** ليبيا زين علي زين ليبيا ورد وياسمين ** تجمع الليبيات

[اوشي]

ونحكي لكم نكتة صارت حقيقة

عندنا ولد عم راجلي لزم متدين جدا وحتى هو يقول ان الاحتفال بالمولد بدعة

فجاء يوم الاحتفال بالمولد ولقى امه حاطة عصيدة لبوه

فقال الهم حرااام عليكم الخبر اللي اديرو فيه راهو بدعة

اشوي بهت فيه بوه وقاله مابدعة الا جيبتي لك ..

[اوشي]

وعلى كلا انا لا نحرم ولا نحلل وهذا كلام علماء الدين الكبار والمعروفين

[خوله 2014]

المشاركة الأصلية كتبت بواسطة اوشي

خولة عزيزتي ..

هذه طريقو كول سلو حلوة بكل مع الرز






المقادير:

* 4أكواب كرنب مقطع صغير

* ربع كوب جزر مبشور

* ثلث كوب سكر

* نصف ملعقة صغيرة ملح

* ملاعق صغيرة فلفل

* ربع كوب حليب

* نصف كوب مايونيز

* ربع كوب لبن رايب

* ملعقة كبير ونصف خل أبيض

* 2ملعقة كبيرة ونصف عصير ليمون

طريقة التحضير:
* نضع الكرنب علي الجزر في وعاء كبير ونخلط باقي المقادير جيداً ونخفقها إلى أن تصبح ناعمه ثم نصبها على الكرنب والجزر

*نضعها بالثلاجه لمده 3ساعات علي الاقل ولا تخافو من الممكن أن تبات بالثلاجه وصحتين

الله يفتح عليك يا اوشي

[خوله 2014]

المشاركة الأصلية كتبت بواسطة أثري في مدادي

أهلين خولة ربي يعاونك ويعطيك صحيحتك ،،،،،،،،،،،،،،

في حتى السلاطة المقلية ،،،،،
وتقدري ديريها قبل اللمة بيوم ،،،
بطاطس مقلية مكعبات وباذنجان وقريعة _ حسب الرغبة _فلفل رومي ألوان مقلي أو مشوي شرائح رفيعة وبقدونس مفروم ناعم وهريسة عربية وفصوص ثومة دوب ما مشوحة في الزيت وتقدري تحطي ذرة وملح وكسبر وكروية
ويمي يمي ~~~~~~~~~~~~

بارك الله فيك يا اثري وما ننحرم من طلتك ومساعدتك

[خوله 2014]

[QUOTE=هدية الخالق;3590761][color="blue"]السلام عليكم ورحمة الله وبركاته
مساء الخيرات عالجميع مشكورين علي سؤالكم علي سوما الله لايوريكم باس وبارك الله فيكم
كيف روحت قبل شويه من العيادة طبعا الموعد في الأصل ليا لأني ليا فترة نشكي من حزامي وعندي ليه خفيفة عاينت قبل فترة ممكن تلاته شهور ودارولي جهاز وقالولي نردوا عليك كان في حاجة وقعدت نستنى وماردوش اليوم مشيت منستفسر شن صار ومندير كشف من تحت لأنه شاكه إنه عندي التهابات هما سبب الوجع وقلت في نفس الوقت نساءلها علي سوما
المهم مشيت وقاتلي الجهاز طلع تمام مافيك شي كل وضعك ممتاز والرحم رجع لمكانه وطبعا سبب التاخير في الرد قالت احني نردو عليك كانا فيك حاجة بس كان الوضع تمام معاش نردو معناها افهميها بروحك
قلتلها مندير كشف عالالتهابات طبعا نحسابه الكشف العادي زي في الحمل عباره عن مسحة من المهبل بس لقيتها بكل ثقة مطلعتلي ماكينة صغيره زي المسدس ترعش وشفافة زي المرش قلتلها في خاطري هذا شني أبدا مانديره علي قد ما قنعو فيا هيا وراجلي قاتلي مش وأعر دقيقتين بس ندخله ناخد عينه من خلايا الرحم ونوعدك نساعدك وما نوجعكش وكان حسيتي بالم قوليلي فورا نوقف طبعا واني مسكره راسي ورااافضه بشده قاتلي امالا خليه مره تانيه لكن مفيش هروب منا ضروري اديريه مهم جدا كل نساء العالم يديروا فيه مره كل عام قلتلها باهي خلاص نديره مره تانيه قاتلي باهي

الحمد لله وان شاءالله لا باس يا هديه

[خوله 2014]

المشاركة الأصلية كتبت بواسطة ام وسونة

السلام عليكم

كيف حالكم ياحبيبات والله خاطري نخش معاكم زي زمان ونهدرز لكن الله غالب زهاء متعبتني عالاخر

سنينات وعياط سلامتها ربي يحفظها

توا كنت في لمة جياب والله حااااااااجة روعة ماشاءالله دارت حاجات خيال ربي يزيدها من خيره طبعا البست فستان شراهولي

راجلي البارح مش عادي ودرت سموكي ذهبي في الاسود والبست تاكمي الجديد اللي شريته الفترة اللي فاتت الحمدلله مشت

مشية تهبل ماشاءالله

يا ام وسونه اولا ربي يحفضلك عويلتك وتانيا بنقصقص اشويه هههخخخ شن امدايره صاحبه اللمه بالك ناخدو منها افكار حلوه وبارك الله فيك

[ام وسونة]

السلام عليكم

اختي خولة في لمة من الاول وزعوا شكلاطة فواكة البحر باكو لكل واحد وبعده عصير كوكتيل وماكرون

وبعده كابتشينو ونوعين حلويات كبااااااار واول مرة نشوفهم لدرجة دسيت وحدة لراجلي والتانية خليتها في صونيتها

وبعدها العشي رز وسلطتين كبة دجاج على كبر كف اليد ومحشية بالخضرة وشريحة دجاج جزيرة حتى هي كبييييييييرة

وطاجين يوناني بالمفروم والجبنة ومعاه بكلاوة وبعد العشي شاهي ومكسرات طبعا مش حنكيلك على الماعين اللي قدموا فيهم

قدمة في الرقييييييي

وخياتي نبي نسالكم على طنجرة البورديم عندي وحدة قداش ليها وماستعملتهاش ياريت تعطوني افكار انتم مجربينها باش

نجربها ياااااارت بسرعة

[sosolibya]

مساااااااااااااااء الخير والمحبة وحال الدوخة بعد الرحلة ههههههههههههههههههههههههههههههه


كيف حالكم ياحلوين..

[هدية الخالق]

السلام عليكم ورحمة الله وبركاته

[هدية الخالق]

المشاركة الأصلية كتبت بواسطة اوشي

هدهد..

باهي اللي اطمنتي علي روحك وتريحتي نفسيا .. والحمد لله

ان سوما تريحت اشوية من الحرارة بس كيف ماقالولك راقبيها

أوشي الله يقبل حمدك و بارك الله فيك والله اهو قاعدة نراقب فيها كل شويه ونقيس في حرارتها ونعطي فيها الشروبو كل أربع أو خمس ساعات والحمد لله هيا في النهار أحسن شوي بس في الليل تزيد ربي يشفيها يارب