(( أبي رأيك بهالمشكله اللي لها 3 سنوات مؤرقتني جدآ))

[قمر بيت أبوها]

قبل كل شي رأح أغير بعض المعلومات عشان مايكون أحد من أصحابها هنا
بس بكل صدق وربي تعبانه جدآ
أبي رأي من ناس تقدر كل ظروفي
وتحط نفسها بمكاني قبل لا تكتب ردها
رجاااااااء اللي مايصدقون بالأقارب لا يردون
أنا عمري تقريبا 26
المهم أنا أكبر العايله
وذراع اليمين لابوي وامي
يعني ماسكه اخواني بعدهم والبيت وكل أبو شي قولوا ماشاء الله
شي ثاني لي مكانه عند صديقاتي جيرانا والحمد الله من فضل ربي
بس مشكلتي جتني عين قووووويه من خوالي تحديا
تمثلت بحلم وتفسر اكثر من مره بس طنشت
المهم اصبت بورم بالثدي الله لا يبلاكم ويعافيني ومن مثل حالتي قول آمين
المهم عملت عمليه وكملت حياتي
ومؤمنه أن ماأصابك لم يكن ليخطأك ومأخطأك لم يكن ليصيبك
طبعا الناس انهبلوا ورم وعايشه !!
ومن جهه كملت تعليم الحمد الله
كنت اتعب واتعب واتعب
بس اكتم واكمل مسيرتي بالحيا ه ولا عندي هم غير اهلي وبكل صدق وأمانه
وبعد سنتين وشوي رجع الورم بس رجع بشكل أقوي وتكاثر بالمنطقه
الشاهد كنت قبلها مقفله ملفي
وبعدها بيومين حلمت بخالتي تفك علي كلب وعضني بمنطقة الاصابه الا ن
وصحيت من الحلم بس الالم استمر
الشاهد رجعت لدكتور وانا مذهوله وقلت له كل شي
ومني كلمه ومنه كلمه رجع ملفي
واثبتت اصابتي
الشاهد رفضت العمليه بتقولون ليش
مو خايفه بس اعرف لو سويتها امة محمد بتعرف كلها
ومن جهه اعداء بيكملون لان اللي فيني سحر طلع بالأخير
انا عارفه انها هي هي بس اللي تلاحق اخباري وعينها علي بكل شي حتي بمواضيع خطبتي تقنع امي ترفض العرسان ومن جهه تقذفني بشرفي
وتبي بنتها تاخذ نشاطي واندفاعي بالحياه بنتها ماتعرف تغسل كاس ولا تبي تدرس كل همها زوج رومنسي مو سب بس لتوضيح
ابي اكتب تفاصيل أكثر بس مااقدر
الان كل مافكرت اواجها واحلفها علي المصحف قلت وش استفيد
سحرت بتخاف من كتاب الله !
كل ما قلت باسوي واسوي اتفاجا ان عندهم مناسبه
يعني اخاف افاتحها واخسر اكثر واخاف اسكت واموت اكثر
حسبي الله فيكي يا خالتي يا شقيقة امي ياللي كنت مااعدك غير ام حسبي الله فيك حرمتني من صحتي وعافيتي بسحرك وكرهك
اللي بتقول خوذي اثر انا سحر مو عين بس
اللي بتقول قولي لامك امي تمشي تحت طوعها بكل شي
اللي بتقول علمي احد ياخذها ويواجهها ماعندي أحد غير الله سبحانه ثم رايكم انتم
اتمني دعوه صادقه من قلب لي وربي اعاني بس ساكته
وربي ابكي بس بدون صوت
يا رب فر ج همي
وفك أسري من المرض اللي لازمني
يا رب فرجا قريبا يزيدني إيمانك بك
وصبرا كبيرا يزيدني أجرا
اللي يشاهد ون موضوعي من غير عضويه دعاء رجاااااء

[روح ملائكيه]

ربي يشافيكي من الداء والبلاء الذي اصابك..وربي يعينك ويساعدك كيف متحمله كل هذا !!!

