التفكير في الحمل يؤخره ... كيف أنسى الحمل تفضلي..

[ريومة الأمورة]

صديقاتي أنا متزوجة منذ سنة و8 شهور... بعد سنة و3 شهور من زواجي حصل الحمل ولكن ربنا كتب إنو ما يتم ومات البيبي بالشهر التالت ...
أنا ما حملت غير لما نسيت موضوع الحمل ..من لما تزوجت وأنا أحسب أيام التبويض بدقة ...وأضل أستنى باليوم وأفتح منتديات الحمل .. وبالآخر ما أحمل وتشرف الدورة وبعدين مليت وفقدت الأمل تماما وسجلت بدورة تنمية بشرية ودورة لتعليم الصوف وصرت كل يوم أروح عليها ونسيت قصة الحمل تماما وتعرفت على ناس جداد ..وبنفس الشهر طلعت حامل ...بس ربنا كتب ما يتم والحمد لله وعملت عملية تنضيف...
وهلأ صرلي 3 شهور منزلة ..وما صار حمل لأني رجعت أحسب وأفكر كتير .. ولما سألت دكتور هو صديق زوجي ..حكالي إنو التفكير بالأطفال بيرفع هرمون الحليب عند الأنثى حتى لو كانت بنت ..إت لما تفكري بالطفل ..أو تشوفي طفل وتضميه بحنان برتفع هرمون الحليب عندك ... وهالشي بيخيك ما تحملي... وطبعا جسم عن جسم بيفرق ...ومعظم يلي بيتأخر حملهن بيكون عندهن عاطفة شديدة للأطفال وحب كبير...فسبحان الله.. تعالوا سوا نشغل نفسنا بأمور تانية ... اتعلموا صوف.. اطلعوا مشاوير...وانسوا ..سجلوا دورات أي شي ... وبإذن الله نطلع كلنا حوامل عن قريب ... دواتكم إلي..

[nour karim]

هههههههه والله عندك حق نصايح في القمة الله يعوض عليك ويرزقك بالحمل عاجلا غير اجل ياااااااااارب

[ريومة الأمورة]

الله يسلمك نور ... والله لما حملت ما كنت حاسبة تبويض ولا شي ... وما كنت حاطة أمل واحد بالمية أكون حامل ... هالشي مو بس نفسي كلو علمي ... وعنجد معظم المتأخرات بالحمل عندهم عاطفة أمومة كبيرة كتير ..

[ريومة الأمورة]

وكنت كل شهر أتوهم إنو عندي أعراض حمل ... وكلو عالفاضي... لما تكون الوحدة حامل ما ببين غير لبعض الدورة ... أعراض الحمل والدورة متل بعض ... بالشهر يلي حملت فيه ما كان في أعراض...

[nour karim]

كلامك كله صحيح الاعراض متشابهة وشوقنا للامومة يخلينا نعتبرها علامات حمل الله يرزق كل محرومة يااااااااااااااااااااااااارب امين

[" امنية حياتي "]

والله صدكتي كلامج كلش صحيح يمكن كثر التفكير يرفع هرمون الحليب لانه دورتي قبل الزواج كانت جدا منتظمة وهسة تجي بس كمية الدم قليلة واخر شهر تأخرت 3 ايام الله يستر ,, يسلمووو ايديكي حبيبتي يعطيكي الف عااافييية

[ريومة الأمورة]

آمييييين يارب... الله ما يحرمنا .... ويرزق الكل ...

[ريومة الأمورة]

أمنية حياتي ... والله وأنا متلك نفس الشي صار معي بالنسبة للدورة ...لأني بفكر كتييير

[أسيرة زوجي]

حبيبتي الله يرزقك و يرزق كل محرومة بالحمل السليم في القريب العاجل

[ريحانة الجنة]

طرح رااائع وبمحله واثرتي نقطة ارتفاع الهرمون بسبب التفكير
واعجبي كلامك عن ارتفاعه بسبب العاطفة للاطفال سبحان الله
عندك حق بكل هالطرح
فايف ستارز لعيونك
موفقة