زوجي يريدني جاريه

[عروسة الشرقيه]

السلام عليكم ورحمة الله وبركاته
صباح الخير ياحوامل
من عنوان الموضوع زوجي يريدني جاريه ولست زوجه
يعني كل شي يخص بالاستعباد مطلوب مني
زوجي شخصيه دكتاتوريه متسلط متعصب بالدين بس غلط
ينظر للزوجه كأنها جاريه وعبده تحت رجوله
مايبي لي راي ولا كلمه ولا اطلع ازور احد ولا احد يزورني
ولا اكلم صديقاتي ومن عرف ان جارتي كانت تزورني
عصب وقال مايبي تكثر زيارات والا بيطلعهم من الشقه لان هو صاحب العماره
اكثر من مناسبة زواج منعني اروح
وحتى ولادات حريم اخواني منعني اروح
يوصلني لبيت اهلي ويحلفني ميت حلف وقسم اني مااطلع مع اهلي
لاي مكان كان
مصروف بالقطاره شحن للجوال بالقطاره
لبس مايشتري الا بالاعياد واذا فكر يشتري ماياخذ الا الرخيص
زاد وزني من حملت هالحين انا بالخامس توه يشتري لي ملابس داخليه بعد ماضليت اشهر اعاني من ضيق الملابس
اخذ من اخواتي والبس منهن
وفوق كل هذا يقول بتزوج ولا ابي تتكلمين وتعارضين
هالحين انا ببيت اهلي لا يسأل عني ولا عن البيبي ومراجعاتي كلها
بمستشفى يم شقتي وهنا ماكو غير مستشفيات خاصه وهو ماعطاني ولا ريال واحد
شوروا عليه هل ابقى مع شخص يلغي وجودي بالحياة وشخصيتي واصير جاريه تحت رجله ام اطلب الطلاق

[دلع الأحساء]

مادري والله شقولك انا ماعندي خبره في هالمواضيع

بس حاولي تعديلين امورك وابغض الحلال عند الله الطلاق

ولا تنسي الي في بطنك بكرا بيتلعوز

[لمعة الماسة]

خلي احد من اهلك يكلمه يعني معقوله ماحد من اخوانك استغرب وجودك في البيت بدون مراجعات صحيح انه المفروض الاهل مايتدخلون بمشاكلكم بس اللي زي كذا لاااااااازم رجال يكلمه نصيحة مني قبل لاتفكرين بطلاق عطيه فرصه بس اولا زي ماقلتلك لازم يكلمه احد كبير من الرجال

[أم القمر فيصل]

اختى فى الله كل الرجال فيهم عيوب استعينى بالله وقوى شخصيتك بشياكتك ورقتك ودلعك وعيشى يومك
انا زوجى مطوع وملتحى وماهو كبير بالسن 38 اوك
لاكن الزوج لو تدلعينه بالفراش يصير خاتم بيدك ولو مايحس بمتعه بيكره زوجته ومايعطيها شئ انا زوجى لو بخل عليا بشئ اتمنع عنه بسرعه تبارك الله يتصرف ويعطينى اللى ابيه لانى ارضيه بالفراش
الرجال اهم شئ عندهم شهوتهم وبطنهم ...والحين بينكم طفل وش ذنبه تيتميه بطلاقك من ابوه ويتشرد بينكم عليكى تعدلى من زوجك لان الزوج التانى بيكون العن وأمر وبيت أهلك ما بيتحملك طول العمر وشماتة الناس بتحرقك باليوم الف مرة
اوصيكى بالعناية بالغرز بعد الولادة لترجعى بكر والله يهنئ المسلمين اختك بالله

[خفايا الدنيا]

الله يفرج همك حبيبتي كل رجال له مدخل تقدرين تتحكمين فيه
شوفي وش يحب ولبي له رغباته عطيه عشان تقدرين تاخذين منه
الله يكتب لك الخير ويصلح اموركم

[عروسة الشرقيه]

اخواتي شاكره لكم مداخلتكم
حاولت معاه واهلي تدخلوا وكان اخر جلسه معه يوم الاربعاء اللي طاف
بالعكس استفزهم بكلامه ولا احترم احد وشايف نفسه على الكل وكل كلمه قال بتزوج عليها ولا يبيني اتكلم
هو شخص استفزازي درجه اولى عنده استعداد يستفز الملائكه مو بس البشر
وكلمنا اخوه كمان رجل دين لكن طلع للاسف مثل زوجي ولا اخذنا منه حق ولا باطل
حسبي الله ونعم الوكيل

[ام عاصم2]

الاحسن تتطلق منه لان قصتها نفس قصه ام صديقتي لحد الان مشاكل وقالت ياريتني اتطلقت من زمان بس اهلي الله يسامحهم ولا اشوف اولادي فيهم الحسره وهما صغار وهما كبار حاتى الاكل صار ما يجيب شي ولا علاج ولا شي

[عروسة الشرقيه]

انا افكر بالانفصال افضل لي وللولد على الاقل بيتربى صح بياكل وبيلبس احسن شي
بس ارجع واقول بيصير مثل اليتيم وابوه عايش
افكر بالطفل وانكسر اكثر لان ماعرف شنو بيكون مصيري ولا مصير الولد وهو ماله ذنب

[sahab]

الطلاق ماارح يريحك منه لانه عندك منه عياال

واكيد بيلعوزك فيهم

لاحول ولاقوة الا بالله العلي العظيم

ماقول الا ربي يعينك ويصبرك ويهديه لك ياارب

[بنت القطان]

لاحول ولا قوة الا بالله
المشكله اذا انفصلتي اول شي بيقهرج فيه الولد بياخذه
الله يهديه بس