السحر موجود ومذكور بالقرأن ..بس يااختي انتي حلمتي والحلم غير الواقع ..
يجوز معمولك سحر بس مو من خالتك يجوز شخص ثاني هو الي عاملك هالشي...

انتي ماتقدري تواجهي خالتك لأن ماعندك ادله دامغه تسكتي كل لسان يتكلم ضدك..

ومادام انتي اصلا ماتقدري تقولي لأمك لأنها تمشي بطوعها..اذا لا تتكلمي واصبري ولا تنسي ان الله مع الصابرين

مشافاة اختي ان شاء الله وقلبي معك

[قمر بيت أبوها]

تسلمي علي دعوتك
ماعندي ادله ملموسه صح
بس معاي ادله غير ملموسه مثل بخور عطته امي ووصتها تبخر فيها 7 ايام عقبها دخلت مشفي بغيت اموت
الشي الثاني لما تعبت بمناسبه وطحت فيها واصارع الموت وقتها
كانت واقفه وتضحك تخيلي
غيرها اشياء صعب اكتبها
من ناحية مواجهتها شيخ نصحني اواجها من مناقشته لمشكلتي
قال ماعندك حل غير مواجهتها
عشان كذا انا ودي اخذ بهالحل
تعبت من هالهم
للمعلوميه مو اول حلم ولا اخر حلم رايته فيها
اتمني وحده عندها قوه وجرأه تقولي حل
اتمني الي تعرف وحده مرت بتجربه مشابهه لتجربتي توصلي كيف تغلبت عليها
ماكتبت مشكلتي الا بعد ما طفح الكيل سنين مو يوم ويومين

[مشاعل الدوسري]

حبيبتي مالك اله القران و الشيوخ يفكون لك السحر
و لا احد يواجه خالتك وله اي حد لان ممكن مو هم و ممكن تكون عين و يمكن بلاء من الله و اختبار عموما كل شي يجي من الله بلاء و اختبار احتسبي الاجر عند الله..
و بخصوص السحر
حنا في بيتنا مرينا بتجرربه اليمه كنا كلنا مسحورين اكثر من 10 سنين ..
و انا اللي لقيت السحر ..
بمفرش
كنا بنرميه كان عندنا سنين و يوم نقلنا جانا الشيخ بلبيت الثاني قال الشيخ السحر موجود معاكم بهذا البيت طبعا قعدنا ندوور و ندور مالقينا شي ..
بيوم من الايام كنا بنرمي المفرش و كان في فتحه
صغير قعدت العب فيه و انتف الاسفنج ..
الين لقيته ..
قلت يؤؤؤؤؤؤؤ لايكون امي تأثرت بلافلام المصريه وسوت حجاب لنا ههههههههههه
يوم فكيته .. لقيت طلاسم و مكتوبه بطريقه غير و اسم ابوي و امي و اسم جدتي و في حياة و مال و الخ اشياء مخيفه طلعت اركض و قلت لهم لقيت السحرررر
و الكل قام يهلل و يكبر و امي تكبر و تبكي يعني ذاك اليوم تعب و فرحه و اشياء داخله في بعضها
لكن السحر مازال باقي سحر ثاني..

و حنا عارفين مين اللي سحرنا و الحمدالله
ربي يعطي كل واحد على قد نيته الحرمه اللي اسحرت امي و بيتنا و اختي ..
مهما يكون عندها من مال يجيها ضرر منه و مهما صار لها من احزان و افراح
محد من عيالها يشاركها الفرحه..

