تجمع اللي بيولدون في شهر ذو الحجه

[مشاعل الدوسري]

غيبتك تنهي حضوري الله معاك ريحي
افضل لك انا توني من ساعه صحيت من الالم
بس ظهري يالمني شكلي بروح انسدح

[maroooma]

الف مبروووك حلا الحمدلله على سلامتك
يا ناسو على فصوولي زي اسم ولدي أنا مامت فصولي (ام فيصل)
ها كيف الولادة وكيف سحر جاتك ولا لا بالله قوليلي
وكيف كانت اذا جاتك كويسه ولا طفشتك

[maroooma]

كيفك شعوله أنا قلت ولدتي لمن مًــآ شفتك اليوم

[GhoOosha]

حلااااااااااااااااا....الف تريليون مبرووووك ياااااااااخاينه ههههههههههههههههههههه<<<< اسكتي ياجمل انتي

الله يقومك بالف سلامه ويجعل ولدك من مواليد السعاده ياارب وووعقبااااااالي كان دعيتي لي انا خلص شهري وجالسه محلك سرررر

يالا ارجعي لنا وحكينا ايش صار

مروما...طاحت عليكي كل الاسئله دحين ونفسك تعرفي كل الاجوبه في دي الدقيقه ههههههههههههه اعرف دا الاحساس المنيل

[maroooma]

هههههههههههههه مررره
عشان أنا عند نفس الدكتوره ومره شايله همها. ههههههه ما صدقت

[حبيبة موني]

حلاااااااااااا جده الحمدلله ع سلااااامتك وبسرررررعه التفااااصيل

كييفكم كروشااات اليووووم؟؟؟؟؟؟؟

جمله اخباااااارك يادوووبا خخخخخخ؟؟

اليووووم سار شي خنفشاري هع

انا ليا كم يوم كدا احس بدووووخه الموووهم صحيت وبرضو داايخه الين الساعه 6 المغرب ماقدررت قلت لماما بروح المستشفى الموووهم عبال ماروحنا وصلنا الساعه 7 ودكتورتي وكل الدكاتره خلاص ماحيستقبلو ارقام جديده ،، قالتلي روحي طوارئ الولاده هما حيشوفو اشبي ،، قلت لماما خلاص نجي بكره انا تعبت وبرجع قالت لا خلاص تدخلي وبس روحنا مبنى الولاده ودخلوني القسم حق الولاده انا صنمت قلت لمااما والله ابا ارجع مابا خلاص انا بس دايخه ليش جابوني هنا ،، والفلبينيه تضحك تقولي ليش خوف يلا مداام تعالي وطلت في ماما قالتلها استني شويه برا وانا اشرررد اقول لماما رجلي على رجلك الفلبينيه تقول بس 10 دقايق وندخلها خليها بس تفتح الملف عشان يجيبو ملفك ورضيت بالامر الواقع ودخلوني غرفه تفجع كوولها اجهزه وحاجات غريبه وحطولي شي في بطني حق التخطيط وانا معصصصبه اقولها انا بس داايخه ماعندي ولاده تقولي ايوا دا لازم دحين دكتورة تجي وهيا تشوف اشبك دايخه وشويه ماما جات وجلست نص ساعه طبعا سولي تحاليل حق سكر وضغط وكدا وبعدين الدكتوره شرفت وقالت دمي نازل لازم تنوييم ،، انا بس سمعت دا الكلام قمت من السرير ولبست ملابسي ولبست عبايتي وهما متنحين قلت لماما يلا قومي بنرجع خخخخخ والدكتوره تقولي ماينفع قلتلها بكره اجيكم الصباح قالت لازم زوجك يجي يوقع قلتلها انا بكره الصباح اكون عندكم هع وخرجت وانا اتنافض جاني خوووف والله مادري ايش بسوي وقت الولاده انا :(

<< مو كأني كتبت تعبييير ،، يلا معليش سامحوني حامل حامل

[ورده بين ايديه]

<< قااطه
حبيبة موووني..
لازم تسمعي الكلام مااقالولك تتنومي من فراااغ..
بالذات اذا كان حكوومي..

بسألكم ايش علامات نزول البيب بالحووض انا احس بحرركه مرررررره مررررره تحت
تتوقعو نزل في الحووض..

[لمعة الماسة]

صباح الخير كيفكم ياحلوين رحت نمت شوي ورجعت

[لمعة الماسة]

هلا مشاعل ضنيتك ولدتي لما ماشفتك اليوم خخخخ

[لمعة الماسة]

كللللللللللللللللللوش الف مبروك حلا جدة