هل كل بيبي فاتح رجوله.. ولد؟

[أسيرة زوجي]

بالنسبة لفتح رجول البيبي ما عندي علم بهذه النظرية و اصبري المراجعة الجاية يمكن يبين جنس الجنين

أما بالنسبة للمشيمة الدرج يأثر و حاولي تنامي دائما على الجنب الأيسر و راح ترتفع إن شاء الله

[ليلى الحلوه]

حتى تحاسبون البنت وهي فبطن أمها إذا مبطله ريولها؟!! ليكون عيب عليها ؟!!!!!!!!!!!!!!
وعمر حركة الجنين يكون لها دخل بالجنس ما يخصه مووووووووووووووووول عاد مبطل ريوله مسكرنها يضحك يبجي ماله دخل... والله يرزق كل محرومه تتمنى عطية ربها وبس...

[حيآتوو]

سلاماً ليلى..!



اللي يسمعك كأني كاتبه خطه بكفخها فيها اذا ولدتهاوكانت بنت عشان هالقعده!!
ياربيي عليكم .. ماعييب الا اسلوب بعض الردود حبيبتي

ولاقلنا شرط ولاغلطت وقلت ياليت ولد
بس سؤال برئ

والا عيييب يجيني فضول بجنس اللي ببطني!؟
لايكون حرام بعد

شويه ثقافه ورقي بالردود..!
النبي يقول .." احمل اخاك المسلم على 70 محمل من الخير"
والله هالايام الناس تمشي بالسالب!

الله يهدي باالك ويرزقك اللي تتمنينه بالسلامه
ولايحرم احد من ضمة طفله

[ام اسكندر]

ايوه بنتي في كل مراجعة شهرية تكون فاشخة رجولها ع قولتك
ماعمرها سكرتها الله يهديها

[حيآتوو]

ههههههههه الله يحفظها
اقصد بفاشخه يعني فاتحتهم بقوة
هذي يمين وهذي يسار

[الخياله]

الله يتمم عليك ويرزقك باللي تتمنينه انا في بنتي كانت دايما
مسكررره رجولها الله يحفظها ويخليها لي ياااررب

[شـوآخـي]

نفس الشي يالغاليه الرجيل مفتوحه او مسكره مايخصها في جنس الجنين

انا نفس الشي رجيل البيبي مفتوحه وبين معاى بنت من الثالث ماشاء الله

وفي ولدي رجيله ضامنها بس رحت في الثالث وعرفت انه ولد لانه كان صغير وفاتح رجيله فبين

اما حملي هذا من الثالث فاتحه رجيلها وبين معاى بنت = يعني ماله خص يالغاليه ابدا



والله يرزقج الولد الصالح البار المعافا يارب العالمين
ويرزق كل منتظره للحمل يارب

بس بخصوص المشيمه حاولى ترتاحين وماترهقين نفسج وتقللين من الجماع ومن الدرج

والله يسهل عليج ويقومج بالسلامه

[شهدعمري]

هههههههههههههههههههههههههه ضحكتيني حياتووو والله دمك خفيف وعسل حبيبتي الله ينولك الي في بال ويعطيك الطفل السليم المعافي
انا هلمره شفت السونار الرجلين مفتوحه بس حسيت الدكتوره ما كانت متأكده من جنس الجنين ولهذا اليوم اتمنى اعرف شنو فيني رغم اني راح ادخل شهر 6
اما على المشيمه حبيبتي انا صار معي بحمل الثاني بشهر الثاامن تحتاجين راحه تامه وانشاء الله تونين بخير وسلامه

[Tota 85]

فاتحه ريلها مب عاجبكم وصاكة ريلها بعد مب عاجبكم ايش اتسوي البنيه حبيبتي اتطل بشوي شوي وعقب اتخش هههههههههه

اكيد هذي بنتج اتحبج ما تبي اتعبج واتخسرج مع الدكاتره قالت من اولها بافتح ريلي واريح ماما هههههههههههه

بس اذا ولد كان بيبين على طول

الله يرزقج بالطفل الكامل سواء ولد او بنت ويستر عليها وايخليها لج يا قلبي

[امم بشرى]

هههههههههههههه ماشاء الله عليهم بنات هاليومين انت فاتحة رجولها وانا تحرك رجولها كثير الله يحفظهم لدرجة اني درت ورا الدكاترة لتاكد من الجنس وكل واحد يقول ممكن بنت لانها ماشاء الله تتحرك كثير واخر واحد الامس قلتلو اريد اعرف جنس الجنين قالي امرك الان راح اقولك واثق من حالو بقى اربعين دقيقة وهو يحاول يقول ماشاء الله تتحرك كثير ومرة قال يمكن بنت وفي الاخير قالي اسف مدام والله ما قدرت اتاكد مع اني قريب اخلص الشهر السابع وكنت متمنية يكون المولود ذكر والي يجي من عند ربنا يا محلاه