محلات تفصيل لسرير البيبي ودولابه

[قمركم]

السلام عليكم ورحمة الله وبركاته


أخواتي الله يحزاكم خير ياليت تدلوني على محلات تفصل سرير للبيبي بالأحساء فقط أبغى سرير يكفي الطفل من عمر شهر الى 3سنوات يعني بحواجز لكن ما أبغى جاهز لاني رحت أغلب المحلات وماعجبوني حتى سنتربوينت مدحوه لي وماعجبوني خفيفين مره وغاليين ومذر كير حلوين خشبهم قوي لكن غالي السرير على 1000وشوي والدولاب بعد بألف والمرتبه في الميات وميزانيتي ماتكفي هذا غير الملابس والأغراض الثانيه يبيلها ميزانيه عدله فقررت اني افصل لكن ابغى محل خشبهم قوي وعنده موديلات حلوه



تكفووووووووووون لاتخيبون ظني

[قمركم]

افاا ا ا ا ا ا ماكووووو ولا رد اشدعوه على الأقل رفعوا الموضوع ماخبري بكم كذا تطنشووووون والله اني محتاجه ردووودكم كثير ..... زعلتوني

[شكرا لله]

هلا بيك اختي ... انا زيك رحت سنتر بوينت ومذركير وصحيح مو شي وغااليين ، درت كم محل وماعجبوني ، فكرت زيك اوصي بس يبي له وقت وانا مالي خلق هههههه ، فرحت محل بيبي هاوس وعجبوني واخت من عندهم الخشب قوي اسباني وسعره حلو مقارنه بغيره ، والقماش تفصيل حسب ماتبغين ، واذا حابه يسوي لك راس للسرير ويوصله للبيت ، وبس
وانتي وذوقك واختيارك ...

الله يسهل عليك يارب ، لا تنسيني من دعواتك الله يسهل علي وياك :))

[fufualmoon]

والله ما عندي خبرة في الخشب
صح ان الاسعار مرتفعة بس شوي شوي كل شهر مع الراتب اشتري اللي في بالك
وربي يسر لك اموورك

[ام سالم...]

والله ماعندي خبره بس لنشاءالله اليفدونك خواتي في المنتدي

[قمركم]

مشكوووره حبيبتي شكرا لله والله يعطيك ألف عافيه ويسهل حملك وولادتك ان شاء الله .......بس حبيت اسألك وين هذا بيبي هاوس؟؟؟؟؟؟؟ وشو قصدك يعني راس للسرير مافهمت؟؟؟؟؟؟

[قمركم]

المشاركة الأصلية كتبت بواسطة fufualmoon

والله ما عندي خبرة في الخشب
صح ان الاسعار مرتفعة بس شوي شوي كل شهر مع الراتب اشتري اللي في بالك
وربي يسر لك اموورك

شكرا حبيبتي الله يجزاك ألف خير على الرد والله يكفيني مرورك ربي يسهل عليك وعلي ولادتك .....

[قمركم]

المشاركة الأصلية كتبت بواسطة ام سالم...

والله ماعندي خبره بس لنشاءالله اليفدونك خواتي في المنتدي

اهم شي مرورك حبيبتي ربي يعطيك ألف عافيه ويحقق أمانيك ويسهل حملك وولادتك

[قمركم]

وينكم كروشات الباقي ......... معقوله ولا وحده منكم تعرف محل يفصل او هي فصلت اوووحده من قريباتها ؟؟؟؟؟؟؟؟؟؟؟؟


تكفون لاتردوني قولولي

[فليك]

ان شاءالله اهل الاحساء ما يقصروا معك , مودتي لك .