و اللي زوود الشك الى يقين
ان وحده من بناته زوجها طلقها ثاني يوم سافرت هي و لما رجعت الرجال رجع بنتها
و يوم الرجال جابوه له اهاله الشيخ قال لهم مسحور و سبحان الله قراء عليه الشيخ و و طررش يعني السحر مسقي ..
و بعدها طلقها و افتك من بنتها لان بنتها ماتستاهل ماديه دررررررررجه اوله ..
احتسبي الاجر عند الله و ربي يعوضك خير و لما حد يسالك عن حالتك قولي الحمدالله مو تقولين لهم التفاصيل ..
انا نظفت البيت كله و مسحته و كويت الملابس و درست و طبخت و درست اخواني و و و وووو و و تعبانه
غصب بيعطونك عين وله بينقهرون منك طبعا هذا الناس اللي ماتذكر ربها ..
و الله يعوضك خير انشالله

[فوضت امري لله]

ياحياتي عسى الله يشفيك -----------





وانا عندي الحل الاكيد بس تكونين قويه ايمان وعندك اراده قويه للتغلب على السحر ---------






اقراي سورة البقره وخلي بالبيت مسجل بالسوره دائما------


راح تتعبين الايام الاولى بس بعدها راح ترتاحين-----------


وهذي خلطه الشيخ عادل المقبل ومن لايعرف الشيخ اللي يمسك السحره ويفك السحر------------


وقال هذي الخلطه في احد البرامج--------

للشيخ عادل المقبل وهي علاج للسحر والسرطان وكل الامراض في 3 ايام بإذن الله تعالى

وهي :

1- قاروه ماء زمزم

2- قاروه زيت زيتون

3- عسل

تفتح جميعها وتقرأ فيها سورة البقرة كاملة وسورة الفاتحة 3 مرات وقل اعوذ برب الناس وقل اعوذ برب الفلق وقل هو الله احد

1-قبل النوم يصب كأس ماء ويذاب فيها ملعقتين من العسل المقرئ فيه ويشرب.

2-قبل النوم يصب في اليدين من الزيت المقرئ فيه ويدهن به الجسم كاااامل.

3- بعد الاستيقاظ من النوم يغتسل من اثر الزيت ثم يحضر نصف كأس من الماء المقرئ فيه ويوضع في اناء كبير ويزاد عليه من الماء العادي ويغتسل به.

4-بعد الاستيقاظ شرب كأس ماء مذاب فيه ملعقتين عسل.

*وكل يوم يكرر فيها قرائة المعوذات









وختاماً أحبتي :
هذه سنة الله تعالى في خلقه.. ما جعل عسرا إلا جعل بعده يسرا.. والأمراض مهما طالت وعظمت لا بد لأيامهـا أن تنتهي، ولا بد لساعاتها - باذن الله - أن تنجلي.

ولرب نازلة يضيق بها الفتى*** ذرعا و عند الله منها المخرج

ضاقت فلما استحكمت حلقاتها *** فرجت وكان يظنها لا تفرج

قال وهب بن منبه: لا يكون الرجل فقيها كامل الفقه حتى يعد البلاء نعمة ويعد الرخاء مصيبة، وذلك أن صاحب البلا ينتظرالرخاء وصاحب الرخاء ينتظر البلاء..

قال تعالى: (فَإِنَّ مَعَ الْعُسْرِ يُسْراً (5) إِنَّ مَعَ الْعُسْرِ يُسْرا)ً [الشرح:6،5].


((اللهم لا تجعل لنا ذنبا الا غفرته و لا هما الا فرجته و لاحزنا الا اذهبته ولاضيقتا ولا كربتا الا نفستها و لا مظلوما الا نصرته و لا ظالما الا اخزيته و لا مريضا الا شافيته و لا مبتلا الا عافيته و لا محزونا الا صبرته و لا ميتا الا غفرت له ولا ظالا الا هديته ))

ايضاااااااااا خلطه الشيخ الرويس لان فيهاحلتيته وهي تقتل الجن بعد مشيئه الله---------


واخيراااا الله الله في قيام الليل وانسي خالتك مره ولاتدعين عليهااااااااااا


واهم شي ان تعلمي ان الله هو اللي يشفيك ويكون معك ----------بشريني عنك اذااااااااا شفيتي------------

