••●ركن استفسارات الديكور والإجابة عن اسئلة الديكور ●••

°• ღ لمسة فن ღ •° · 07-10-2011, 04:33 PM

الرد على أستفسار ألماسه

أختي الكراسي حلوه وصبغة الجدار حلو كثير ومتناسق..

الستاره مريضه نفسيا".....>>تحتاج تغير

بنزلك صوره محفوظه عندي....

شفتي كيف حركة فريم عريض غيرت الصاله....

أرشحلج هالديزاين روعه مع صالتج..

تروحين محل فريم وتختارين وياخذون القياس ونفس الحركه ونفس العرض..كبري عن شباكك شي بسيط,,روعه

يتركب الفريم من بعد بلاك المكيف..أوكيه..

طبعا" يكون كبير ..

والستاره رومانيه,,اوكيه,,نفس الصوره
بنختار دمج لونين الاوف وايت والاحمر,,

ونفسه على التلفزيون,,بس بنكبر شوي

أختي للأسف البلاكات الكهربائيه مشوهه المنظر,,كنت أتمنى
يكونوا تحت..
بس الحل الوحيد
نغير مكان التلفزيون للجدار المقابل له..
والوايرات..الكهربائي يجي يخفيهم بهالطريقه..

والكرسي الكبير بنخليه مكان التلفزيون..
والصغير..جدار الستاره..
بيطلع روعه..

السجاد حلو...ومناسب..

المفرش حق الطاوله..خليه لتسريحة غرفتك..

الكوشنات نثريهم في البيت..تحت بطريقه حلوه..

الأرفف لا تركبينها ألأ بعد ماتعتمدي الديزاين..

الثريا....تحتاج أستئصال..

ونحط بدالها..هالنوعيه..

أو

أهم شي أبدي التغييرات وأنا معاج..

الفريم اللي بيعجبك صوريه وبعتمده لك

الله يبارك فيك..

أنتظر رايك؟؟

وشكرا"

°• ღ لمسة فن ღ •° · 07-10-2011, 07:10 PM

أستفسارات الخاص
(( قلب نوافي ))

بنبدأ من المجلس لأن كل شي فيه واضح..

الكراسي حلوه..الصبغ حلو..

الستاره للأسف..بنعدل فيها..

المكتبه لازم تطلع من هالمكان؟؟

وبيكون كذا النظام المطلوب..

الستاااااااااااااااااره....

شيلي الستاره كامله..بس خلي الفريم فوق..وديها عند اللي تتعاملي معاه في الستائر..أفهمي أيش بقول عدل أختي..

أختاري قطعة شامواه ساده أو أورجنزا..أو ساتان ساده طبعا"..شوفي الصوره هذي تعبيريه فقط..المقصود الديزاين اللونين فيها..أختاري لون بيج أو ذهبي ساده يكون اللي في النصف..أوكي..
وشفتي التحديد الأحمر؟؟
خليه يقص من ستارتك نفسها..المنقسشه ستارتك..يقص منها مقدارشبرمن أيدك..وتكون دور ماداير الستاره..فهمتي..كنسلي الدرابيه اللي فوق بس ركبي رومانيه بالطريقه اللي قلتها لك..ويثبتلك فيها بلاك آوت عن الشمس..شو رايك لمسه روعه..

ومحتاج تعليق لوح بالطريقه هذي

أنتظر رأيك؟؟

وشكرا"..

▂▃ سوسو القمر ▃▂ · 07-10-2011, 07:41 PM

أستفسارات الخاص

(( قلب نوافي ))

بنبدأ من المجلس لأن كل شي فيه واضح..

الكراسي حلوه..الصبغ حلو..

الستاره للأسف..بنعدل فيها..

المكتبه لازم تطلع من هالمكان؟؟

وبيكون كذا النظام المطلوب..

وااااااااو من جد هذا الي ادوور عليه
رااح يعطي اتسااع للمكان ويصير شووي وسيع مو علي بعضه
فووكره رووعه

الستاااااااااااااااااره....

