محتاجه مشورتكن

[عروسة الشرقيه]

السلام عليكم
كيف حالكم ياخواتي عساكم بخير وعافيه
وكيف الحمل وياكم عسى مو متعبكم
يالله عسى ربي يسهل عليكم وعلينا
امممممم بدخل لكم بصلب الموضوع عشان مااطول عليكم
انا متزوجه من عشرة شهور يعني بجمادى اول اكمل سنه
هالحين انا حامل الحمدلله ب4 شهور
بس من اول ليله هاوشني وماارتحت معه ابد
يوم يصير زين وعشرة ينقلب عليه ووجهه دوم مقلوب
والمصيبه اكتشفت ان يدخل منتدى ويلعب ويمزح ويضحك ويتغازل مع البنات اللي هناك
والبنات فالينها فله معه كأن واحد من اهلهم وهو كلامه بايخ ولا منه فايده
واخر اكتشاف لقيت يكلم وحده من اول شهر زواج لي معه والمعلومات اللي عاطيها البنت غلط
ومن كلمتها اقولها ان كذاب هي اللي هاوشتني بدل ما انا اهاوشها
طبعا هو حابسني بين اربع جدران
مايبي لي علاقات باي احد لا صديقات ولا جارات ولا يبيني اطلع اي مكان
يجيبني بيت اهلي ولا يقبل اروح معهم اي مكان هم يطلعون وانا جالسه بالبيت
هالحين انا زعلانه وببيت اهلي طبعا هو ولا معبرني ولا مهتم ودخلت لقيته جالس بالمنتدى بالرسائل الخاصه طاف موعد خروجه من الدوام وهو باقي بالمنتدى لان بدوامه اكو نت
اكلمه ابي اتفاهم معه يقول مشغول ويسكر الخط بوجهي وبعدين اشوفه مسنتر بالمنتدى
احد يشور عليه شنووووو اسوي
طالب ارجع البيت ويقول ماابيج تطلعين واذا قلت لا ماتسألين ليش قلت لا وحتى لو بيت اهلج مااوديج ماتقولين ليش
شوروا عليه شنو اسووووووي