** ليبيا زين علي زين ليبيا ورد وياسمين ** تجمع الليبيات

[dr.loly]

يا مرحبا بهديه ياروحي ع سوما الف لاباس عليها يارب.. طهور ان شاء الله



ههههه ما اوسع بالهم ذكرتيني بالزنتانيه جارتنا قالت عدت صدرها وتاعبه ساعه تعبوها ب اسئله ومترجم وجوووو
واخرها رجعت بخفي حنين ههههههههه يعني ولاحاجه ولاصورة لاشــئ



لكن بالنسبه للاطفال الحق اهتمام ببريطانيا سلم الملكة اليزابيث خخخخخخخخخ

دايرين نظام يجووك للحوش


واي طارئ تتصلي بها وهي تصفلك دواء ولي تستحقيه ويجيك في بريد الحوش لعندك طبعا ثاني يوم تجي تزوووورك




بالنسبه للتسوس ماتقوليليش عليه


مدايره بحث عليه حتى ايام قرايتي

وللاسف وواجد عندنا نسبه تسوس ف ليبيا


من الرضاعه...... وعدم استخدام الفرشاه من الصغر


الله غالب عادات الناس شن بيغيرها؟؟؟


لعند توا كنت نرد ع كلام عضوات ههههه ف موضوع ع فرشاه الاسنان


ع اساس يتفلسفن كيف تنعطى خخخخخخخخ






بس مع ذلك الواحد ديما ينصح ويشرح بضمير وبنيه افادة الغــير


وهذا ماندير في العمل للامهات والحق في امهات متفهمات ويفرحن جدا بالمعلوووماااات

بعد نشرحلهن ع هالموضوع بالتفصيــــــــل

[dr.loly]

المشاركة الأصلية كتبت بواسطة هدية الخالق

فروسه واوشي مافهمتوش سؤال اثري بالنسبه للماكينة هيا قصدها موس الحلاقة فينوس مش الة براون

اهااا .. في منهااا فينوس الورديه

بس الذهبيه اول مرة نشوفها هنا يمكن نزلت اكيد ف ليبيااا

وليبياا الحق كل حاجه معروفه فيها

[أثري في مدادي]

المشاركة الأصلية كتبت بواسطة dr.loly

موجودة براون يا اثري ومن اول ما طلعت منذ قديم الزمان خخخ
خالتي شاريتها من 2001 اصدارر قديم من ايمجوي
وبعدها جددتها ببروان ..

والحق ايطول مايطلع شعر ف يديها ورجليها
وبعدها شرت ماما زيها ..

لكن انا خواافه هههههههههه

طلعت معايا في فرحي عبوة الصبايا من براون لكن بلا فايده خخخخ

خصيصا ان غير مشعره خفيف وبلا لوون ديما صاحباتي يقولني ياعوينك هههه

لكن المنطقة انسجمت مع فينوس جيليت من اولاي


اصلا الحلوة هيجتلي بشره ف فرحي رغم انها تهني الحــق............

لكن لها ضرر ع المدى البعيد يقول تقتقل اعصاب حسيه بشويه
وتسبب ترهل والله أعلم..

واكيد رسولنا الكريم عليه افضل الصلوات والتسليم مانهانا عن حاجة الا فيها الفائدة العظيمة لنا

المشاركة الأصلية كتبت بواسطة هدية الخالق

فروسه واوشي مافهمتوش سؤال اثري بالنسبه للماكينة هيا قصدها موس الحلاقة فينوس مش الة براون

أخيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــرا
في
حد فهمنــــــــــــــــــــــــــــــــــــــــــــــ ـــــــــــــي

صحيتي هدهودة حبيبتي ~~~~~~~~
من بكري نقرا في الردود
ونسحن امتى نكمل باش نفهمهم
أن براون مخزنـــــــــــــــــــــــــــــــــة من 2001 في دولابــــــــــــــــــــــــــــي
بلا نتيجــــــــــــــــــــــــــة !!!!!!!!!!! ما مشتش معاي بكل

أني نسأل عن السمحة
فينــــــــــــــــــــــــــــــــــوس
وين ممكن نلقاها ؟؟؟؟؟؟؟؟

[أثري في مدادي]

صحيـــــــــــــــــــــتي
أم فروسي على التوضيــــــــــــــــــــــــــــح ،،،،،، جاري البحث عنها ~~~

~~~~~~~~~~~~~~~~

هدهودة ،،،،
لاباس على سوما ،،، طيب مش الحرارة غالبا مؤشر على إلتهاب
يعني نقعد نخفض في الحرارة وخلاص !!!!!!!!!!!
إلى متى ،،، نين معاش تشبحلي !!!!!!!!!!!!!

