|
تجمع حوامل الشهر السابع
بسم الله الرحمن الرحيم
كيفكم ياكروشات بما اني الحمد لله توني دخلت السابعhwaml7 حبيت اسوي هذ التجمع لحوامل الشهر السابع نفيد ونستفيد وندردش الله يتمم لنا بالسلامه وحياكم حبيباتي hwaml13 |
رد: تجمع حوامل الشهر السابع
الله يسهل لنا ويوفقكم في هذا التجمع ان شاءالله لما ادخل السابع اجيكم والحق عليكم قبل ماتولدوا ههههه
|
رد: تجمع حوامل الشهر السابع
اهلييين زوووز اكيد نورت التجمع ههههههههه واثقه
ان شاءالله بس مايقفلون التجمع علينا كيف الشهر السابع معاكم يابنات ؟؟ |
رد: تجمع حوامل الشهر السابع
سيندرييلا اميين ويتمم لك ع خير
بس مااتوقع تلحقين علينا خخخخ توك بدري عليك بس لاتخافين بننشب لكم بالمنتدى نسوي لنا تجمع للنفاس ونسيّر عليكم ونتطمن الله يتمم لنا يارب للشهر التاسع |
رد: تجمع حوامل الشهر السابع
هلا بالمزز مبروك التجمع الجديد
بنات امس كان موعدي والدكتور يقول راس البيبي نازل بالحوض وضاغط شوي ع عنق الرحم المهم هوه ماخوفني لان طبع دكتوري تبسيط الامور بس كتبلي ابره الرئه كل ١٢ ساعه عاد ادري ماكتبها الا عشان شاكك اني بولد مبكر والله خاااايفه مع ان باقيلي اسبوع للثامن وهوه قلي لاتخافين لو ولدتي البيبي يدخل الحضانه فتره واحتمال مايدخل عشان وزنه كيلو و ٨٠٠ ذا تقريبي مو الاكيد الي تعرف اكلات تزود وزن البيبي تفيدني زوجي ماغير يجيبلي معصوب يغصبني عليه يقول يسمن البيبي احس محد سمن غيري |
رد: تجمع حوامل الشهر السابع
اهلين حبيبتي سندريلا احنا موجودين وبنسير عليكم هناك
لانا اكييد منوره اشواق الله يكتب لك اللي فيه الخير بويتمم لك ماعندي معلومه عن الاكلات |
رد: تجمع حوامل الشهر السابع
بنات خلونا ندردش كل وحده تدخل وتكتب اللي بخاطرها
شتحس من اعراض . شنو قال ا لها جنس البيبي ووش راح تسميه . شنو جهزت اغراضه . واي شي بسالكم برمضان بتروحون لاهلكم ولابتضلون في بيوتكم انا ودي اروح بيت اهلي لاني من اوقف اطبخ الغدا ادوخ واتعب فكيف مع الصيام بس بنتي تجنني هناك تسوي ازعاج وفوضى لان ععندي اخوان صغار فقررت اضل بشقتي والله يعني |
رد: تجمع حوامل الشهر السابع
اهلين اشواق الله يبارك فيك
نفس حالتي ضربت ابرتين للرئه بس قالت لي ان الجنين مو نازل بالحوض بس راسه اسفل مستعد وقالت لاتجلسين وتوقفين كثير عشان لايضغط عالرحم ويفتح والقهر نسيت اسالها عن وزنه كل مره انسى المهم لاتخافين انا ولدت ولدي الاول بنص الثامن وكان وزنه كيلو وسبعميه وقعد بالحضانه اربع ايام وخرج الحمدلله ووقتها ماخذت ابرة الرئه قالو مايحتاج دام اخذتي نص الثامن وفيه وحده اعرفها ولدت بنص السابع ووزن بنتها قريب من الكيلو بس قعدت ماشاءالله بالحضانه شهر وطلعت وحماتي بكل عيالها ينزلون للحوض من الشهر الرابع وماشاءالله تولدهم بالتاسع وبالنسبه للاكل دايما اقرا انه الموز والتمر يزيدون وزن الجنين وانا بحملي هذا من اوله وانا اكل تمر الحمدلله الله يتمم لنا يااارب للتاسع |
رد: تجمع حوامل الشهر السابع
زوووز تسلمين النور نوررك
يلا ابدائي انتي دردشي بالنسبه لرمضان بقضيه ببيتي باذن الله بس يارب الاقي شغاله وبيت اهلي قريب اقدر اروح لهم بين فتره وفتره واول اسبوع برمضان مو ناويه اطلع مكان بعلم ولدي عالحمام وانتو بكرامه عمره ثلاث سنوات وللحين ماتعلم مره تعبببني الله يهديه وبالنسبه للسوق يمكن انزل باذن الله ع 17 رمضان اقضي لنفسي لان ولدي الحمدلله خلصته والبيبي باقي شغلات بسيطه بخليها بعد العيد وسريري ومفرشي للنفاس بشتريه ذي الفتره وبيتي باقي ماخلصته ؛ ( الله يعيييين ويسهل ويتمم لنا للتاسع يااارب |
رد: تجمع حوامل الشهر السابع
اقتباس:
الله يطمن قلبك والله كلامك كثيرر ريحني بس انا عندي سؤال الحين الي تولد بالثامن او السابع يخيطونها ولا لا عاد الموز اكل منه بس التمر اخاف يزود الي فيني من طلق ولا اولد بدري الحين صحيح مده ابره الرئه هيه اسبوعين وبعدها لازم ناخذها مره ثانيه مو ؟ دعواتي ان الله يتمم لي ولك للتاسع ياااااااااررررب |
| الساعة الآن 05:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .