طنشيه .... طنشيه

[قلب عايض]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين


موضوع راق لي كثيرا , فنقلته هنا





.

,

.
_ زوجي يخوني من اول سنة بزواجي حاولت معاه بكل شكل ولون صار لنا خمس سنوات على هالحال بنات انترنت على موآقع زوآج على تليفون على صور ..
_ طنشييييه واهتمي باولادك

_ زوجي يتفرج افلام اباحية , يمارس العادة السرية ,منحرف أخلاقيآ ياما كشفته ووآجهته وبالأخير تعبت..
_ طنشيشششه واهتمي باولادك


_ زوجي ضعيف جنسيآ ,بااارد ب الأشهر مايقرب مني وهذا الشيء مضايقني لاحضن ولاضمة ولاكلمة حلوة ..
_ طنشييييه واهتمي باولادك

_ زوجي مقصر معي لارومانسية ولاكلمة حلوة ولامسؤلية لو نموت انا والأطفال ماحس فينا وكل ماقام قال أبي أتزوج ..
_ طنشيييييييه وأهتمي بأولادك


_ زوجي مدخن , مايصلي , واغاني وقوآت خرآب متضايقه منه ابيه يكون أب صالح وقدوة حسنة بالبيت ..
_ طنشيييييييه وأهتمي باولادك


_ زوجي متزوج عليّ ولايعدل , مقصر كثير , لانفقه ولاإهتمام ولاإحترآم وإن زعل هجرني ببيته الآخر ولاسأل فينا ..
_ طنشييييييييييه وإهتمي بأولادك


_ زوجي أذن لأهله , لو يقولون طلق زوجتك طلقني كلمتهم قرآن منزل , صار هاجسي بس يرضون عني
_ طنشيييييييه وإهتمي بأولادك

_ زوجي أخلاقياته بالحضيض يرضى يوم وعشرة لأ , من أتفه سبب يسوى مشكلة , يده طويلة ولسانه زفر وفوق منها شكاك وبخيل ..
_ طنشيييييه وإهتمي بأولادك

_ زوجي رآعي سهر وسفر مايرجع البيت الا آخر الليل , والإجازآت لنفسه وأصحابة محضور علينا نسافر زي العالم والنآس ..
_ طنشيييييه وإهتمي بأولادك


وبعدين ؟ والى متى يعني ؟ حتى تنهار؟!تصيبها حاله نفسيه من الكبت والقهر !

طيب والى متى هالتغابي , الى متى أغلاق العيون وصم الآذآن عن الخطأ ..
ليش نقفل باب الحوار , ليش نشجع على ترك الملفآت مفتووحة ..؟؟!
طيب طنشته أسبوع شهر وبالأخير حن وافتكر وتكلف الله لايهينه ورمى عليها قرشين والا كلمة حلوة ووبس ثمن سكوتها وبلعتها للعافية !!
وهذي هي الحياة الزوجية ..!!وأسابيع القهر والألم والحزن وين تصرفها ؟؟؟!!
تنطنش حضرة الزوج تعمل حالها موشايفه أي شيء ..تقتل شعورها , تدفن نفسها بالحياة , تنحر أنوثتها ,
المهم ماتكدر خاطر هالزوج !!حتى يحن هو من حاله وينزل عليه إلهام يفتكر أنه ورآه زوجه محتاجته , إنسانه لحم ودم وإحساس ,
يالعالم هي بشر يملك شعور وغريزة ومحتاجة التقدير والإحترآم والإحتوآء ,
عزيزة على الله عزوجل وجعلها مكافئة المؤمن في الجنه تغاااااااار منها الحور العين , خلقهآفي هذا الكون ووجودها آيـــــــــه من الايات ( ومن آيآته أن خلق لكم من أنفسكم أزوآجآ لتسكنوا اليها ) شوفوا الوصف الربآني اللي يولد العزة والكرآمة !!مو زي التشبيهات التعبانة كوني فرآشة كوني نحلة ! آخرتها حشرآت ياعالم !!؟؟
الى متى نعلم النسآء السلبية ؟ الى متى نزرع فيهم الجبن والضعف

