حمل أو أعراض الدورة ؟؟ طبيعي أو لا مو عارفة ؟؟

[Night]

السلام عليكم ورحمة الله

صباح الخيـــــــــــــر

حبيباتي اني ما عندي خبرة في سوالف الحمل و أعراضه قلت باخذ رايكم بموضوع
لاحظت أمس انه أنا عندي هاليومين تضبيطات في شقتنا و قمت أرتب و أنضف في الشقة
و حسيت أنه عندي الم مو طبيعي أسفل الظهر
و قبله بيوم كان جاني ألم في الجهة اليمين حتى مو قادرة أتحرك كأنه تشنج
و أذا أنام على جهة اليمين أو اليسار احس انه صدري يوجعني و كأنه متحجر و ما اقدر انام فضطر أنام على ظهري

اممم حتى أمس بالليل دخلت الحمام و انتوا بكرامة كتير حتى زوجي لاحظ قال شسالفتك اليوم !! كل شوي و طيران على الحمام ,,
أنا ما لاحظت هذي النقطة بس زوجي لاحظها

أنا قلت يمكن لانه البارحة شربت مويه و سوائل كثير من جذي صارت عندي هذي النقطة

وعندي أرق مو طبيعي , أحس روحي تعبانة و دايخة و ابي أنام بس ما أقدر أنام

أنا عندي كمان موضوع الجيوب الانفية , بس اشوف الاسبوع الي فات زاد موضوع الجيوب
علي حتى انه عندي صعوبة في التنفس ما اقدر أنام من الجيوب . بس هالاسبوع خفت سالفة الجيوب


مدري هو أعراض الدورة ؟؟ لو حمل لو شنو ؟؟


أنا الدورة تجيني كل 30 يوم و كانت كذا شهر منتظمة بس الشهر الي فات شوي
خربطتني لانه نفسيتي كانت مرة تعبانة !!


الدورة اجتني تاريخ 23/4 يعني المفروض موعدها 23/5 يعني الحين باقي عن
الدورة 9 أيام


شرايكم حبيباتي ؟؟ معقولة حامل و هذي أعراض حمل بس أنا باقي لي 9 أيام عن الدورة !


رب لا تذرني فرداً وانت خير الوارثين

[حبيبه اهلها]

حبيبتي انتظري موعد الدوره واتاكدي ولاتعبين نفسج زايد ولاتحطين بالج بموضوع الحمل وانشاالله خير

[متفائلة دائما]

ليش مو معقولة اي وحدة مع زوجها و تصير بينهم علاقة زوجية اكيد ممكن جدا يصير عندها حمل
بالنسبة للاعراض اللي ذكرتيها مو كلها لها علاقة بالحمل سوى الم الصدر فممكن
ربي يفرحك و يرزقك

[أسيرة زوجي]

حبيبتي الله يفرح قلبك و يناولك الي في بالك يا رب
بس من الاحسن تستني لموعد الدورة و تحللي اضمن

[Night]

حبيبت أهلها و أسيرة زوجي : أحاول قدر الامكان اشغل روحي ولا أفكر
متفائلة دائما : الله كريم و الحمدالله على كل حال وان شاء الله أبشركم قريب


رب لا تذرني فرداً وانت خير الوارثين

[جرة عسل]

ان شاء الله يكون حمل
ننتظر منك تبشرينا غاليتي

[ام رهـــف]

بتوفيق ان شالله والله وعلم

[السيدة ماما]

اعراض الدورة تشبه تماما اعراض الحمل انتظري قليلا و انشاء الله تكوني حامل

[عيون احمد]

يمكن اعراض حمل لانو انا كان باقي ع دورتي وايد وقال زوجي شوفي سوي لختبار المنزلي
قلت له لاتو الناس باقي لين تاخرت دورتي بسويه والحمدلله سويته وطلع لي حامل ورجعت خليت زوجي يشتري لي جهاز ثاني
ونفس الشي حامل والصباح اول ماقعدت نفس الشي الحمدلله حامل وسويت دم والحمدلله حملت
اصبرين كم يوم وسوي التحليل وان شاءالله حامل
والله يثبت حملي وحمل الجميع ان شاءالله