عرفت سر خطير للناجتس إوعى تشتريه من برة

[جهينة]

الموضوع دة منقول للافادة
ازيكم يا احلى قمرات الكلام اللى حقولهولكم ده حطوه حلقة فى ودانكم عشان صحة ولادك وانا سمعته من شيف مشهور قوى على قناة فتافيت اسمه جيمى اوليفر اكيد غنى عن التعريف الشيف دة بقى ايه كان عامل حلقة بيتكلم فيها عن الاكلات اللى الاولاد بيحبوا ياكلوها برة البيت من المطاعم المشهورة اياها اللى مش بتقدم حاجة مفيدة هى بتدينا طعم بنحبه ونتعود عليه وكلها حاجات غير صحية وكوليسترول ودهون مشبعة واحنا بناخد ولادنا ناكلهم هناك يعجبهم الطعم ولما تحاولى تعملى نفس الصنف فى البيت مهما كلفتى ومهما حطيتى اضافات الطفل برضه مش بيعجبه الا اكل المطاعم دى المهم عم جيمى ده توصل للطريقة اللى بيعملوا بيها الناجتس اللذيذ الرائع الطعم المبهر فى شكله اللى بيتباع فى المطاعم واللى بيتباع فى السوبر ماركت \وانا شخصيا جربته ومعجبنيش ومش حاسة ان انا باكل فراخ اصلا\جيمى جاب مجموعة من الاطفال اعمارهم تتراوح بين 8-10-13 سنة اللى هما اصلا المستهدفين من هذه المطاعم اللى بتعمل اغراءات جامدة للعيلة كلها وقال جيمى على سر الناجتس وجاب خلاط وقال حنحط المكونات اللى بيتعمل منها الناجتس بتاع المطاعم تخيلوا حط ايه العضم بتاع الفراخ نئ ومنظره يقرف اعزكم الله والجلد بتاع الفراخ برضه وقعد يضيف عليه منكهات ومكسبات للطعم وفرم فى الخلاط وبعدين طلعت عجينة عملها اقراص وحطها فى بيض وبقسماط كان شكلها خطير وما خفى كان اعظم وقال للاطفال هو دة اللى بيتقدم لكم فى المطاعم وهو دة اللى بيتباع فى السوق وبعدين عمل خلطة تانية عبارة عن صدور فراخ مخلية لحم الدجاج صافى يعنى من غيرجلد وحط توابل وبعض الاضافات وبرضه عمل ناجتس وحطوا فى بيض وبقسماط وحمره وخير الولاد مابين الصحى والغير صحى والكارثة ان الولاد اختاروا الناجتس الاولانى اللى معمول من الدم والعضم وكل فضلات الفراخ اصيب جيمى وقتها باحباط لانه عامل الحلقة دى مخصوص علشان ينبه الاطفال وعلى راسهم اولياء الامور اللى كل فسحة ياخدوا ولادهم للمطاعم اياها او مثلا الام كسلانة تطبخ فتجيب كيس الناجتس اسهل اذا كان هما الى وردوا لنا ثقافة التيك اواى والجانك فود والاكلات اللى مش صحية وكل الدكاترة عندهم بيطالبو بالرجوع للاكل الصحى فى البيت لانها بتسبب سمنة وتصلب الشرايين والسكر تخيلو لما يكون طفل ربنا يعفى اولادنا جميعا عنده اى مرض من دول بسبب سوء تغذية وسوء اختيار الوجبات واحنا لسة مصرين ندخل الوجبات دى بيتنا فيه حاجة تانية عاوزة اقولكم عليها برضو سمعتها من خبيرة التغذية مونيك باسيلا زعرور اللى بتقدم برنامج صحى وسريع على قناة الان برنامج جميل اوى وبيعلمنا ازاى ناكل اكل صحى قالت برضو بخصوص الناجتس ان الشركات الكبيرة بتجيب الدجاج وتقسمه وتعمل البانيه لوحده والدبوس لوحده والكبد والقوانص لوحدها ويعبوها فى اكياس ويبيعوا وباقى فضلات الدجاج زى الجلد ببواقى اللحم اللى بتكون عليه والجلدمش بيرموها بيعيدو تصنيعها علشان يحققوا مكسب وبيضيفوا مطيبات كتير ومحسنات للطعم وبيطحنوها فى ماكينات كبيرة وبعدين يعملو اشكال تحبب الاطفال زى اشكال العربات او الحيوانات او قلوب او نجوم وبيغطوها بطبقة من بيض الله اعلم بمصدره وبقسماط ويقلوها نصف قلية ويفرزوها وتتعبى فى اكياس وكل اللى يشترى يفكر انها فراخ من برة هلة هلة ومن جوة يعم الله ودلوقتى انت حرة انا بس حبيت اوصلك معلومة انا سمعتها ولانى ام اولا واخيرا حبيت انبه الامهات ولك حرية الاختيار ودلوقتى حقولكم عن وصفة سهلة للناجتس فى البيت على طريقة خبيرة التغذية مونيك وللامانة جربتها وطلعت هايلةوذكرتها قبل كدة فى موضوع من مواضيعى ...............المقادير عبارة عن نصف كيلو صدور دجاج فيليه بدون جلد\1ثمرة بطاطس مسلوقة \ملح .فلفل\2بيضة\ربع كوب دقيق\زيت للقلى ومن عندى انا حطيت نصف ملعقة بودرة توم وبصل. .نيجى للطريقة نقشر البطاطس المسلوقة ونحطها فى الكبة مع الفراخ ونحط الملح والفلفل والمطيبات اللى انت عاوزاها يعنى ممكن رشة زعتر او بابريكا او جوزة الطيب انت وذوقك حتفضلى تطحنى فيهم بالكبة لغاية ما ينعموا والبطاطس تبداء تمط تقومى رشة شوية دقيق علشان متلزقش فى ايدك اثناء التشكيل وتقومى لماهها بايدك على رخامة المطبخ وتعملى اقراص بايدك او تعملى اشكال بقطاعة البسكوت وتغطى بالبيض المضروب مع رشة ملح وفلفل وفى البقسماط المتبلة وتحمرى فى طاسة تيفال فى شوية زيت قليلين وتقلبيها على الناحية التانية لحد ما تتحمر وقدميها لولادك جنبها شيبسى بنعملوه فى البيت برضو وسلطة وتبقى انضف واضمن من بتاعت برة
منقوووووووووول