التنطنيش ماهو حل .. التنطنيش قتل بطيء للمرأه ..تدمير لأعصابها ..لمشاعرها ..تعذيييب نفسي فضيييع ..
تقتلي نفسك بتصنعك اللامبالاة .. هو عايش حياته بالطووول والعرض ..انتي بس اللي تتعذبي !
والله حتى زوجك والله ماعاد يعمل لك قيمة تعود على بلادتك قدام طغيانه وجبروته وظلمه وتقصيره ..
حتى لو تجاهلتي وجوده وعملتي حالك موشايفه الغلط والله من دآخلك أنثى تئن , تتألم مهما أظهرتي من الغرور والمكابرة واللامبالاه .. حتى إهتمامك بأولادك ومبالغتك بالعناية بنفسك وربي ماتكفي لترميم الكسر اللي في نفسك ..خلونا منطقيين وعقلانين المرأه تحتاج التقدير من زوجها , والرعاية , والإهتمام , والمشاركة , ومافيه رجل تووووب بالحياة بس جانب يغلب على جانب ممكن يقصر بجهه بس فيه جهه تاثنية بيكون توب وأفضل من غيرة , ربي ماخلق الرجال شر محض ولاخير محض ..
ولاخلقنا كاملات مكملات ..بس نغض الطرف عن الهفوآت والزلات ونتغاضى عن بعض الكماليآـت ..
بس ماتوصل لدرجة تنهظم فيها الحقوق , ينظلموا الأبنآء , يتدمر البيت وتنهار أركانه ونقول مشي حالك .وطنششششي .!!


فووقوا شوي عزيزاتي ..يكفي تحميل للمرأه مسؤلية كل شيء !يكفي ضغووط !
نبي نصائح عملية , حلول , مانبي طبطب ومشى حالك
نرجع للقرآن والمنج النبوي نشوف الصحابة وامهات المؤمنين كيف يحلو مشاكلهم ..
فيه حوآر , فيه تدخلات من الأهل , فيه أشكال وانواع المشاكل هجر , طلاق , تعدد ,
ترى شوية ثقافه تنفع بيوتنا وتعمر علاقتنا الزوجية وتنفع مجتمعنا ..
بلاش نزرع اليأس بقلوب النسآء , بلاش نقتل الحياة فيهم
حاوريه , تناقشي معاه , إستخدمي الكيد , دخلي أحد من أهلك , أكتبي له رسالة ,
كبرت مرة وصلت عنان السمآء كلمي مستشارين ..الجئي للجآن الإصلاح ..
أما طنشيه هذي مررره ماتنفع ,,

مااظن حوآء بهذا الضعف ربنا وصفنا في كتابه الكريم ( إن كيدكن عظيم )
ونبينا عليه أفضل الصلاة والسلام قال ( مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ الْحَازِمِ مِنْ إِحْدَاكُنَّ يَا مَعْشَرَ النِّسَاءِ )
فينا نفكر شوي ونقدم حلول أفضل ,وننفع أنفسنا وغيرنا ..
ونتبادل أفكارنا وخبراتنا بحل المشاكل ..
الحياه الزوجية فيها أشيآء جميلة تستحق الذكر , تستحق الصبر , تستحق الشكر ,
بس تحتاج تحرير العقل من الجمود والبلادة والسلبية
ياما زوجات حياتهم كانت أسوأ حال لكن بشوية حلول عملية وتحرروا من السلبيه صاروا بيرفكت وبطلات ..
وعايشين الآن بنعيم والله يغبطووون عليه ..

ابي تفااااااااعل يابنات ارجوكم

[ماﺀ السماء]

التنطنيش ماهو حل .. التنطنيش قتل بطيء للمرأه ..تدمير لأعصابها ..لمشاعرها ..تعذيييب نفسي فضيييع ..

فعلاااااااااااااا يا قلب عااايض
شي يقهررررررررر والله كل ما ادخل قسم المشكلات والحياه الزوجيه
الردود كلها
طنشي
اصبري
اتحملي

الى متى ؟؟؟؟؟؟؟؟؟؟؟؟؟؟؟؟؟؟؟
؟؟؟؟!!!!!!!!!!!!!!!!!!!!!!!!!!!!!!!

اصلا سبب ضعف المراه العربيه عندنا هو ذا سبب تهاونها في كرامتهاااا
انها تسمح للظالم يتماااادى وما حتى تقول بس
كفااااااااااااايه

بصراحه لا والف لا لا ذي عيشه ولا عشره بالمعروف
ولا ذا هو الزواج والناس بصرااحه فاهمه الموضوع غللللللللللللط

!!!!!!!!!!!!!!!!!

