** ليبيا زين علي زين ليبيا ورد وياسمين ** تجمع الليبيات

[أثري في مدادي]

مرحبتين باللي طلواااااااااااااااااااااا

جيجي ،،،،،،،،،،،،،،،،
من غير صيااااااااح تعالي وقوليلي السلام عليكم وخلاص ~~~~~
وبعدين ممكن مانبيش نرفع العيال _علي قولة أهل الشرق _ بنعدي أنا وغلاي بروووووووووووحنا
باش نتوهــــــــــــــــــــــــــك ،،،،،،،،،،،،ههههههههه
وبالنسبة للنادي هو مقابل محلات الملابس العربية اللي جهة مدرسة قرطبة بحي الأندلس
لو مشيت ولقيت الجو سمح ،،،
حناخذ رقم تلفونهم ونعطيهولك تتصلي بيهم ويزيدوا يشرحولك ،،،،

أوشي ،،،،،،،،،،،،،
ربي يحفظ اميمتك الغالية ،،، الربايـــــــــــــــــــــــــــة
ويحفظ اميمتي وإميمة كل الغوالي
ويرحم الأموات منهن ويسكنهن فسيح الجنان
يااااااااااااااارب

طيب ياريت ،،،، أوشي ،،،،،،،،،
وبوركت

[أثري في مدادي]

كنت مقررة بنفـــــــــــــطم دودي ،،،،،،،،،،،،، في العطلة
فوجعتني وقعدت مترددة وزيد يازايد بدت معقولة شوية في النوووووووووووووم
يعني ترررررررررررضع وبعدين تسيب شوية ،،، ناخذها ونحطها في سريرها وتنوض تنقنق نهز بيها وبقووووووووووة ترجع تنام
تعطيني راحة ساعتين وبعدين تشدها عياط نرد نحطها بجنبي ونعاودوا القصة
حطي أرفعي للصبح
وهذا عندي حالها تحســـــــــــــــــــــــــن !!!!

لكن
امبارح ادير في ليلة عالمييييييييييييييييييييية
للصبح وهي تمص
وكان ترخيه ونحاول نحطها سريرها تقعد زي المجنوووووووووووووووووووووونة
تعيط وبـــــــــــــــــــــــــــــــــــــــــــــس
قلت لباتها حنجربها الليلة
كان عاودت صنعتها
حنفطمها هي سهرة سهرة
وصابحة تتثاااااااوب وخلالالالالالاص
وأنا وأبو العيال روسناااااااااااا بينفجروا
وظهري بيتكسر من النومة العوجة

وعموما ،،،،،،،،،،، للأمانة
إمبارح مابتش تاكل حتى حاجة !!!!
توا درتلها
قصب " سحلب " بالحليب والتمر باهي تعتبر خدت منه
وكل شوي نعطيها مية
زي ماقلتلك هذيكا الزائرررررررة يا أم فروسي

والموضوع أفادني على ألآخر ،،،،،،،،،،،،،،، وخاصة موضوع التلبينة وحاجات هلبة
شكرا
مانستغنوووووووش ~~~~~~~~~~~~~

[أثري في مدادي]

صوت سيارررررررررررررررررررة غلاي

تذكرت ،،،
وين نسمع سيارة ريدي يكثر في الشارع تسييقي

إن شاء الله ريدها عاقد عليها ،،،،،،،،،،،،، بس !!!
مش يسيبها في آخر لحظـــــــــــــــــــــــة ~~~

[خوله 2014]

المشاركة الأصلية كتبت بواسطة dr.loly

مرحبا خوله نورتي.. وين كنتي مختفيه؟
ان شاء الله امورك تمام ..

السلطات لي مع الرز عالم..

بس شن طريقتك ف سلاطة مشويه لان هن انواع

..

تقدري اتديري تبوله (معدنوس..طماطم..برغل..نعناع اخضر..بصل اخضر)
باب غنوج.. حتي مشكل مخللات .. امسير

وشوفي لقيتلك هالتشكيله كنت دايرتها مع عزومه رز مع امسير ومخللات طبعا




لي هي سلطة الجزر المبشور... ساهله جدآ


جزر مبشور.. وهريسه عربيه .. وكمون اسود .. زيتووون
وعصرة ليمون ع كمون

وبعدها تخلطيهن مع بعضهن فترة ساعتين هكي عشان الطعم يبقي اجمل

,,,


سلطة الباذنجال مكعبات مع جبن وزيتون وبطاطا وفلفل وطماطم وثوم وتزينها بمايونيز..


..

مع سلطة باذنجال مشوي بدون قشور وبعدها تخلطيه ب طحينه وزبادي ف خلاط



وهذه صورة..........

بارك الله فيك يا اوخيتي عالمساعدة
والله بالنسبه ليا كنت لاهيه اشويه مع بنتي حطيتها في الحضانه ويا اوشي اني الرز هو رز يلاو بالخلطة يعني ولما نمشي للحفلات في الصالات انلاحظ ايديرو في نوعين او تلاته سلايط واولهم السلطة المشويه والتانيه مخلطه بالمايونيز ولكن ما اعرفتهاش وهدا الي اندور عليهم وانتي ساعدتيني الله يفتح عليك

[اوشي]

خولة عزيزتي ..

