توقف الغثيان فجأه !!!

[حبيبةة امها]

مساء الخير .. ادري ازعجتكم كل شوي طالعه بسؤال .. بس مالي بعد الله غيركم ..

انا متعوده ع الغثيان من كم اسبوع وخاصه هالاسبوعين زاد كثير وكنت استفرغ وحبوب الغثيان لاحظت انها توقف الاستفراغ بس ماتبعد الغثيان يبقى خفيف ومرات يزيد ولما شفت انهم ماينفعون تركتهم لان موجود فيهم وبلاهم وانا ماحب كثرة الحبوب .. بعد ماتركتهم كنت احس كل يوم بغثيان خاصة اول ما اصحى الصبح .. بس اليوم صحيت مافي غثيان نهائي وعلى طول قمت افطرت ومالاعت نفسي يعني عادي وقتها استانست ان قدرت افطر بس بعدها قلت يمكن شي مو زين يمكن صار شي للجنين .. لان سمعت اذا توقف الوحام و الاعراض معناه صار شي وما ادري خايفه وحتى لو رحت للمستشفى صعب يسوون اشعة لأن من اسبوع سويت .. وماني حاسه الا بألم بالظهر يعني مغص ونغزات مافي .. اروح اسوي اشعه ولا تضر ؟ ولا انتظر و هالاشياء طبيعي يعني ممكن يتوقف الغثيان فجأه ؟

[أنوار الولاية]

انتي في أي اسبوع ؟؟

الوحم تراه عادي ينقطع كم يوم ويرجع قوي

لكن احنا نوسوس طبيعتنا

[υм вtℓαα]

طبيعي خيتي حتى انا ليوم الحمدالله توب التوب افطرت وماصار عندي لوعه
ههههههههههه لاتحسدين حالك بيرجع لك هو يتوقف ويرجع ولاحظي مرات تحسي بحرقان

الله يتمملك ع خير

[حبيبةة امها]

بكره ان شاء الله اخلص الاسبوع الثامن .. ما ادري انا خفت لان اول مره ينقطع فجأه و اول مره افطر من اسبوعين مافطرت واذا افطرت استفرغ .. بس اليوم افطرت و انتظر وانتظر هههههههههههههههه

ام بتلاء الحمدلله لقيتك مثلي تطمنت بسم الله ماشاء الله عشان مانحسد حالنا ههههههههههههههه ان شاء الله دايم كذا ... الحمدلله دامه طبيعي

[ام حكوم]

انا كنت بالاسبؤع 9 وتوقف الوحم ورحت للطبيب قالي النبض وقف الله يعوض فانتبهي

[حبيبةة امها]

الله يعوضك اختي .. ماحسيتي بأي الم ولا نزل دم ؟ يعني بس الوحم توقف ؟

[bellamamita]

هو الوحام هيك يوم لك يوم عليك لا تخافي الله يتمم لك بالخير

[dreamfati]

هههههههههه لا تخافي بكره بيجيك الغثيان انا كمان صارت معي صحيت في يوم عادي وما استفرغت واكلت عادي وكنت مبسوطة وشوية قلت يا خلاص راح الوحام وجاتني افكار مثلك وفي يوم الغد رجع الغثيان اقوى من قبل ههههههههههه
لا تخافي مافيه شئ بالجنين ان شاء الله . يمكن ربنا اراد يرحمك ويمن عليك تفطري اليوم ههههههههههه