كثرة استخدام الجوال للحامل

[قمركم]

السلام عليكم ورحمة الله وبركاته



كروشاتي حبيباتي حبيت افتح هالموضوع للنقاش بخصوص استخدام الجوال للحامل
الصراحه انا دايم استخدم جوالي بكثررررره (((( اقصد مثلا الرسايل مثل الواتس اب واستخدمه للنت بعد ))))
فحبيت اشوف هل هو مضر للحامل ؟


وابغى اعرف انتوا تستخدمونه كثير مثلي او لا ؟؟؟
تكفون طمنوني لاني سمعت انه يضر الجنين وانا خايفه كثير .... يارب احفظ لي مافي رحمي واجعله كامل الخلق متعافيا

وهل مره سمعتوا ان وحده استخدمته وضر جنينها ؟؟؟


اتمنى من المشرفه ماتحذف موضوع لان ودي يكون للنقاش ونستفيد منه

[أم رزاان]

الجوال حاله حال اي جهاز الكترووني بالبيت !!
أنا سألت الدكتووورة قالت عااادي جداً بشرط ماتطووولي عليه
لآن بعض الناس مدمنة مسك جوال !!!
مثله مثل الكمبيوتر !!

كل شيء بإعتدال إن شاء الله مايضر !

[نورمان]

انا شفت خبر جابوه في قناه العربيه برنامج صباح الخير
يحذرو فيه مسك الجوال بكثره خصوصا اثنا المحادثه ويستحسن وضع السمعات
طبعا الكلام هذا عام لاي حد فما بالك الحامل خففي عنه هذي الفتره
والله يثبته لك ويجعله سليم معافى يارب^^

[قشطه وعسل]

والله ماادري بس خوفتيني
انا دايم جوالي بالبيت جمبي
وبالجامعه بجيب التنوره
الله يسترويجعل جنيني كامل الخلقه من غيرزياده ولانقصان
ومن يقرا يارب

[شهودهـ]

ان شاء الله مابه ضرر

كل حملي استخدم الجوال والنت وايرلس والحمدلله كل الامور بخير من فضله


الله يهون علينا ويرزقنا شوفتهم وهم بصحه وعافيه

[(( أم يارا ))]

انا دايم ماسكه هالايباد واحطه ع بطني لاني حامل بالشهر الاول
ولازم لي راحه تامه ع السرير واطفش والايباد معاي واخليه ع بطني والله خوفتيني ..
الله يستر عاد هو اللي يونسني ..

[قمركم]

شكرا من اعماق قلبي لكل من رد على الموضوع والله يعطيكم الف عافيه ويتمم حملكم على خير




طيب كروشات الباقي وينكم ابغي اعرف كم تستخدمون الجوال وهل سمعتم انه يأثر او لا؟

[قمركم]

رررررررررررررفع




تكفون ردوا على اقل اللي توهم والدين هالفتره يقولون مدى استخدامهم للجوال فترة الحمل وهل هو مضر ام لا

[قمركم]

اشدعوه مافي حدا منكم يستخدم الجوال


وينكم كروشات ليه مافي تفاعل

[عاشقة الذكريات]

هلا اختي
انا الحين اكتب بالجوالي

وانا سمعت من دكتوره سوت محاضره عن خطورة الجوال وجميع الاجهزه
وخصوصاً للحامل خطر عليها ومافي فايده نحنا ما نفهم
الله يعين الجميع