عدم بروز البطن في الحمل

[صاحبة الامتيااز]

السلام عليكم

ترددت كثير بدخول وكتابه الموضوع بس تعبت وانا ابحث بالنت وماحصلت اللي يفيدني

اولا انا حامل بالشهر السادس وبطني للاسف اللي يشوفني يقول مو حامل صغير مررره

والدكتوره اللي اروح لها كل ماقولها ابي اعرف حجم الجنين ماترد علي وتجلس تتكلم بامور ثاانيه مليت من كثر ماسئلها هالسوال

ابي اعرف هذا الشي طبيعي او في اكل يزيد من حجم الجنين

والمشكله الثانيه وهي للاسف كابوسي من حملت وانا المهبل عندي في ليونه >> ع قولت زوجي

وانا من اتوضى احس المهبل كانه نازل هذا من شهرين تقريبا من خبرت الدكتوره قالت شي طبيعي هذا عنق الرحم نازل وقالت عندي التهاب بالبول واعطتني غسول له

بس لي فتره من اوضي احس المهبل مفتوح يعني قبل اتوضى مسكر والحين لا احس فيه بفتحه

من غير الهواء اللي يطلع منه وانا اكتب لكم الحين احس فيه هوا لايخرج ولا يختفي يعني ثابت ع فتحه المهبل

اعرف ان موضوعي شوي جري بس ماعندي الا الله ثم انتم وانا توني بهالامور مو عارفه فيها شي

صرت حتى اجنب زوجي اثناء النوم بسبب المهبل ومشاكله

[فقيرة وأرجيه]

هلا بك اختي ..
بالنسبه لبطنك طبيعي جدا أعرف حريم يحملون ويولدون مادرينا عن حملهم من صغر بطونهم ويجون عيالهم ماشاء الله صحتهم زينه ...
ثانيا لا تفكرين تزيدين وزن اللي ببطنك خليه على طبيعته المهم انك تاكلين اكل طبيعي وماتهملين الحديد والكالسيوم والفيتامينات .. لأنه مو من مصلحتك يسمن بيتعبك ..
بالنسبه لنزول المهبل طبيعي كل مازاد حجم الجنيل تحسين فيه .. لكن بصراحه اللي اذكره كان بالثامن والتاسع هو اللي تحسين فيه وقت الوضوء أما قبل كذا والله ماأذكر ...
نجي للمشكله الحقيقيه فيك وهو الهوا اللي داخلك .. واضح جدا انك مهمله بنفسك اثناء وقت الدورة ... الهوا مايجي الا إذا تعرضتي للهوا اثناء وضوئك .. او انك تجوعين وقت الدورة وهذولا الاثنين أهم مسببات الهوا في الرحم ... الحين مالك حل الا ان تنتبهين لنفسك عدل من ناحية الهوا ..وتعوضين بوقت النفاس على خير .. تلبسين ملابس داخليه طويله وشراب وماتتعرضين للهوا وتتجنبين الجوع ...
الله يكون بعونك ويتمم عليك بخير ويجمّلك بعيون زوجك ياارب ..

[فقيرة وأرجيه]

وشي مهم بعد .. الادويه الشعبيه وقت النفاس بتفيدك كثير ..

[سوزان الرياض]

اختي بالنسبه لبطنك عادي جدا بنت عمي كذا ماشاء الله ولا كانها حامل وعندها بنتين بكل حملها كذا يكون شكله صغير
بالنسبه لليونه المهبل اللحين ماتقدرين تعالجين تمام لما تولدين بالسلامه
الله يهون عليك

[توفيآ]

البطن الصغير عآدي .. واتوقع الدكاتره يركزون فحجم الجنين فالشهر الثامن والتاسع يعلمونك عشان تزيدين حجمه مثلي يوم انا حامل قبل وصرت آكل موز والحمدلله صار طبيعي

[درين]

الافضل تروحين المستشفى وتشوفك الدكتورة

[صاحبة الامتيااز]

مشكورات ع الرد

والحمد لله طمنتوني من ناحيه حجمه

ومشكله الهواء خايفه حتى فتره النفاس ماتفيد لان انا من قبل الزواج مهمله
بجسمي اثناء الدوره الشهريه والله يستررر

[~قموووره~]

مرحبا حبيبتي بالنسبه لحجم بطنك مثل ماقالوا البنات لاتحاولي تزيدي وزن البيبي اهم شي الدكتوره طمنتك انه طبيعي بس تغذي كويس واشياء مفيده لك وللجنين ..... وبالنسبه للهوا حاولي عالطول تسوي تمارين كيجل كل ماافتكرتي سوي التمرين وان شاء الله ترجعي مثل اول واحسن الله يتمم حملك على خير ياااارب

[Pinkesh210]

الله يسهل امورج حبيبتي
بخصوص بروز البطن شي طبيعي
انا حاليا بالشهر الخامس والكل يقول انتي مستحيل حامل
واما بخصوص نزول المهبل لا علم لي
وشكرا

[~JOJO~]

حبيبتي مادري عن حجم الجنين

بالنسبة لليونة المهبل تشطفي بملح ومرة من وقت لوقت

و انصحك بتمارين كيجل وبقوة مفيدة لك بشكل مو طبيعي حتى

وقت الولاده باذن الله مايجيك هبوط بالرحم او تمزقات لاسمح الله

استمري عليها وبتلاحظين الفرق بس انتبهي لاتشدين ع بطنك وانتي تسويها

وربي يقومك بالسلامة