كل أعراضي هالشهر

[جنا الورد]

السلام عليكن ياحلوات
الشهر اللي فات كانت عندي بويضه جاهزه للحمل الحمد الله واخذت جهاز التبويض وراقبته والحمد الله صار جماع يوم هي ويوم لا وشفت افرازات التبويض واستخدمت المرقدوش والميرميه وطلع النخيل وكل شي وشربت كل شي وصارلي دوخه خفيفه والم بالصدر وتغيرت الهاله المحيطه وصارت أغمق ووجع بجنبي اليسار وبالظهر وحلمت أحلام كلها حلوه وتفسيرها بالحمل وتاخرت الدوره عليه يوم والحمد الله مااااااااااااااااااااااااااااااااااااااااااااااااا فيه حمل
بقولكن ياحلوات ليش كتبت هالشي لا تراقبن تطورات قبل الدوره وبعد الدوره تراهن يتشابهن بالاول ومحبطات للنفسيه بالاخر الرزق يبغا غفله والاستغفال وايد زين بموضوع الحمل والرازق وحده بيرزقنا وكل شي فيه خيره من رب العالمين

[أمل الورود]

اي صاجة التفكير مرات ياخرها انا لما أقول الشهر هذا احتمال فيه حمل اوهم نفسي بالحمل صح تتاخر وإذا عادي مافكرت تنزل بوقتها الله يرزقك الحمل السليم المعافه ان شاء الله وكل محروم وحدة تتمني الحمل

[Memo_]

صح كلامك التفكير يتعب ويوتر افضل شي نخليها على الله ولانحسب شي ،بس مرات تجيك اعراض غريبه وجديدة عليك فهالشي الي يخليك تفكرين وودك تعرفين ليش

[ابتسامة حب]

حبيبتي الله يرزقك يارب ويجبر بخاطرك يارب

[فطومه 66]

الله يرزقك بالحمل ف القريب العاجل ويجبر بخاطرك وخاطر كل وحدة تتمنى تحمل

[جنا الورد]

اللهم أمين مشكورات حبيباتي على المرور الطيب الله يرزقنا اجمعين بالذريه الصالحه

[اصدق النيه]

الله يرزقج الحمل السليم الثابت التام عاجلا غير اجل فديتج

[ريآآمي]

سبحان الله لاحظت انه البنت لما تفكر وكذا تتاخر فالحمل
واذا توكل امرها لله وتمشي حياتها بدون تفكير تحمل بفضل ربي ماعرف ليش
يمكن التفكير ياثر كثير
في وحده اعرفها دايما تحس باعراض الحملل بس الدوره تنزل
عقب وكلت امرها لله وخلاص كانت كل شهر تفحص ويخيب ظنها
في مره كان عندها جهاز بس مافحصت و ونست الموضوع ومافكرت فيه
وما جاها اعراض ولاااااا شي ابدا اكتشفت انها حامل !!! سبحان الله الله يتمم لها حملها يارب
ويرزق كل محرومه يارب

[جنا الورد]

هي والله سبحان الله اللي مايفكر رب العالمين يرزقه وهو غافل مشكوره لى مرورج

[جنا الورد]

أصدق النيه اللهم أمين فديتج وربنا يرزقج بكل خير