كم تصل تكلفة التلقيح الأصطناعي بالمغرب ??

[شمعة في الظلام]

السلام عليكم

السؤال موجه لأخواتي المغربيات أفيدوني جزاكن الله خيرا

كم تصل تكلفة عملية التلقيح الاصطناعي و ما نسبة نجاحها و هل يوجد طبيب متخصص في مدينة أكادير

[ربي رحيم]

حبيت ندعي لك ربي يفرحك بوليداتك في القريب العاجل يارب انا معنديش فكرة لكن سمعت شي مرة في التلفزة برنامج كيهضر على التلقيح الصناعي في الدار البيضاء او لا ماخفت نكذب قالوا يا جوج مليون او نص او او خمسة المليون شي حاجة كيفما هاكة.كتبي في قوقل راه تلقاي فيه كل شي انشالله

[ربي رحيم]

انا قلبت ليك فقط للمساعدة لقيت هاذ الاخت راها تسكن في المغرب او تحكي قصتها راه كل شي كاين او ضاهر لي المبلغ على حسب العياد.ة. أول خطوة هي أول يوم في الدورة مشيت عندطبيبة شافت لي الرحم قالت لي مخاصس إكون تكيسات الحمد لله مكان والو عطاتني كلوميد من 2 يوم لدورة حتى 6 يوم من الدورة وعطاتني إبرة جونال ف 450 لمدة 3 أيام كنضن يوم 8 و 9 و 10 وقالت لي نشوفك نهار 11 من الدورة فعلا خديت هد شي بإنتضام الجرعة لي كنت كناخد من الإبره هي 75 الإبرة على شكل قلم ديرها في اليوتوب تشوفي شكلها وكيفاش كتخاد أنا أول مرة مزعمتش نديرها بوحدي مشيت لكلينيك فين خديتها المهم نهار 11 مشيت عندها لقات عند 3 بويضات الحمد لله كان حجمهم مزيان قالت لي زيدي جرعة أخرى من جونال اليوم يعني نهار 11 وكتبت لي على إبرة تفجيرية بريجنيل 5000 قالت لي خوديها نهار 12 من الدورة مع 10 مساء وراجلك إمشي نهار 14 في صباح بكري المختبر باش إيدرو ليه التحليلة وجهزوا الحيوانات المنوي من أجل التلقيح في نفس اليوم
فعلا مشيت أنا وراجلي في الصباح المختبر ودار راجلي تحليل بقينا كنتسناو في الطبيبة ملي جات دخلت الغرفة المخصصة جابوا ليها الحيوانات المنوية في واحد جعبة رقيقة كتسلقي وكتجول لك إسترخي كتدخل هداك تويو كتحاول لمكسيموم توصلوا البويضة وصافي من بعد قالت لي باقي مستلقية شوية على ضهرك وكتبت لي أوتروجستن من 16 حتى ل 25 من الدورة وأنا الصدمة كانت عند فاش كملت عاد قرات نتيجة التحليل وقالت لي أه للأسف هد المرة خرجت تحليلة ناقصة بزاف المهم دازت ولله الحمد إن شاء الله إنتي تنجح لك من أول مرة تفائلي خير
قبل مندير تلقيح قالتلي طبيبة ضروري ديري أشعة الصبغة باش نشوف الأنابيب واش سليمة أو لا فعلا درتهم والحمد لله كانوا مزيانين نصيحة ديريهم منها كطمأني عليهم ومنها كضمني نجاع العملية نسبيا هاد كنتي مزال مدرتيهاش
الله يسرليك غير توكلي على الله وديري التلقيح سهل بزاف وماديا ماشي مكلف بزااااف 3200 درهم مقدور عليها ماشي بحال 30000 درهم حقن مجهري هدي شوي قاصحة الله يجيب لي رزق ونديرها

طولت عليك الله يوفق الخير وفالك نجاح العملية بإدن الله. هذا فقط موضوع منقوللللللللللللللللللللللللللللللللللل لافادة فقط

[شمعة في الظلام]

شكرا أختي الله اينورك واعطيك متمنيتي

[ام ارجواااااان]

يارب يفيدونك بنات المغرب
والله يوفقك ويريح خاطرك

[jojo 123456]

الله يسر اموورك وان شااء الله الصباايا يفيدوك

[يآ أرحم الرآحمين]

5000 درهم التلقيح الصناعي
اطفال الانابيب 3 المليون