انصحوني ياخواتي مالي غيركم محتارة شسوي . . قصتي القصيرة

[أمنية وردية]

بنات انا بعد اربعة شهور من زواجي رحت فحصت والدكتورة قالت ان حجم بويضاتي صغير
لكن انا قلت للدكتوره اني سنه متزوجه عشان توافق وتفحص لي لان عادة بعد سنه الوحدة تفحص وتتعالج اذا ماحبلت
بنات من شهر واحد ممكن نحكم على البويضات انها صغيرة ، يعني مايصير شهر صغيرة بس مو هذي طبيعتها . .
المهم بديت استخدم خلطة وادي النحل لتنشيط المبايض ومرمية واناناس وبردقوش من اول يوم للدورة الى اليوم 14
الحين ثاني شهر استخدم هالخلطات


بليز بنات مين جربت هالخلطات ونفعت معاها ، ، مع العلم اني مااشوف افرازات وقت التبويض يوم وتوقف وقليله ، ،


انصحوني ياخواتي العزيزات
هل الافرازات ضروريه للدلاله على التبويض ..
هل استخدم كلوميد شهر او شهرين من نفسي كذا يمكن ينفعني . مايسبب تكيس او اضرار ؟
انصحوني شسوي اروح افحص مرة ثانية اشوف الوضع تحسن او لا ،؟
او انتظر بعد شويه


ماادري محتارة وماعندي غيركم مااقدر استشير احد لاخواتي ولا زوجي مااحد يفهمني ويفهم شكثر انا بموت واجيب بيبي ؟




ارجوكم ساعدوني شسوي ..


الهي وكلت امري اليك وأودعتك امنيتي

[غصن ألبان]

أمنية ياقلبي .. بصراحة الخلطة ماعندي معلومات عنها
وبالنسبة لتشخيص الدكتورة أنتِ تقدرين تروحين لدكتورة
ثانية وتشوفين اذا كلامها وتشخيصها مطابق لكلام هذي الدكتورة
او لا ؟ حتى تتأكدين وتطمأنين أكثر ...
وبالنسبة للكلوميد ماانصحك تاخذيه الا بأستشارة طبيب لان كثرت
التنشيط تسبب اكياس عالمبايض وعن تجربة ...

وأحسن شي انك تشربين عصير الاناناس من 2 يوم للدورة لحد ايام
التبويض وأكلي ايضآ معها شرائح الاناناس .. ماشاء الله ممتازة لتنشيط
المبايض وتساعد على تكبير حجم البويضة وهواية بنات استخدموها وصار
عندهم حمل وممكن تسوين بحث بالمنتدى وتقرين بنفسك تجارب البنات
اتمنى اكون افدتك واسأل الله أن يرزقك بالذرية الصالحة.. ودي♥

[سوزان الرياض]

الخلطات هذي كويسه
لكن ما يمنع تجربي الكلوميد الله يرزقك

[rayhana05]

اسأل الله أن يرزقك بالذرية الصالحة.انت و كل محرومة يا رب

[ام علي العابدي]

امنية حبيبتي انتي مالازم تستعجلي وتاخذي من كيفيك اي منشطات مثل ما كالتلك الاخت غص البان بعدين يصير تكيس لاسامح الله اذا كان عمرك صغير فالله كريم اصبري كم شهر لسة بدري ........... واذا لا فراجعي دكتورة واحكي معاها هل مرة بصراحة ويارب تحملي هل شهر واني وياكي وكل البنات وتبشرينا يا رب

[عااايشة]

من اول فحص قالتلج ان حجم البويضة صغير ؟؟؟
او مع المتابعه للتبويض.

لان لابد متابعه التبويض لان حجم البويضات يتغير
كل يوم او يومين

ولازم الدكتورة تسوي لج فحوصات للهرمونات

ثاني يوم الدورة و ٢١ من الدورة


بالنسبة للافرازات اظن مهمه وقت التبويض
وليس ڣـــے غير هالايام لانها علامة على التبويض
وانا نفسج وقت التبويض ما ڣـــے افرازات

اسأل اللَّہ العظيم رب العرش العظيم ان يرزقني
ويرزقج وكل وحدة تنتظر الحمل

امين

[Amal jafar]

امممممم انا حملي الثااني استخدمت المراميه والعسل الطبيعي مع طلع النخل
واستفدت حييييل عليهم
وللحين استخدم المراميه والبرقدووش و البابونج حيييل زين للمباايض
والله يكوون بعوونك

[غلآ نآصر]

والله حبيبتي ماعندي علم ..
بس روحي لدكتوره ثانيه شخصي عندها و شوفي نفس الكلام و لآ لآ ..

[ام جمال ان شاء الله]

حبيبتي
اول شيء لازم تتخلصي من هدا التوثر الي انت فيه
مادام اخدت كل هدا روحي تابعي التبويض
وضوفي هل في تحسن او لا ادا كان في تحسن خدي معه التنشيط الي راح تكتب لك عليه الطبيبة وادا ما ارتحت لطبيبتك غيريها
بس عليك بمتابعة تبويضك والله اسهل
لازم تتقي بالطبيب لانه هدا اختصاصو
الله يفرحك يا حبيبتي
في القريب يارب

[سحابة الماضي]

ما بعرف والله .. الله يرزقك الذريه الصالحه يا رب