالنسبه للدكاتره والله مااعرف لانه حكومي ومايخلون
اختار بكيفي
بس انا الي ولدوني قبل اربع بنات سعوديات وكانوو
رووعه مرره طيبات بس للاسف ماعرف اساميهم
ًانتي ادعي ربي يسخر لك الدكتوره الي فيها الخير
لان ماتدرين يمكن تختارين دكتوره ووقت ولادتك ماتكون
موجوده وتولدك مناوبه عنها

الله يتمم لنا للتاسع ويسخر لنا دكتورات طيبات وصبورات

[اشواق الصمت]

خوفتوني يابنات والله ودي بأبره الكزاز بس دكتوري ماكتبها لي ولا اتوقع بيكتبها شكلي بكلمه عليها

فروحه والله معرف اساميهم انا محد ولدني لكن كان يشرف علي دكتور سوداني نحييف مره سمعت انه شاطر

لكن بسأل صحباتي الي ولدو هناك و اردلك خبر

[لانا24]

بنات بسالكم الي اخذتو ابرة الرئه
سويتو بعدها تحليل سكر ولا ؟؟؟

لان دكتورتي تقول بتسوي لي تحليل لان الابره ترفع
السكر وللحين مارحت وسويته

[فروووحه a]

بنات الدكتور طلب مني في موعدي الجاي اسوي تحليل دم وتحليل بول تكرمون
انتم سويتوا نفس هالتحاليل في السابع وليش ؟

[زووووز]

يعني برايكم اخذها الابره او لا مدري ليش متردده

لانا 24 انا الدكتوره قالت انها تنوخذ بس الحمل الاول وتعطي مناعه دائمه ولما قلتلها اني ناسيه احسها حتى هي احتارت وماعطتني رد واضح
طيب بسالك انتي لما خذتيهاحسيتي باي اعراض لاني قريت انها تعور


فرووحه اعتقد هذه تحاليل روتينيه للسكر ونسبة الحديد واشيا ثانيه

[لانا24]

فروحه
انا سويت التحاليل مرتين مره باول الحمل والمره
الثانيه بالسادس يعرفون نسبة الحديد والكالسيوم وكله

زوووز
طيب قولي لدكتورتك فيه وحده اعرفها حامل ونفس
حالتي مو عارفه اخذت الابره بالحمل الاول او لا
فاعطتها الدكتوره جرعه وحده احتياط
شوفي وش ردها تعطيك او لا

واذا عندك دفتر متابعة الحمل بحملك الاول وريه
الدكتوره يمكن مكتوب فيه اذا اخذتيها او لا

انا الدفتر عندي وكل مره انسى اخذه اوريه دكتورتي

[ام حمد .]

مرحبا بنات

كيفكم وكيف الحمل

يلا انا انضميت معكم بالسابع >>> رحبو بي (:

وشي ابرة الكزاز ماجابت لي الدكتوره طاريه

ايه التحاليل كن عندي موعد قبل اسبوع وسويت تحليل دم

هم الاغلب يسوونه بالرابع وبداية السابع

الله يعين ويهون علينا

[اشواق الصمت]

المشاركة الأصلية كتبت بواسطة فروووحه a

بنات الدكتور طلب مني في موعدي الجاي اسوي تحليل دم وتحليل بول تكرمون
انتم سويتوا نفس هالتحاليل في السابع وليش ؟

انا مثلك عملت تحليل بول ودم عشان يشوف اذا معك التهابات او لا

وطلع معاي التهاب وعطاني حبوب مضاد حيوي