قصتي مع الحمل

[Amal jafar]

السلام عليكم ورحمه الله وبركاته
ياليت تعطوني نصيحه او اي حاجه تفيدني لاني والله تازمت نفسيا
سويت اشعه الصبغه وطلع عندي انسداد بالانبوب الايمين والحمدلله على كل حال
وزوجي سوو له تحليل للحيوانات المنويه وطلعت عنده مشاكل كثيره
ضعف بالحركه ولزوجه عاليه وقله بالحيوانات المنويه ونسبه تشووه بالحيوانات المنويه
فانصحتي الدكتوره لاختصر مشوار العلاج اسوي اطفال الانابيب
وانا والله مادري شسوي من رجعت وانا متحطمه
للعلم انا حملت مرتين ولله الحمد لاكن صار اجهاظ
وحملي طبيعي بدون علاجات
اللي مرت بتجربتي او تعرف من مر بتجربتي ي ليت تبشروني ان في امل بالحمل من جديد

[متفائله خير]

جوفي حبيبتي كلام الدكتورة صحيح اختصري الوقت بالحقن المجهري نتائجه ممتازة انا نفسج حملت بالاول طبيعي والولادة كانت قيصري وبعد الولاده ظهرت عندي التصاقات دخلت عملية منظار بطن ومنظار رحم وفكوا الالتصاقات ومن بعدها قعدت سنين احاول من منشطات ومتابعة تبويض للتلقيح الصناعي ولكن الحمدلله علي كل شي ماحملت وبعد ضياع السنين في المحاولات الدكتورة نصحتني بالحقن المجهري لاختصارالوقت والجهد والتعب وبعد والاهم حتي ماينقص مخزون البويضات بسرعه انتي تقولين عندج مشكله وريلج بعد اتوكلي علي الله وابداي بالحقن المجهري واستمتعي بالتجربة ولاتفكرين بالمشكله الحاليه وبعدها انشالله راح تبشرينا بالحمل الله يرزقج بالذرية الصالحه عن قريب انا ببدا للحقن المجهري الشهر الجاي والله كريم يعوضني خير انشالله.

[Orchid109]

حبيبتي سالفة اطفال الانابيب ماتخش المزاج افرضي انتي وزوجك عندكم مشاكل تعيق نجاح عملية اطفال الانابي الحمدلله العلم تقدم بس مو كل الاطباء متطورين في العلم فيه بعضهم يشتغلون ويبحثووون عن طرق حديثة للعلاجج وفيه بعضهم مكانك سر لاطور فيه نفسه ولا استفاد من تطور العلم ! فاول خطور في علاجك تختاري الطبيب الثقة واللي له سمعة كبيرة في هذا المجال

واذا انتي من الرياض

انصحك بثلاثة اطباء

عبدالعزيز الشهراني والدكتور بندر عبدالكريم في مركز بنون
والدكتور محمد بقنة في مستشفى الحبيب فرع العليا

اطباء مشاء الله عليهم كفاءة وعندهم يا ابيض يا اسود وماعندهم لف ودوران في العلاج زي اغلبية الاطباء
انا قالتلي طبيبة نفسك انو الانابيب مسدودة عندك ومافيه اي امل لك الا اطفال الانابيب وماكذب عليك قلبتها اسبوع مناحة وابكي وحسبنا الله ونعم الوكيل عقبها قلت الطبيبات ماعندهم سالفة جاء الوقت اني اعالج عند طبيب

رحت للدكتور محمد بقنة على اساس اسوي اطفال انابيب على كلام الطبيب ورفض ! قال لا انتي عندك مشكلة ولازم نعالجها بالاول بعدين نسويلك اطفال انابيب ! سبحان الله طبيب عن طبيب يفرق وربي

فيه بعضهم ماديين وماهمهم صحة المريض اهم شي جيب المريض وحسبنا الله ونعم الوكيل

المهم شطحت شوي عن سؤالك :

افضل شي انو تعالجي انتي وزوجك

وسبب انسداد الانابيب بسبب الاجهاض

اللي عليكي تسويه :

منظار رحمي جراحي يفكلك انسداد الانابيب

تحاليل للكشف عن اسباب الاجهاض لانو حطي في بالك حتى لو نجحت عملية اطفال الانابيب احتمال كبير تجهضي لذلك لازم تعالجي المسبب للاجهاض اول

وكمان اطلبي تحفيز البطانة الرحمية عشان تساعد في ثبوت الاجنة في جدار الرحم وافضل طبيب يسويها بندر عبدالكريم