شيلي الستاره كامله..بس خلي الفريم فوق..وديها عند اللي تتعاملي معاه في الستائر..أفهمي أيش بقول عدل أختي..

أختاري قطعة شامواه ساده أو أورجنزا..أو ساتان ساده طبعا"..شوفي الصوره هذي تعبيريه فقط..المقصود الديزاين اللونين فيها..أختاري لون بيج أو ذهبي ساده يكون اللي في النصف..أوكي..
وشفتي التحديد الأحمر؟؟
خليه يقص من ستارتك نفسها..المنقسشه ستارتك..يقص منها مقدارشبرمن أيدك..وتكون دور ماداير الستاره..فهمتي..كنسلي الدرابيه اللي فوق بس ركبي رومانيه بالطريقه اللي قلتها لك..ويثبتلك فيها بلاك آوت عن الشمس..شو رايك لمسه روعه..

استايل الستااره مرررررررره حلوو
حااز ع اعجابي وبقووه

ومحتاج تعليق لوح بالطريقه هذي

اللوح رااح اقتصر ع ثلاث من الحجم الوسط لان السقف عندي مو حيييل مرتفع

أنتظر رأيك؟؟

مشكوووره كثثثثثير يالغلا

Mقمة البرااااائهM · 07-10-2011, 09:10 PM

واااااااااااااااااااااااااااااااااو رووووووووووعه حركة الستاره والتلفزيون الفريم عامل عمايله

جاري اللطش

روووووووووووعه

ابدعتي

Almasah · 07-10-2011, 10:49 PM

اقتباس:

الغاليه كراسيج جنان..نفس الستايل اللي احبه..

بس اريد اعرف شو مقابل الكرسي الكبير..

في بالي لك ديزاين روووعه

بأسرع وقت..

لأن عندي زحمة طلبات على الخاص

مقابل الكراسي مساحه فاضيه مثل اللي شفتي بصوره وأوسع شوي
والمطبخ مقابل الستاره مفتوح

وبالنسبه لستارتي
أدري انها ألف غلط بغلط
بس بظروف سرريعه زوجي لحاله اختارها قبل الزواج بيومين
وطلعت كذا
ناويه اغيرها من غير استشاره
شاكره لك

والمفرش اللي ع الطاوله تقولين أحطه على التسريحه بغرفتي
وش أحط ع الطاوله بديل ؟؟

اصلا الطاوله زوجي بعد اختارها انا ابيها منخفظه ستايل احلى
ان شاء الله بناخذ غيرها

وبالنسبة لتفزيون ودي انا انقله الجهه المقابله من أول ماسكنت الشقه
لكن على الوايرات بتشوه المكان وبالجهه المقابله ماااااافي مشبك للأسيفر
ولا ودي علشان التكيف الجهه الثانيه حر ايام الرطوبه على ماتبرد الصاله

والخداديات سالفة انثرهم بباقي الشقه
كان زوجي يقولي وش هالعفسه بكل مكان
لا اذا غيرتهم بشيلهم ذولي مابيهم

الأرفف ناويه احطهم بجنب الاستاره ان شاء الله

وشكراً لإختيارك الذوق

°• ღ لمسة فن ღ •° · 07-11-2011, 01:01 AM

اقتباس:

المشاركة الأصلية كتبت بواسطة almasah

مقابل الكراسي مساحه فاضيه مثل اللي شفتي بصوره وأوسع شوي
والمطبخ مقابل الستاره مفتوح

وبالنسبه لستارتي
أدري انها ألف غلط بغلط
بس بظروف سرريعه زوجي لحاله اختارها قبل الزواج بيومين
وطلعت كذا
ناويه اغيرها من غير استشاره
شاكره لك

