الم وثقل بالصدر مع حرقان وقت الجماع والنتيجة الحمل ضعيف

[Noory91]

الم وثقل بالصدر مع حرقان وقت الجماع والنتيجة الحمل ضعيف
الم وثقل بالصدر مع حرقان وقت الجماع والنتيجة الحمل ضعيف


السلام عليكم ورحمة الله وبركاتة

مرحبا ياحلوات ,,

انا قبل كنت بالمستشفى يوم 13/10 حللوني هرمون حمل وطلع فيه حمل ضعيف بعدين
عادوه مره ثانيه وطلع مافي حمل , وعطوني ورقة اعيد التحليل بعد أسبوع معنى الوقت
المفترض لدورتي راح يكون في 27/10 ليعني باقي ممكن حول 5 أيام و اخر دورة لي كانت في 30/9 , وسويت تحليل
هرموني امس وطلع النتيجة 1 , بس انا احس بأعراض كثير غريبة ألام بالمبايض ونغزات
ولما انام مااقدر انام على جهة معينه احس تعورني وهذا غير الم صدري وثقله , والام بظهري
غير طبيعية كأن مقسوم نصين , وماقدر اوقف كثير ولوعة لما اصحى من النوم الصباح , غير
حكة رهيبة وحرقان وقت الجماع رهيب , يعني كل هذه الاشياء انا سمعت انها اشياء حمل ,
ومره غريب اللي قاعد يحصل معاي لان اول مره احس بهالاعراض او الام دورة قبل وقتها ,
غير نفسيتي اللي صايرة فجأه عصبيه وفجأه اضحك وفجأه اصيح متقلبة بشكل رهيب ,
بناات من جد تعبت نفسيتي وكل شهر اتحطم ومافي حمل واقول الحمدلله واستانست لما طلعت
نسبة حمل ضعيف وبعدين صار مافيه شي زعلت يعني لما امس قالت لي 1 خلاص شلت الامل
اللي فيني , بس الالام للحين احس فيها :( مومعقول أحس بألام دوره قبلها بأسبوع انا عمري من بلغت
ماجاني كذا احساس :( والله ابي بيبي , وبعد فيه مشكلة انا حللت شامل ومافيني شي الحمدلله
وزوجي لقوا عنده مشكلة بالتحليل الاولي ان في سائل منوي بدون حيوانات منويه وقالوا له عادي
لازم تعيد التحليل وامس سواه مره ثانيه , ومره شايله هم من كل النواحي , انا تزوجت عشان ابي
بيبي ابي اصير ام :(

عطوني امل في احد صار كذا بهرمون الحمل وصارت حامل بعد وقت الدوره يعني ممكن في ذرة امل
صغيره ولا خلاص انتظظر الدورة واقول الشهر اللي بعده :( لان اللي اعرفه ان الهرمون دقيق ويبين
الحمل من التبويض والتلقيح ودام خلص وقت التبويض والنتيجة 1 يعني خلص الامل :(
انا صار لي 10 متزوجة ادري بتقولون بدري بس والله اني احلم باليوم اللي اشيل فيه
ولدي ولا بنتي واخاف اني مااحقق هالامنيه والحلم هذا ,, وتعبت نفسيا كل مرة احلل وسالب
وتجي الدورة ويوم صار فيه امل واشياء غريبة مافي نتيجة إيجابية

[جنة النعيم]

الهي وسيدي و مولاي ثبت اختي Noory91 و ارزقها الذرية الصالحة عاجلا غير اجل .حاسة فيك اخية

[jojo 123456]

يا اختي النسبة لي في التحليل ما في حمل بس لا تقطعي الامل كلو بايد رب العالمين
انتي موعد دورتك وان شااء الله ربي يكتبلك الحمل

[نوت "̮]

حتى لو ما كان فيه حمل الشهر دا صدقيني فيه خير لكي
بس احنا دائما عجولين ونحب الشي يصير بسرعه والله أعلم سبب التأخير
اصبري واحتسبي الأجر بصبرك .. وادعي والزمي الاستغفار
مافي شي بعيد عن رب العالمين ..
الله يرزقك بالذرية الصالحه ويفرح قلبك ي رب

[Am Fatmai]

حبيبتي ما وضحتي لنا كيف نتيجه تحليل زوجك للساى المنوي مافي ولا حيوان منوي
اذا عنده مشكله لازم يحلها عشان يصير حمل ياقلبي خلي زوجك يروح عند طبيب ذكوره ويكون معاه التحليل عشان يعطيه قيتامينات اذا محتاج ويشوف المشكله شنو هي
ربي يرزقك الحمل وكل مشتاقه يارب ياكريم

[Um sara1]

الله قادر على كل شيء

لكن دام الحمل ضعيف وبعدين نزلت النسبه تحت يعني الله يعوضك

المهم انتي ابذلي جهدك مع زوجك يتعااااااالج وان شاء الله تبشرينا قريب

[جنا الورد]

الله يرزقج الغلا بالذريه الصالحه يارب حصلي مثل حالتك وتأخرت عليه الدوره وبعدين نزلت

[Noory91]

حبايبي مره تسلمون واشكركم على ردودكم بجد يعني الحمدلله على كل حال ..

بس في شي غريب حاصل لي , يوم الجمعة بالليل نزلت علي نقطتين دم وبعدين يوم السبت

نزلت علي نقطتين النهار والييين الليل مافيه شي حول الساعه 11 نزل علي شي بني شوي مره كذا مسحة

وواليوم الصباح اول ماقمت من النوم بعد شي بني مسحه خفيفه وبعدها مافي شي فاضيييييييييييييييي , مااعرف ليش كذا

[أم حمودي وعبودي]

حبيبتي لازم تعرفين إن الحمل إنتهى والدم الي ينزل منك بداية إجهاض
ولا تخافي ممكن تحملي الأيام الجاية