دردشة بنات ليبيا , دردشة حوامل ليبيا , تجمع بنات ليبيا

~~sosolibya~~ · 03-31-2013, 08:28 PM

اقتباس:

المشاركة الأصلية كتبت بواسطة شموسه 88

سوسو اقتراحي لعزومت السورين
ديرلهم شربه الليبيه ولا شربة العدس اودجاج امحمر وبطاطا امبطنه اورز بلخلطه اومثلا البراك هما ايقولا "اليبرق"حلو اوهما يعرفوا اوخفيف اوكباب ولاشيش بلعكس انا انحب اندير الحجات هذينا لانهن اخفاف اوماتنسيش اسلاطات تبولا زي ماقالت ام اجنادين بس منعرف طريقتها الحق بابا غنوش والطحينه واسلاطه المشويه

ممكن نبدل البوريك بالبراك صح

وبالنسبة لللسلطات نبى نقوللكم حاجة لما امشينالهم ماداروش ولا نوع سلطة ممكن مايحبوش او ممكن لانه مصاريف

او اتوقع انهم لا يثقو فى السلطة من ناحية الصحة

لانهم موسوسين جدا من ناحية الصحة مش زينا حاشاكم نلمو غير فى المرض

تخيلو لدرجة حتى حليب باكو مستحيل يشروه قالو على خاطر اقل فيتيمينات

واحنا زىالمهبل انقحو فى العصير والمشروب

~~sosolibya~~ · 03-31-2013, 08:29 PM

خلى انقوللكم حاجة

كنة عمى كانت عندى جايبتلى بطاقة عرس لصديقتى باعثتها مع مرت خوها اللى تخدم مع كنة عمى

والعرس ان شاء الله الخميس

جووووووووووووووو

خلى نغير جوى ان شاء الله باذن الله

شموسه 88 · 03-31-2013, 08:32 PM

اقتباس:

المشاركة الأصلية كتبت بواسطة sosolibya

شموسة انقولك حاجة

سهفتينى لما قلتيلى لابسين ومحنيين ومع بعض حلوين زى الاخوات

غير فكرو فيها مش جوووووووووو

مرات لما زوجى يبصر عليا يبدأيقولى تبدو تهدرزو مع بعض وتعولو على بعض

المهم ايهم احسن انت تخطبيله ولا هو يخطب بروحه

عطك خير ياسوسو عجبتك الفكره شكلك
لاسامح الله لو صار يخطب ابروحا شنو نقص غير نمشي نخطبلا

شموسه 88 · 03-31-2013, 08:37 PM

الله ليا زمان عل افراح سهفتيني عدي هيجي ياحنه

شموسه 88 · 03-31-2013, 08:38 PM

اشويه وانجيكم نمشي انوكل عبسي مهلبيه

~~sosolibya~~ · 03-31-2013, 08:58 PM

اقتباس:

المشاركة الأصلية كتبت بواسطة شموسه 88

مهو هيا انا هظا عليش انصدمت كيف هيا سعيده اومرتاحه ماشالله ربي ايكملها ابعقلها
انا لي خلني انتفاجى اني عمرش شفت ولا سمعت بوحده هكي الا في المسلسلات"اصلا ديما انحس في الصبايا كلهن نفس التفكير بذات في الموضوع هظا يعني عل اقل ايكون في غيره فيما بينهن

