ما حسيت بأعراض تبويض هالشهر هل ممكن يصير حمل

[noora88]

السلام عليكم

شخباركم يا حلوات
ادري كثرت مواضيعي عن الحمل وصار هاجس يلاحقني الحمدلله على كل حال
بنتي عمرها سنتين ونص وحابه اييب ياهل ثاني تتسلى معاه و زوجي كثير الغياب ودايماً ايام التبويض مايكون موجود
دعواتكم

المهم في الموضوع

انا في كل شهر الحمدلله احس بأعراض التبويض
الم في جهة وحده بالمبايض وافرازات مطاطيه شفافه تستمر كم يوم
والتبويض دايماً يصير عندي بعد 3 اسابيع تقريباً من الدوره لانه طول دورتي 35 يوم

المهم في هالشهر
انا مستغربه ماحسيت بأعراض التبويض
نزلت علي افرازات شفافه قليله اقل من كل مره بعد اسبوعين وفيني تشنجات مثل شعور الدوره
بس نهائياً ماحسيت بشعور الم على جنب في المبايض
بس الم الدوره يتكرر معاي بشكل متقطع كل يومين تقريباً
هل معناته هالشهر ماصار معاي تبويض :(

للعلم هالشهر بس صار جماع اول ماطهرت من الدوره
يعني اليوم 8 و 12 و 19 من الدوره فقط

في مجال أو امل اني احمل هالشهر
سبحان الله دايماً كل شهر في يوم 19 يكون عندي تبويض
بس هالشهر في يوم 19 الحمدلله صار جماع بس مافي اي اعراض تبويض :"( المنطقه ناشفه ومافي الم مبايض

[أنوار الولاية]

وعليكم السلام

ياهلااا ، بقولك شي بفرحك إن شاء الله

انا الشهر الي ما احس بأعراض التبويض اطلع حامل حتى نفس الشي استغرب مافي اعراض تبويض ابداً

ماعرف ليش يمكن لان البويضه تكون تلقحت خلاص ماعرف بس هذا الي يصير لي

ما ابيك تقولي انك حامل ١٠٠٪‏ وبعدين تنصدمين لكن إن شاء الله تكوني حامل خاصة اذا تبويضك ممتاز فيعني كل شهر بيكون في تبويض إن شاء الله

يالله ننتظر وقت الدوره إن شاء الله تبشرينا بالحمل

[ريم فارس]

انا بعلمك حاجه
انا الشهر الي فات جاني الم قوي بالمبايض وافرزات كككككثيره
وماصار حمل
عكس هذا الشهر نزلت لي فرزات خفيفه مطاطيه والم جداً. خفيف
وتابعت التبويض عند دكتوره بالسومار وقالت حصل تبويض
وقالت لي نهائياً الافرزات مو شرط ع حدوث او انعدام التبويض
الله يكتب لي ولك الحمل هالشهر يارب وكل من يتمنى يارب

[noora88]

أنوار الولاية

ريم فارس

شكراً حبيباتي كلامكم عطاني أمل
ما راح احط في بالي اني حامل عشان ما انحبط

بس بصبر لين وقت الدوره وعسى خير
اذا حامل راح ابشركم ان شاء الله

[moraaa]

فى شرايط بتتباع فى الصيدليه ovulation test بتعرفى منها ايام التبويض هم 5 شرايط بتعمليهم فى الايام الموقع حدوث التبويض فيها