هل فارق السن له دور في الحياه الزوجيه

[ياورد]

صباحكم / مسائكم انا
حبيت اسالكم هل فارق السن له دور في الحياه الزوجيه
يعني انا مثلا بيني وبين زوجي 15 سنه والحين عمري 28 وزوجي 44 سنه
وعندي 4 اكبر واحد صف خامس
واحس الحياه معه ممله بشكل
اذا طلبناه السوق يقول ماعندي حرمه تروح السوق ويصلح مشكله لحد مانروح ويحدد سوق واحد
وبعض الاوقات السوق مايكون فيه كل شي
واذا شرييت شناط يد مايشتريها لي يرجعها عند المحاسب يقول مالها داعي سرت اشتري شناط اليد من المجمعات النسائيه واي شي يقول ماله داعي خساره بس

ومايودينا الحدايق ولا الملاهي يقول ليه حنا صايعين والعيال مساكين يبغون يرحون الملاهي يلعبون
والمطعم ماعمرنا دخلناه يقول اي عشاء تبغونه انا اشتريه وناكله بالبيت احسن شي
والله مابغا انا مطعم ولا ابغا افرفر في الاسواق
ابغا نطلع نتمشى نروح مكان فيه ناس مانروح برحه فاضيه مافيها حد كننا شياطين
مدري يمكن فارق السن الي بيننا هو الي معيشنا كذا
يمكن لو واعوذ بالله من كلمت لو
يعني لو عمره مثلاا33 او 35 يمكن يكون يحب يطلع يتمشى بس احس لانه طول شبابه وهو يتمشى ويروح اسواق طفش خلاص
احس اني باطق منه
طفشت والله اني طفشت منه
كل وحده ترد بالله تقول كم بينها وبين زوجهاا