خلينى نحكيللك قصة

زمانى لما جبت حمود تعرفت على وحدة جبنا انا وياها فى نفس اليوم

ولحد توا قاعدين نكلمو فى بعض بالهاتف

المهم

حكتلى على نفسها وانها داخلة على ضرة يعنى هى الثانية

طبعا انا استغربت وقتلها علاش

هل كبيرة مثلا
قالت لا من نفس العمر هى وياها تقريبا
قتلها ماعندهاش صغار

قالتلى لا عندها الاولاد والبنات ماشاء الله

فقلتلها \وطبعا خلاص يعنى نبى نعرف علاش

فقالتلى نحبو بعضنا

واحكتلى كيف انهم مثل السمنة على العسل

فهنيئا لهذا الزوج بهذين الزوجتين

الاولى عاقلة وتقبلت طلبه والثانية طيبة ولم تنغص عليه حياته

وطبعا فهمتنى انه سر نجاح علاقتهم هو اسلوب الزوج نفسه

قالت انه عادل بشكل لايوصف

واكيد لو ماكانش هكى راهو ماكانوش حتى هما هكى

قالت طبعا كل وحدة حوشها

ويوم يللى بيرقد مع هذه سهريته تكون عند الاخرى والعكس

وزالصبح لما يطلع من وحدة او لما يروح من الجامع فورا عند الثانية يطمن عليها وعلى اطفالها
(مش قتلكم الرجل هو يللى تاعب وجايبه لروحه)
طبعا هى جابت بنت لما انا جبت حمود وكانت بكرتها وتوا بعدها ماشاء الله
واحد عمره سنة ونص
وبعدين توا كيف جايبة

يعنى 6 شهور وتحمل ثانى

بالرغم من ان زوجها فهمها انه عنده صغار ومايبيش

ههههههههه قولو شن ردن عليه(جاياتك من حوش بوى باش ناكل المكرونة انا هنا حق والله بنجيب صغار تبى ولاماتبيش)

ولما كنا فى المستشفى جتها وحدة

قلت انا اكيد اختها

سلمت وطيرت الباس واهلت وسهلت ورحبت
وشدت البنت تبوس فيها وقريب تزمطها

وبعدين قالتنا هذه ضرتى

الصاعقة ماصدقناش

يارب هنيهم
وبارك ليهم وعليهم

~~sosolibya~~ · 03-31-2013, 09:01 PM

اقتباس:

المشاركة الأصلية كتبت بواسطة شموسه 88

عطك خير ياسوسو عجبتك الفكره شكلك
لاسامح الله لو صار يخطب ابروحا شنو نقص غير نمشي نخطبلا

بالعكس تخطبيله انت احسن على ذوقك

لو ارملة صح ممكن
بس الصبية صعب صح

اقتباس:

المشاركة الأصلية كتبت بواسطة شموسه 88

الله ليا زمان عل افراح سهفتيني عدي هيجي ياحنه

شنو رايكم نمشى اربعاء ولا خميس

والله صعب يومين مع الصغار بس خاطرى نمشى يومين

يللا قولولى شن نلبس ان شاء الله

اقتباس:

المشاركة الأصلية كتبت بواسطة شموسه 88

اشويه وانجيكم نمشي انوكل عبسي مهلبيه

اااااااااه سهفتينى

~~sosolibya~~ · 03-31-2013, 09:03 PM

قريب اتجينى اجنادين تقتلنى لانها اكيد تغار على زوجها زى ماانغارو الكل خخخخخخخخخخخخ

~~sosolibya~~ · 03-31-2013, 09:09 PM

شموسة شنو قدمولكم صحابكم
وشنو هدرزتو وشنو اكثر شىء عجبك

وشنو رايك

وكيف يتعاملو مع بعض
وشن جو الاولى مع البنت الصغيرة

واهم شىء شنو عبى الراجل راس راجلك

استغفر الله العظيم من كل ذنب عظيم

شموسه 88 · 03-31-2013, 09:18 PM

والله عندك الحق لصغار ماينشالوا امس شلتهم امعايا لصحب زوجي دارولي العاااااااااااااار"بذات شموسه ريحه مكلوبه اونتي حتى متستمتعيش بطلعه بكل
اميشي يوم "الحميس" اوحمودي ماشالله اكيد اكبير خلي زوجك ولا حد من خوتك يمسكا اشويه او ريمو مازلت اصغيرونه تقدري اتحكمي فيها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM