حبيباتى سيدات ليبيا تفضلو لأعرف ما حالكم

[جوهرة ليبيا]

رقدوا ياحلوات

ليلتكم سعيدة

[dr.loly]

ليلتك اسعد

[dr.loly]

كل مانحكي مع حد يا اما يطلع او يرقد
وديما مانبيش نضرب النقص لان طبعي مش هكي خخخخخخخخخخ



تصبحون علي خيــر

[جوهرة ليبيا]

كتبت ياام فروسي مره علي كره عزوزتي للبنات مع انها ماعندها
في رنوده ماقالت شئ واضح لكن تصرفاتها واضحه والفرق بينها وبين ولاد سلفي

ولما قلتلها اني حامل ببنوته كشرت وحتي مبارك بالكذب ماقالتها وقالت كان اتجينا التالثة حتي هي بنت

هي اتلمح اني نطلع زي امي جابت احلي واحسن بنات
مع ان احني السبعه انا الوحيده اللي نعتبر لتوه ماعنديش ولد واختي البكره قالولها بنيه

عندي خواتي ماشاء الله ذريتهم ولاد

يعني جو تطلع لامها خرافات كل شئ بعلم وارادت ربي لكن هاتي من يفهم
حتي سلفتي 7بنات وعندهم راس ولد بس مش زينا

وقاعده واخدة علي خاطري منها معاملتي رسميه جدا
لاني بصراحه اللي مايبيش بناتي مانبيشي
وحتي راجلي حرج لكن طبعا ماتصرفش ولاتصرف
لكن قالي ماتسكتيش مادامك علي حق وهذه ارادت ربي واهم شئ انا والباقي مادوري حد ولو تعبيلي الحوش بنات انتي وبناتنا تاج راسي يكفي ان ربي محرمنيش
من الذريه
وراجلي الحمد لله انسان مقتنع بارادت ربي وفرحان

وتوه مش معدله علي كلامها ابدا
لو ربي يعطينا الولد توه او بعد خمسه كل شئ بعلم ربي
ومش حنحرق دمي علي ناس مش متفهمه وتدخل في اراده ربي
حسبي الله ونعم الوكيل

[جوهرة ليبيا]

ام فروسي انا قاعدة تعالي

قلت للي رقدوا ليلتكم سعيده

[جوهرة ليبيا]

اذن عندكم اذان العشاء؟؟

[جوهرة ليبيا]

ام فروس رقدتي والا التهيتي ومع الصغار وبوهم قولي الحق

ربي يسعدكم

انا قاعدة وتو انحدث الصفحة مره مره كان قاعدة

[جوهرة ليبيا]

كلموني اليوم صحباتي اللي اتزوجوا السبوعين اللي فاتوا

يحسابوني في حوش بوي يبوني انجيهم انهدرزوا ربي يسعدهم

تعرفوا عمري ماطلعت من حوش بوي بكل حتي لجيرانا او محل او اي شئ

راجلي ايقولي وين ماتبي نرفعك لكن ماداما حطيتك في حوش بوك انا ناخدك منه

حتي لو مشيت اتغديت والعشيه بنمشي لاختي القريبه ايجئ هو يرفعني <<ايقولي حاضرين للحلوين ههههههه

ولاعمري طلعت مع اختي او امي
مع ان الاختيار معا الاهل حلو عكس الرجل وخصوصا راجلي مجرد يشوف زحمه حتي بسيطه يهرب هههههه

ليا اسبوعين انقوله نبي جيلاتي من ليموني ماجابش وبصراحه هو حق زححححححمه ونساوين بالدفان لكن جيلاته روووووووعه مستحيل تنسي طعمه<<<عرفتيه اتري فيه واحد في طريق الشط والعام لفات فتحوا واحد في زناته كبيير
بالرغم كليت في اكبر مطاعم لكن هالليموني مش عارفه كيف ايدير فيه <<<خايفه ايجيبوه في التلفزيون يوم تاني وكيف متوسخ حشاكم ههههه
ومطعم ايوان حتي هو طعمه حلو

[dr.loly]

لا عديت نصفح بالمنتدي .. العشا اذن من بدري وقاعدين سهرانين الساعه 12 ونص توا
انا ع لاب توبي وزوجي ع لاب توبه وفروسي حاير بينا هههههههه ولولي راقدة وبكرة عطلة مع الاحد طبعآ

[dr.loly]

عزوزك بجد ربي يهديها وخلآص .... يييييييييييه امالا نا جبت بنت وعندي ولد ف ناس قالتلي جيبت الولد فيها هيبه تخيلي بعد جبت الولي قالو اه اكيد حسيتي بها في ولدك في فرق عالبنت وانا ربي عالم بنيتي انها فرحة وحده حتي بعد علمت انها بنوته طرت من الفرحة وبديت نجهزلها من اول ماعرفت اي من نهاية الرابع.. لميت الدبش البودري من السوق كله هههه
هم ف ناس للاسف نظرتهم متخلفه..... هي كلها نعمة من ربي في ناس مش مقدرتها
واهم شئ التربيه الصالحه هذه اللي تفيدنا بالاخرة لا الولد لا البنت...
وخصيصآ تربية البنات بعد يتربن كويس وعالاخلاق والاعمال الطيبه فأنهن سبب لدخول الجنة وفي حديت للرسول عليه الصلاة والسلام عن ذلك