والمفرش اللي ع الطاوله تقولين أحطه على التسريحه بغرفتي
وش أحط ع الطاوله بديل ؟؟

مش قلنا قبل بنشتري الخداديات والمفارش من لايف ستايل طقم,,

اصلا الطاوله زوجي بعد اختارها انا ابيها منخفظه ستايل احلى
ان شاء الله بناخذ غيرها

وبالنسبة لتفزيون ودي انا انقله الجهه المقابله من أول ماسكنت الشقه
لكن على الوايرات بتشوه المكان وبالجهه المقابله ماااااافي مشبك للأسيفر
انا في بيتي كنت ما اقدر اغير مكان البلازما,,جبت عامل الدش..وقالي عادي نركب وصله ونطول الواير,,وثبتلي الواير ىخر الجدار تحت مايبين وغيرت الواير لون ابيض,,
ولا ودي علشان التكيف الجهه الثانيه حر ايام الرطوبه على ماتبرد الصاله
صدقيني التلفزيون في مكانه مش حلو,,وجلستكم بتكون عند المكيف

والخداديات سالفة انثرهم بباقي الشقه
كان زوجي يقولي وش هالعفسه بكل مكان
لا اذا غيرتهم بشيلهم ذولي مابيهم

الأرفف ناويه احطهم بجنب الاستاره ان شاء الله

وشكراً لإختيارك الذوق

بس ماوضحتيلي ناويه على حركة الفريمات والستاره الرومانيه وفريم التلفزيون؟؟

بأمكانا داخل فريم التلفزيون نحط ورق جدران مقارب للون الصاله

شو قلتي؟؟؟؟

°• ღ لمسة فن ღ •° · 07-11-2011, 01:11 AM

أختي الماسه
شوفي الطريقه في الصوره وتخايليها صالتك

الكرسي الاحمر الكبير بيكون في النص
والطاولتين على الجوانب
والكرسي الثاني خلف الستاره
ومحل الكرسيين اللي في الصوره بيكون البلازما
وبنوزع 3 مرايات نفس الشي خلف الكرسي

شو رايج؟؟؟؟؟

والخداديات رتبيها بهالطرق

هذي الخداديه اللي كنت اقصدها لك
موجوده عند هوم سنتر

الجوووري · 07-11-2011, 02:02 AM

هالدزاين كثير حلو وعجبني بس المشكله مرايه المغسله كبيره ومرتفعه جدا والمبه تحت السقف مباشرة والمرايه تحتها بالضبط اتوقع بتصير كثير بعيده الاضاءةولو نزلت المرايه شوي راح تصير المسافه من محل الكهرب الي فالمبه للمرايه بعيداتمنى تكوني فهمتي عليه

هذي الحركه فكرت فيها ياقمر بس لو بسويها راح اسويها مرتفعه شوي لاني الكرسي تبع الحمام تحتها مباشره

******

هذي روووعه بصراحه بس للاسف مافي مكان لان باب الحمام لما ينفتح واصل للحد المغسله على طول والجهة الثانيه البانيولاصق بالمغيله بعد وش اسوي

وهذي سويت مثلها وحطيتها امام البانيو لكن للاسف طاحت لاني فتحتلها بين السيراميك الي بالجدار لكن ماثبتت وش الحل ياقمر
واللون البرتقالي راح اعتمده باذن الله لانه عجبني مررررره بصراحه وعلى فكره انا عندي 4حمامات وانتي بكرامه ومساحتها صغيره 2في2ونص تقريبا اعتمد هالدزاين لها كلها لانها كلها نفس الشي

أتمنى عجبك ذوقي

دمتي متألقه أختي

أنتظر رأيك؟؟

ذوقك رائع جدااااا وعجبني حيل بصراحه بوري زوجي الصور عساه يقتنع ونغيرهالانه هو شايف انها حلوة لانه يحب اللون البني والبيج وانا مااحبهم كثير

Almasah · 07-11-2011, 07:07 AM

اقتباس:

