حبيباتى سيدات ليبيا تفضلو لأعرف ما حالكم

[هدية الخالق]

المشاركة الأصلية كتبت بواسطة أمل ليبيا

بسم الله الرحمان الرحيم
جميلة تلك الايام التي عشناها معا لكن للأسف لن تعود
في مثل هذا اليوم غربت شمس السعادة عن بيتنا وخذلتنا احلام الدنيا كسرتني أهات أبي واضعفتني دموع امي
مرت سنتان وكأنها دقيقتان فا لازلت أذكر ذلك اليوم جيدا بأدق تفاصيله
لاتقلق اخي فالازلت ارى ابتسامة وجهك الغالي في كل مكان وحتى الان لازال الدعاء لك من اهم واجباتي
لقد حزنت كثيرا لانك لم تسأل عني ولم تتصل بي طول هذه المدة لكن شكرا لانك دائما تزورني في منامي وكأنك معي
أخي الغالي أحمد أسأل الله سبحانه وتعالى أن يرحمك برحمته التي وسعت كل شئ ويجعل مثواك الجنة مع الشهداء والصالحين
وأعدك مداما قلبي ينبض لن أنساك
لن أنساك....لن أنساك

الله يرحم اخاك أموله ويغفر له ويتقبله من الشهداء

[أم أجنادين 80]

آآآآآآآآآآآآآآآآآآىىخ تعبانه يابنات

امس واليوم في طرابلس

من الصبح روحنا امس 4 ارتحت شوية ونبي انوض 6 ماقدرتش نضت 5 ودخلت درت فطورنا

شربة وبيتزا ملفوفة

واليوم طلعنا من الصبح وصلنا 4 دخلت للمطبخ لاني العصر بنمشي لخالتي عندها عرس وتبيني انمطيجها

ونلبسها الحرير

درت شربة من اليوم اللي قبله درت كمية كبيرة وحولت منه في الفريز من غير حبوب شربة

درت طاجين برغر لو تعرفوه عجينة وثم دجاج او مفروم وجبنة شرائح وبعدين بطاطا مقلية شرائح كبيرة وبيض مخفوق

يوزع علي البطاطا مع 5 كملت

صليت العصر ورفعني زوجي وهوا عنده موعد في عيادة الأسنان جاني بعد المغرب

روحت كملت شريبتي والسفر والسلاطة جهزتهم قبل مانطلع

وتوا زوجي جايه صاحبه كان مسافر في المانيا

تعبانة

[هدية الخالق]

المشاركة الأصلية كتبت بواسطة أم أجنادين 80

شن مدايرة هديه
احكيلنا كيف اقضي في يومك انتي والأمل في بلد الغربة

من حيث انه مفيش لااقارب ولا اهل

واعتقد وضع امل اصعب شوي مفيش بيبي تلهي فيه

ان شاء الله ربي يفرحنا بشوفت بنيتها او وليدها

وربي يرحم اخوك ويجعل مثواه الجنة

والله يا جنوده كساد في كساد انوض الصبح نوتي في الفطور لراجلي ويعدي
بعدها ندير دوره علي سما نفطرها ونغيرلها ونقعمز شوية عالكمبيوتر طبعا
الصبح كسولة شويه منحبش نبدأ في الضم طول نرتاح شويه وندير دوره عالمنتدي قبل
بعدين انوض انضم ونجي نقعمز كساد ترقد سما واني نتفرج ومرات ندير في رياضة والا نلعب بالاكس
بوكس لوقت القايله ومرات العشية انوض نوتي العشي وندوش وندير دوره علي روحي عالسريع
ونلهي مع سما شويه ويجي راجلي
والطلوع نتلعو نهاية الاسبوع بس في العطل ومرات نقلق هلبه ناخد في بنتي ونطلع نتمشي شويه
في ملعب للأطفال جنبنا مرات نمشيله نتفرج عالصغار يلعبو ومرات قليييل نمشي بروحي للسوق
ومانمشيش ديما لأنه بعيد علينا
وهذا هوا لكن أحسن ما في الأمر إنه هدوو ومرتاحة من الدوشة حتي جهتنا مسكتة لان احني ساكنين في سكن جامعي كلهم طلبة مفيش هلبه عيلات

[أم أجنادين 80]

احـــــــــــــسن شي ارتحتي من الدوشة

[sosolibya]

السلام عليكم ورحمة الله وبركاته

[هدية الخالق]

تعرفي لكن نفكر كيف لما منروح لأني من لما تزوجت جيت طول
مش متعوده علي جو حوش شيابيني ونظام إني ننزلهم
خذيت علهدوو بروحي في الحوش

[هدية الخالق]

وعليكم السلام ورحمة الله وبركاته
أهلا سوسو

[sosolibya]

كيف حالكم منو موجود

[sosolibya]

المهلة ببتم غدوة ربى يستر كا ماتخش بعضها جنودة نبى نسأل بالك تعرفى كيف توصلى لحد من الممكن أن يكون عنده حوش عالبحر

[هدية الخالق]

ربي يسترها عليكم سوسو إن شاء الله خير يارب