دردشة بنات ليبيا , دردشة حوامل ليبيا , تجمع بنات ليبيا

[sosolibya]

ههههههههه فروسة والله ضحكتينى لما قلتى يذهب الريجيم الى الجحيم م قلتلك انا غادى بترتاحى والماكلة السمحة معاش تقدرى تقاومى


بس غادى هناك كيف تتريضى مش زى هنا

[جوهرة ليبيا]

روعة الانشودة ام فروسي جزاك الله خيرا
نزلتها ونقلتها في التلفون وحتي درتها نغمة مشكووووووووووورة


غداي مكرونة بشاميل طلبها زوجي ودرت معاها طعمية قاعدة مقليتهاش
وشرائح بانية دجاج
وسلطة ورق الخضرا وبنزينها
ودلاع وبس
ودرت عصير كيوي جئ في خاطري

[جوهرة ليبيا]

هلا والله بنور العين سوسو
والف الف لاباس علي وخيك وربي يحفظه
كيف حالك وحال الصغار

[أمل ليبيا]

السلام عليكم
سوسو ان شاء الله لاباس ع خوك والحمد لله ع سلامته
جيجي صحة الحنة وصحتين غداكم
ام فروسي واوشي كيف حالكم اليوم






اني اليوم عزمت مراة ليبيه الحق لما رقدت في المستشفي جتني مرتين وماخلت ماطيبتلي مسكينه وصوانيها قعدو عندي ومعاش عرفت شن نرد فيهم قلت خلي نعزمها وخلاص نفكر بندير كسكسي بالبصله وسلايط وطاجين جبن ونبي حاجه اخرى بالله اقترحو عليا حاجه ساهله مع العلم كل شئ عندي الا الدجاج!!!

المشكله اليوم نايضه الوحم متعبني ماهو ايام نحس روحي ماشاء الله وايام تعبانه ان شاء الله ربي يسترني قدامها ونقدر نطيب




هيا قولوي حاجات حارة وساهله
وادعولي مانتحشمش معاها):

[dr.loly]

المشاركة الأصلية كتبت بواسطة sosolibya

السلام عليكم ورحمة الله وبركاته

كيف حالكم

معقولة نغيب يومين نلقى 10 صفحات فايتتنى


عالعموم نطمنكم غيابى كان بسبب انى كنت عند عيالى خوى مداير حادث حاشاكم

وعليكم السلام

انستي سوسو... والحمدلله ع سلامة خوك وان شاء الله ماضررش بس ...

بالنسبة للرياضه زوجي قالي كان في جيم قريب اشتركي فيه
ولو هذا اندير رياضه حتي بروحي خصيصا ان النت هنا خيااال هيساعدني

والاكل لنقانه سمح حتي الحلو اللي مانحبش قعدت ناكل فيه خصيصا التشيز كيك خيااااااااااال ايديرو فيها...

يابنات حتي خضرتهم وفاكهتهم هكي تلمع ونظيفه وامكيسه مثلآ اربع حبات طماطم مع بعض هكي ومكتوب عليها امتي قطفت وامتي كيست ... والعنب احسن حاجة مافش بذور ههههههه حتي هو ماعنديش عليه قبل بس توا اعيوني قعد عنب برازيلي مكتوب عليه اول مرة انحب حاجة برازيليه خخخخخخخخخخخ نكرهم موت ف الكورة

[شموسه 88]

السلام عليكم ورحمة الله وبركاته

انستينا او نورتينا مره ثانيه جيجي

ام فروسي شن جوك حصلتوا حوش ولا مازال

اوشي كيف حال اوكيف حال رورو روح توام روحك ولا مازال

سوسو حمدلله عل سلامة خيك

[dr.loly]

شموووسة غياب ملحوظ .. ازعمه لاهيه اتجهز لفرح صبيتها؟

[sosolibya]

أهلين وسهلين بالغالية نور العين
نورتى وضويتى المنتدى
حبيبتى الغالية جيجي

وينك ياحلو ولاباس عليك
وكيف حال رنودة وبوها

ليك وحشة ومخلية مكان ياحبيبة

[dr.loly]

شمووووووووووسه فجعتيني ههههههههههههههههههههههههههههه بعد ضفت الرد طلعتي فوق ردي
سبحان الله... ابن الحلال عند ذكره ايبان

[جوهرة ليبيا]

كيف حالك شموسة والله ليك وحشة
كيف حال شمس وعبودي ان شاء الله بخير

امول افرمي لحم وطني من اللي عنك وديري بية امبطن يطلع بنة زايدة او بوريك كان عنك رقائقة
وربي يسهل امورك وايعاونك عارفاتك المراه حامل ومتعبيش روحك