~~~~~~~~~~~~~~~~~~

أوشي
صحيتي على طريقة البرودو ،،،، فايح لعند هنا بالفلفل الأسود
نعم ،،، هو بشحمه ولحمه برودونا مع بعض الإضافات أحيانا كأنواع من الخضار أو قليلا من حبوب الشوربة ~~~

وياريت تكتبيلي ما سمعته بقناة مصراتة ؟؟ وهو أسامــــــــــــــة من ؟؟؟ التريكي ؟؟؟
وإن شاء الله فسحة جميلة بالجبل يا غزالتنا

الحقيقة ،،،،،،،،
نحن أتلـــفنا كل مخططاتنا بسبب رائحة غير أمنية منتشرة نوعا ماااااااااااااا
وأوخيتكم جبااااااااااااااانة
قتله ما نحصلوش في بعض التراكين ؟؟؟
خلينا في تركينتنا
بكرة صباحا باكرا حنمشوا لميدان الشهداء نفطروا غادي ونتفرجوا على الحمام قالوا ولــــــــــــــى للميدان زي أيام الملك ~~~
وفي
نادي افتتح جديدا به ألعاب يشكروا فيها للأطفال
مميزاته
نادي مغلق
للنساء والأطفال فقط
وبلا موسيقـــــــــــــــــى
حنزوروه السبت

اليوم بعد المغرب طلعنا على أساس بنمكشوا لــــــــــ دبنهامز
في الطريق لقيت """ أوكايدي "" 70 في المئة ،،، نموت فيها الماركة
نزلت وخديت تشكيلة حلوة لدودي
ولما طلعت دخلت دودي في حالة تنقنيق وقلق
قلقتني معاها ،،،،،،،،،،، فغيرنا الإتجاه إلى البيـــــــــــــــــــــــــــــت
مازال ربي ما سخرش الحال ،،،بزيارته
بالك نمشوا مع بعض جيجي ،،،،،،،،،، خخخخخخخخخخ
وتعطيني نص الــــــــــــ 500

[أثري في مدادي]

أعجبتني جــــــــــــــــــــــــــــــدا ~~~

[اوشي]

فروسة ...

حتى انا العيال نعطي فيهم من زمان ممكن مع 3 سنوات ردينة وحمادي

وتوة دايرها فيا عصومي يكمل المعجون ويعبي في دبشه

مع اني نبه عليه انه انا نكون معاه لما يغسل

لكن الحلو مفتخر بنفسه جدا ضروري بروحه ويخش من وراي لين بعد ماكمل معجونه

قتله خلاص ماعتش فيه والاخرين يغسلو بالسرقة منه هههههههههه

[جوهرة ليبيا]

مرحبا ياحلوات ماشاء الله عالهدرزة

صحتين البسبوسه سوسو

هدهد الف الف لاباس عليها الحلوة ربي يشفيها وطمنينا عليها

فروسه اوشي وجنوده كيف حالكم

امول ربي يسخرلك امور لماتك علي الف خير


اثوره تو نمشي حتي اني للميدان واي وحده معاها بنت وولد بنادي عليها اثريييييييييييييييييييييييييي ههههههه ربي يحفظكم

امشيت قبل منجيب بشوي المنظر روووووووعه

ديبنهامز وماادرىك ربي يسخرلنا المشيه جميعا


وين المكان المغلق نساء واطفال اثوره ؟؟؟؟

فروسه حتي اني منحبش الذهب هلبه والحق امدايرينهولي كااااامل

[اوشي]

اثورة ..

صار هو نفس البرودو حتى انا مرات نزيد له في حبوب الشربة وبعض الخضرة

بس هكي يذكر في بامي ربي يطول في عمرها تحبه بالبصل بس

[اوشي]

وبالنسبة للشيخ هو اسامة التريكي ..

هو عنده صفحة عالفيس توة انخشلها بلكي كاتب الموضوع بالتفصيل

وتوة اننقله لك

[اوشي]

وبالنسبة للشيخ هو اسامة التريكي ..

هو عنده صفحة عالفيس توة انخشلها بلكي كاتب الموضوع بالتفصيل

وتوة اننقله لك