يا امهات ابعى مساعدتكم بحليب بنتي

[قلب فصولي]

السلام عليكم
اخباركم واخبار كتاكيتكم ان شاءالله الكل بخير وصحه وسلامه
اختصار للسالفه انا اعاني مع بنتي من النحف عمرها 7 شهور ووزنها 7 كيلو يعني يادوووووووووب يغطي لحمها اعظامها وزن ضعيف بالنسبه للعمر
وماخليت ولا حليب إلا وجربته معها ومشت على إس 26 وبعد ست شهور بروميل جولد بس جاها فترة اسبوع ماترضع الرضاعه بس صدري وصدري مايكفيها نقص وزنها لما رحت للدكتور غير حليبها لـ سبراميل 2 وبعده قطعنا منه عشان البكتيريا وصرف لها الحين نكتاليا2 يقول خلي بروميل جولد بعدين انه ثقيل ويحسس بالشبع ومادري ايش وانا ماني مرتاحه ماادري اعطيه بنتي أو لا تكفون اللي عندها خبره تفيدني أو ارجعها على بروميل جولد
لأنها ما نفعها رونالاك بشي كان حليبها لحد 4 شهور بس مايسمن وسميلاك جاب لها إمساك
تكفون ودي بنتي تسمن شوي حتى الاكل ماتاكل زين يادوب ملعقتين وخلاص
انتظر الردود الله يعطيكم العافيه

[rose]

حبيبتي بنتك اان بعمر مناسب تبدائي معاها سيريلاك
وفواكه مهروسة وخضار مسلوقة وتهرسيها
حاولي تدخلي ااطعمة بنظامها ولا تعتمدي ع زيادة وزنها بس بالحليب
ااكل بهالعمر هو اللي بيزيد الوزن بجانب الحليب

[العاااالي مستواها]

مو لازم السمنه اهم شي الصحه وعلى فكره الي يرضع من الصدر مايزيد وزنه كثير

واتفق مع روووز اعطيها فواكهه وسريلاك ورز مصري مسلوق مرره مفيد مع زبادي شوي وبطاطس مسلوقه ومهروسه كلها مفيده وفيه بسكوت الشاهي اعطيها في يدها خليها تاكل بنفسها يمكن تشتهي اكثر

ربي يعينك ويصلحها لك

[صدفة عمر]

اعطيها رضعة باليوم تمر وحلبة خذي 3 تمرات وشوية حلبة وبموية حارة نقعيها

ربع ساعة اعطيها 150 مل وان شاء الله تتخن علية

وكمان لما تسوي لها الاكل ضيفي لة قطعة جبن كيري

وبطاطس مسلوق وخضار وتمر حبتين


::

[قلب فصولي]

الله يسلمكم ويعطيكم ألف عافيه على الرد
من ناحية الاكل اسويلها بس ماتشجع لانها ماتاكل كثير

[ام ارجواااااان]

تشجعي حبيبتي وحاولي مره واثنين حتى تتعود
انا بنتي الله يحفظها يارب ويحفظ بنتك
اعطيها عصير برتقال
وحلبه مع يانسون وكراويه
وخضار مسلوق
واحاول على قدر المستطاع لكن برضها نحيفه
يقول الدكتور لا تخافين مع التسنين والحركه ينحفون
بعدين يرجعوا مره ثانيه
جربي وحاولي والله يطمنك ويريح بالك يارب