السلام عليكم

ترددت كثير بدخول وكتابه الموضوع بس تعبت وانا ابحث بالنت وماحصلت اللي يفيدني

اولا انا حامل بالشهر السادس وبطني للاسف اللي يشوفني يقول مو حامل صغير مررره

والدكتوره اللي اروح لها كل ماقولها ابي اعرف حجم الجنين ماترد علي وتجلس تتكلم بامور ثاانيه مليت من كثر ماسئلها هالسوال

ابي اعرف هذا الشي طبيعي او في اكل يزيد من حجم الجنين

والمشكله الثانيه وهي للاسف كابوسي من حملت وانا المهبل عندي في ليونه >> ع قولت زوجيhwaml79

وانا من اتوضى احس المهبل كانه نازل هذا من شهرين تقريبا من خبرت الدكتوره قالت شي طبيعي هذا عنق الرحم نازل وقالت عندي التهاب بالبول واعطتني غسول له

بس لي فتره من اوضي احس المهبل مفتوح يعني قبل اتوضى مسكر والحين لا احس فيه بفتحه

من غير الهواء اللي يطلع منه وانا اكتب لكم الحين احس فيه هوا لايخرج ولا يختفي يعني ثابت ع فتحه المهبل

اعرف ان موضوعي شوي جري بس ماعندي الا الله ثم انتم وانا توني بهالامور مو عارفه فيها شي

صرت حتى اجنب زوجي اثناء النوم بسبب المهبل ومشاكله