بهالفترة زوجك كمان يعالج
استشيري الطبيبة عن فيتامينات اورثومول للرجال والنساء لك ولزوجك

مرة ممتازة

موفقة

[7 ام عبدالرحمن 7]

سويها وتوكلي على الله ترا العمر يمشي

بالتوفيق

[أم حمودي وعبودي]

وعليكم السلام

أنا كنت رايحة المستشفى أسوي أطفال أنابيب وسبحان الله بس سوينا التحاليل وبنفس الشهر حملت بدون علاج واستمر للشهر الثالث وسقط

عشان كذا الدكتور رفض يسويها لي لأني حملت بشكل طبيعي وبدون علاج وقال أني سليمة وزوجي سليم مع أن زوجي كان عنده مشاكل في الحيوانات المنوية

ولأني كنت أجهضت قبلها وكان حمل بالتلقيح الصناعي قرر الدكتور يشوفي سبب الإجهاض وسوينا تحاليل كثيرة وطلع عندي نقص بروتين s ولازم إذا صار حمل آخذ أدوية مسيلة ( أسبرين ، كلكسان )


الظاهر زوجك مشاكلة بسيطة خصوصاً أن صار حمل قبل كذا فنصيحة حاولي تنسين أطفال الأنابيب فترة من الوقت ولتكن 3 أشهر
وخليه ياخذ خلطة العسل بطلع النخيل وغذاء الملكات وخليه يكثر شرب الماء والفواكه والخضار وإذا مدخن يترك التدخين

أما أنت الحمد لله عندك إنبوب سليم ممكن يصير عندك حمل بشكل طبيعي

وعيشي حياتك

[الريم الشرقي]

حبيبتي لازم تؤمنين بقضاء الله وقدره وتوكلين امرك لله قبل كل شي ...
وبالنسبة للنفسيه لها تأثير كبير وممكن تدمر لك الموضوع حتى لو سويتي الأنابيب ممكن تكون السبب في فشلها...
إذا أنتي حملتي طبيعي من قبل ومن تزوجتي ماأخذتي فترة طويله ...أنصحك اول شي كثروا الأستغفار وسوي لزوجك خلطة العسل مع حبوب اللقاح وغذاء الملكات والمكسرات المشهورة بالنت وزيدي عليها قسط هندي وخليه يستمر عليها 3شهور واذا يقدر يحجم #3 مرات ورى بعض ويفهم الحجام ان تحجيمه للانجاب...
وانتي اخلطيلك شمر وكمون وزنجبيل وحطي ملعقه بكوب ماء مغلي وحطي عليها مراميه بدون غصن وغطيها شوي وبعدين أشربيها ...

حبيبتي أنا لي تجربه بكل اللي قلتلك وكذلك حملي تم عن طريق اطفال الأنابيب(الحقن المجهري)

الله يرزقك الذريه الصالحه بدون تدخل الأطباء ياااااااارب

[Amal jafar]

تسلموووون حبيباتتي على الرد
بس طلع تحليل زوجي الحمدلله غلط وراح يعيده من جديد
بسس مشكلتي من بعد الصبغه وانا معاي نزيف مادري هو نزيف او دوره
واليوم لي ساابع والنزيف موجاي يووقف

[الريم الشرقي]

الحمد لله إن التحليل طلع غلط والله يفرح قلبكم بالتحليل الثاني ياااااااااااارب...وأعتبري اللي صار إمتحان من الله ..
وبالنسبة لك لازم تراجعين الدكتوره وتتأكدين إنها دورة او نزيف ...
ويااااااااااااااااارب تحملين هالشهر وتكون أخر دورة لك لين أربعينك ...كثير حملوا بعد أشعة الصبغه سبحان الله..

[أُم العنود]

انا كان عندي التصاق بسيط بالانبوب اليسار وفتحته الدكتوره وقت اشعه الصبغه


ما يبي لها شي ليش ما فتحوه لك بنفس الوقت

[وطن.]

ابعدي عن العمليه .. دام انك حملتي طبيعي

ونصيحه اذا حملتي لاتعلمين احد لين 3 شهور

وكمان جيبي شيخ يحصنك انتي واللي في بطنك

انا اعرف وحده تسقط 6 مرات
قال لها الشيخ لاتعلمين احد لين اقول لك

وفعلا ربي اكرمها وبنتها عمرها سنه ونص

وربي يرزقك ويفرح قلبك