[قمر بيت أبوها]

اشكر كل اللي ردوا مشاعل السحر لقيته بمكان وبفوطه مليانه دام
ماابي اتكلم بتفاصيل لاني اخاف احد منهم هنا
الشاهد انا مااعلم احد الان بس امي وابوي مايخبون شي من اي شي يخصني
سوالف طويله مااقدر اكتبها وربي
من ناحية البقره قرتها فتره زمان بس زاد الالم
وصرت انام واصحي مااذكر حتي اسمي
ومن جهه تغيرت لون عدسة عين للازرق
وكلب ينام بالغرفه ينابح علي
سوالف كثيره طويله ماابي اتذكره لانها مولمه وانا احاول اتناسها
طبعا انا اقدر اقرا برمضان بس غيره وربي مااقدر الامور هذي تلازمني
من جهه اللي فيني لمااضغط عليه بالقراه واصوم وووا
اتعب عقيديا
يعني اشك بوجود الرب لدرجة كلمت شيخ نصحني بالدعاء بس
انا ارتاح لا رحة مكه بس
غيره وش مااسوي مااحس بمتعته
ذكرت هالكلام لاجل ابين ان انا سبق قرات بس ماقدرت اكمل
ولسبب اني انا اللي ماسكه بيتنا لو اتعب يضيعون
امي تسافر
وابوي يسافر
انا الام والاب البديل
يعني مااقدر
اتمني دعوه لي
حاليا نفسيتي تعبانه لان جتني اخبار عنها جديده
ولان عندي موضوع خطبه والله يتممه علي خير لو خير لي
للمعلوميه
انا ابي اوقفها عند حدها عشان خايفه علي خواتي تحديدا
ومن ناحيه ابي افهم وش تبي بالضبط ادري مافي مبرر بس ابي اسمع التفاهه وين وصلت
ما زلت انتظر حل من باقي البنات
مشاعل فكرنا ننقل من البيت بس امي رفضت لان خالتي تبغاها قريبه من عندها فهمتي كيف الخبث
الله يجعل كيده فيني ما يتعدا بناتها

[انثى من الخيال]

الله يشفيك يااارب ......ماعندي كلام اقوله
بس نصيحتي تتمسكي بكتاب الله وتقرأيه........

[السماح]

خالص ودى لكى غاليتى ..
أسأل الله العظيم أن يشفيكى من كل مرض , وتصبحى بأتم صحة وعافية
عليكى ان تقولى دائما حسبى الله ونعم الوكيل
أتمنى لكى الشفاء العاجل , والحياة الطيبة , إن شاء الله تعالى

[قمر بيت أبوها]

معقوله القراءات تعدة المعقول والردود قليله
ماهذا العشم فيكم يالغوالي

[جريحة المحبه]

تقربي الى الله عز وجل توكلي عليه وتقربي اليه بالمحافظه ع الصلوات وقراءه سوره البقره يوميا وخاصه عند النوووووووم اختمي سوره البقره يوميا عليك مع المحافظه ع الاذكار صباح ومساء

صدقيني هذا علاجك تيقني خيرا بربك فهو خير ناصر وامك لاتعطي خالتك معلومات عنك من خطبه او شي

صدقيني ربي بيفرجها عليك بااذن الله مع الاستغفار فهو فرج من كل ضيق

وربي بيجازيك بالخير وبالشفاء العاجل مادام انك باره بوالديك بااذن الله

وخلي امك تجيب مويه وتخلي كل خالاتك يقرن فيه وحاولي تاخذين من اثر خالتك مافيها شي بس بطريقه غير مباشره او امسحي عتبة بيته بوقت متاخر من الليل وماقدامك الا العافيه بااذن الله

اللهم اشفها اللهم اشفها اللهم اشفها اللهم من اراد بها سوء فااشغله بنفسه اللهم رد كيده في نحره

امييييييييييييييييييييين والمسلمين اجمعين