مش قلنا قبل بنشتري الخداديات والمفارش من لايف ستايل طقم,,

ايوا الخداديات خلاص ان شاء الله بروح واشوفهم لكن المفرش ماانتبهت سوري ^_^
ان شاء الله اشوف طقم واطقمهم
مشكوره ماتقصرين

اقتباس:

بس ماوضحتيلي ناويه على حركة الفريمات والستاره الرومانيه وفريم التلفزيون؟؟
بأمكانا داخل فريم التلفزيون نحط ورق جدران مقارب للون الصاله
شو قلتي؟؟؟؟

بالنسبه للفريمات
للأسف ماعجبتني الحركه اولاً
وثانياً انا ساكنه بأجاااااااار عقبال ماأصير ببيت ملك واسوي كل اللي خاطري فيه
وبشكل احلى واحلى من هالشقه
فماأقدر اسويها
اللحين مسماااااااااااااار وشاريه لوحه صغيره ابي اركبها جنب الحمام
وزوجي يقولي الشقه مو ملكنا نجي نخرمها بكل مكان
دعواتكم اسكن ببيت ملك ياالله

"

والستاره الرومانيه
انا ناويه اركبها من قبل ماتقولين أختي ^_^
ان شاء الله بركبها من غير اي حركات فيها عاديه جداً وبسيطه
وبختارها مثل الخداديات
أفكر افصلها مع الخداديات والمفرش أحمر وذهبي وبنفس القماشه شو رايك ؟؟
واذا امكن اشتري الخداديات الموجوده بلايف ستايل اللي قلتي عنهم
واذا شفت طقم المفرش نوبروبلم
او افصله مع الستاره
اتوقع بتكون ارقى

"

اقتباس:

أختي الماسه
شوفي الطريقه في الصوره وتخايليها صالتك

الكرسي الاحمر الكبير بيكون في النص
والطاولتين على الجوانب
والكرسي الثاني خلف الستاره
ومحل الكرسيين اللي في الصوره بيكون البلازما
وبنوزع 3 مرايات نفس الشي خلف الكرسي
شو رايج؟؟؟؟؟

"" والله حلو ومن قبل ماتقولين انا ودي انقل التلفزيون الجهه المقابله
ارتب وابررررررررررد لتكيف بس زوجي

اقتباس:

والخداديات رتبيها بهالطرق

إن شاء الله

اقتباس:

هذي الخداديه اللي كنت اقصدها لك
موجوده عند هوم سنتر

اممممم ماعجبتني
خلاص حطيت ببالي خداديات الأحمر والذهبي احلى واروع

طيب لو سمحتي لمسة فن ماقلتي لي عن الفكر اللي مقابل الكنب الطويل
سألتيني وش مقابله علشان بتعطيني فكره حلوه وماجاوبتي

وشكرا لج مااااقصرتي

°• ღ لمسة فن ღ •° · 07-11-2011, 02:15 PM

ورق جدران من الطبيعه..(( كأنه حقيقه )).....

لبنات الأمارات
موجود لدى محلات((وييل بيبر))

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
●.●..شًقِآؤٍة صًغَآرٍ .. ورَبع ريآل ..لِكَنً طَآرٍ ●.●	كاتمة الاحزان	المـنـتـدى الـعـام	10	11-29-2012 03:38 AM
@@ ●●●بُينِي ●●وبينكمُِ...~..~ أבيِانّاً! @@	Mقمة البرااااائهM	المـنـتـدى الـعـام	11	09-06-2012 05:58 AM
●°●أَحلى كوليكشن لأحلى ينات●°●ْْ ْ ْ بمناسبة العيد	الشوق عطري	الموضة و الجمال	8	08-27-2011 11:56 PM
●● ●● فلسفة انثئ كلاسيكُيًه ●●●●	كاتمة الاحزان	الموضة و الجمال	3	04-26-2011 01:39 PM
أבـيِـانّــاً! ●●●بـُينـِي ●●وبينكـُِ...	غلا الشوق	المـنـتـدى الـعـام	7	12-01-2009 11:02 PM