هذه طريقو كول سلو حلوة بكل مع الرز






المقادير:

* 4أكواب كرنب مقطع صغير

* ربع كوب جزر مبشور

* ثلث كوب سكر

* نصف ملعقة صغيرة ملح

* ملاعق صغيرة فلفل

* ربع كوب حليب

* نصف كوب مايونيز

* ربع كوب لبن رايب

* ملعقة كبير ونصف خل أبيض

* 2ملعقة كبيرة ونصف عصير ليمون

طريقة التحضير:
* نضع الكرنب علي الجزر في وعاء كبير ونخلط باقي المقادير جيداً ونخفقها إلى أن تصبح ناعمه ثم نصبها على الكرنب والجزر

*نضعها بالثلاجه لمده 3ساعات علي الاقل ولا تخافو من الممكن أن تبات بالثلاجه وصحتين

[أثري في مدادي]

أهلين خولة ربي يعاونك ويعطيك صحيحتك ،،،،،،،،،،،،،،

في حتى السلاطة المقلية ،،،،،
وتقدري ديريها قبل اللمة بيوم ،،،
بطاطس مقلية مكعبات وباذنجان وقريعة _ حسب الرغبة _فلفل رومي ألوان مقلي أو مشوي شرائح رفيعة وبقدونس مفروم ناعم وهريسة عربية وفصوص ثومة دوب ما مشوحة في الزيت وتقدري تحطي ذرة وملح وكسبر وكروية
ويمي يمي ~~~~~~~~~~~~

[أثري في مدادي]

هيا السلام عليكم

جوعتووووووووووووووووني ـ,,,,,,,,,,,,,,,,,,,,,,,,,,,,

[ام وسونة]

السلام عليكم

كيف حالكم ياحبيبات والله خاطري نخش معاكم زي زمان ونهدرز لكن الله غالب زهاء متعبتني عالاخر

سنينات وعياط سلامتها ربي يحفظها

توا كنت في لمة جياب والله حااااااااجة روعة ماشاءالله دارت حاجات خيال ربي يزيدها من خيره طبعا البست فستان شراهولي

راجلي البارح مش عادي ودرت سموكي ذهبي في الاسود والبست تاكمي الجديد اللي شريته الفترة اللي فاتت الحمدلله مشت

مشية تهبل ماشاءالله

[هدية الخالق]

السلام عليكم ورحمة الله وبركاته
مساء الخيرات عالجميع مشكورين علي سؤالكم علي سوما الله لايوريكم باس وبارك الله فيكم
كيف روحت قبل شويه من العيادة طبعا الموعد في الأصل ليا لأني ليا فترة نشكي من حزامي وعندي ليه خفيفة عاينت قبل فترة ممكن تلاته شهور ودارولي جهاز وقالولي نردوا عليك كان في حاجة وقعدت نستنى وماردوش اليوم مشيت منستفسر شن صار ومندير كشف من تحت لأنه شاكه إنه عندي التهابات هما سبب الوجع وقلت في نفس الوقت نساءلها علي سوما
المهم مشيت وقاتلي الجهاز طلع تمام مافيك شي كل وضعك ممتاز والرحم رجع لمكانه وطبعا سبب التاخير في الرد قالت احني نردو عليك كانا فيك حاجة بس كان الوضع تمام معاش نردو معناها افهميها بروحك
قلتلها مندير كشف عالالتهابات طبعا نحسابه الكشف العادي زي في الحمل عباره عن مسحة من المهبل بس لقيتها بكل ثقة مطلعتلي ماكينة صغيره زي المسدس ترعش وشفافة زي المرش قلتلها في خاطري هذا شني أبدا مانديره علي قد ما قنعو فيا هيا وراجلي قاتلي مش وأعر دقيقتين بس ندخله ناخد عينه من خلايا الرحم ونوعدك نساعدك وما نوجعكش وكان حسيتي بالم قوليلي فورا نوقف طبعا واني مسكره راسي ورااافضه بشده قاتلي امالا خليه مره تانيه لكن مفيش هروب منا ضروري اديريه مهم جدا كل نساء العالم يديروا فيه مره كل عام قلتلها باهي خلاص نديره مره تانيه قاتلي باهي توا نديرلك كشف بسيط بيدي وافقت وشافت عالسريع واندهشت قاتلي المنطقة عندك ممتازة وصحية جدا قاتلي جبتي طبيعي ؟قلتلها إيه قاتلي محظوظه نحسابك جبتي بعملية لأنه المكان صحي ولا كأنه طلع منا عيل رغم انهم ما خيطونيش ماشاء الله قعدت تضحك قالت معقوله المكان هذا طلع منا رأس بيبي واني نقول في خاطري بسم الله ماشاء الله راك تعينيني ههههههه
المهم بعذ طمنتني عالوضع اشجعت شويه إني ندير كشف المسدس هههههه قاتلي باش تطمني مره وحده وترتاحي نفسيا سألت رجلي قلتله شن رايك قالي ديريه إنتي شن خاسرة وكان حسيتي بالم قوليلها توقف وقالي تحملتي وجع الجياب ما تتحمليش دقيقتين عالسريع وترتاحي وفي الأخير غير عالتهديد قالي ما تقعديش تشكي بعدين ديريه توا وارتاحي ههههه
وأخيرا اقتنعت ودرته والحمد لله ماحسيتش غير شي بسييييط لا يذكر كانت يدها خفيفة ماشاء الله وتشجع فيا تقولي كل شي اوكي استرخي بس وتمت وقاتلي تو نرفعو العينة للمعمل يومين أو تلاته ونردوأ عليك والحمد لله روحت واني مرتاحة نفسيا إني كشفت وتريحت
وبالنسبه لسوما الحمد لله انخفضت الحرارة شوي مقارنة بامبارح والدكتورة قاتلي الحرارة عباره عن مقاومة الجسم ضد فيروس وقالت إنه أغلب الأطفال مرضي توا برده قالت استمرو علي خافض الحرارة ولازم تاكل وترقد كويس وراقبوا درجة الحرارة وخلاااص
اخخخخ أخيرا كمل التقرير المفصل هههههه

[هدية الخالق]

في أمان الله تصبحو علي ألف خير
سلااااام