[ليلى الحلوه]

صح كلامج وأنا كم مره إحتجيت على مثل هالردود و الله أحس كل بنت ترد بطنشيه و إهتمي بأولادك وعشان اولادك سكتي و حده ضعيفة شخصيه أو بالاساس ما عندها شخصيه ولا إحساس ولا شعور وأذكر في شيخ فتح مثل هالموضوع وقال المفروض الحرمه يوم تشوف زوجها يسوي هالعمايل ما تقول عشان عيالي بسكت المفروض لا تسكت عنه و لا تقول عشان أولادي بسكت و تعيش دور الحزينه والمظلومه ..ريال وقال هالرمسه وحضرة البنات سكتي تحملي عشان اولادج و غيره وغيره و أنا أقول والله أتطلق و لا أعيش طول حياتي ذليله كئيبه مع ريال مثل هالنوع و أسكت عنه...

[ليلى الحلوه]

أووو نسيت مشكوووره عالموضوع و لانج تحسين بالقهر إلي أحس فيه...

[بومبو]

والله يا اختي احنه النساء احترنا في هالرياجيل مو كادرين عليهم ان طنشناهم احنه الخسرانين وان تابعنهم كمان احنه الخسرانيين نخسر حرقه دم واعصاب وغليان وكلشي مو فايد معاهم حتى الخلاط 5في 1 بس المراءه وي عليه صارت تتعلم كل الثقافات علمود ترضيهم وتملي عيونهم الفارغه حارمين نفسنا حتى من الاكل علشان لا يبصون بره وهم كل واحد كرشه بينفجر وهم ياكلون واحنه محترين وهم فيهم عيوب الدنيا واحنه عيب واحد ما يتقبلو انا طبعا اتكلم عن الرجال بشكل عام الله يهديهم شوفوا فد يوم في واحد منهم فكر يفتح موضوع بالمنتديات شسوي لزوجتي علشان ترضى واحنه يا عيني علينه صرنا مجانين مكرم القاري بس هذه الحقيقه كل ما سمعنا خلطه بشره خلطه شعر وخلطه تنحيف علطول كله علشان خاطرهم ما اكول الا ربي يهديهم وبصراحه اكثر النساء مو مقصرات مع ازواجهم فوق البيت واطفالها ومسؤليتها بس احنه مجتماعاتنه تحب تذب اللوم على المراءه دايما

تحياتي لكي على موضوعك المتميز بصراحه الكلام يطول

[قلب عايض]

ههههههههههههههههههههههه
ماشاء الله عليكم يابنااااااااااااات متحمسيييييييييييين مثلي

اعجبتني ردودكم واسعدتني طلتكم

ياليت ماتقاطعون سيروا علينا مرررررره ثانيه هع

وين الباقين ننتظر المزيد من الاراء

[لمعة الماسة]

اممممم ممكن نطنش بس مو بكل شي يعني يهيني واطنش لا والله لو هو ماطنش وقوم الدنيا وماقعدها ههههههه

[الريميه]

موضوعك حلو وانا برائي المراءه اذكى من الرجل في العلاقه الزوجيه بس يبلنا نتعلم بعض الخطوات ونتثقف اكثر

والتطنيش فيه بعض الاشياء مهم فيها مو كل حاجه يتقبل الرجل انو تتكلمي فيها وتتناقشي معاه فيها لان فيه رجال الحوار والتفاهم عقيم معاه وفيه رجال يفسرون كلامك اشياء ثانيه


موضوعك حلو والله يجزاك الف خير

[مشاعل الدوسري]

طنشي طنشي ...
صح بس مو بكل شي الواحد يتغاضى..
اطنشه فتررررررررررررره و ارجع اناقشه . .. بعد فتررررررره اذا طنشت مفكر اني مو مهتمه ...
و بيلعب على كيفه حللللللللللللللللللو الموضوع ..

[fo0fo0]

والله موضوعك روووووووووعه ..
ورآآآآق لي وبقوووووووووووه ..
بس ترى الوحده لاتصير ضعيفه وكل شيء تطنش وتاكل بعمرها ولاتصير العكس نكديه وبكل شيء
تدور الزله وتتهاوش معاه ؟؟؟
في اشياء لابد انها تناقشه وتتفاهم معه وفي اشياء ممكن تتغاضى فيها ...