الي مجربة الطلق الصناعي تدخل جزاها الله خير

[ام لولووو]

السلام عليكم ورحمة الله وبركاته

اخواتي يوم السبت موعد ولادتي بالطلق الصناعي انا مرررررررررررة خايفة منه

قالت لي الدكتورة انه تحاميل

ياليت الي جربتها تحكي تجربتها

ومشكورين سلفا

[~~لحن الحياة~~]

حبيبتي لاتخافي وكلي امرك لربك
واقرأي سورة مريم
الله يقومك بالسلامة يا قلبي وتفرحينا بخبر ولادتك
وقومتك بالسلامة انت والبيبي

[ام لولووو]

توأم كوكي مشكورة حبيبتي ع المرور

والله يسمع منك يااااااارب

[((*بــريــق ألــمــاس**))]

أم لولو الله يسهل عليك
والطلق الصناعي مامنه خوف ان شاء الله

اللي اسمعه ان طلوقه ورا بعض واحسن خليك تفتكين وماتطولين
ترانا ننتظرك تفرحينا بنعطيك مهله ليوم الاربعاء ههههههه

اللهم سهل على ام لولو ولادتها وهون عليها الطلق اللهم يامخلص النفس من النفس خلصها
اللهم اجعل ولادتها بردا وسلاما ياااااأرحم الراحمين

[عاشقها زوجها]

هاااااااااااااااااااااااي انا جرررررربته
هههه
احم احم

هههههههههههههههههههه
انا لي 3 شهوور والده
انا مابي اقولك يخوف ومدري ايش
بس رااح اقوللك الفرق بين الطبيعي والصناعي من تجربتي
انا ما حطوا لي تحاميل ..
انا حطوه لي بالمغذي لان انا كان فيني طلق ومفتوح 4 سم وطلقي بطيئ جداا
يعني كنت اتعذبب ساعتين على ما يفتح نص سانتي
يعني الطلق الطبيعي بطيئ يروح ويجي يعني يعطيك فرصه ترتاحين بعدين يررجع ههه
اما الصنااااعي يمسك بطنك وظهرك وفخوذك مرره وحده وطلقااات متوااصله
لمن تولدين


بس ترى نفس الشي الفرق الصنااعي طلقااات متواااصله (الم متوااصل ويقوى كل خمس دقاايق )
اما الطبيعي يروح ويجي يجننك
حطي صنااعي وافتكي
انتي تحاميل يمكن عشان مافيك طلق ابد والرحم مسكر صح ؟
لو مفتوح شوي يحطون مغذي

كله الم وتعب الطبيعي والصناعي

الله يقومك بالسلامه

[Om Zahra]

انا كنت والدة في حملي اللي فات بطلق صناعي بس بنتي كانت ميتة الله يعوضني فيها
كانت تحاميل مهبلية واخذتها الصباح الساعة 10 وولدت الساعة 4 العصر يعني تقريبا 7 ساعات
وتعذبت شوي لأن كان معاي ترجيع بعد مااخذتها
وهي كانت على مااذكر كل اربع ساعات تجي الدكتورة تعطيني
الله يقومك بالسلامة حبيبتي

[سموةالجرح]

أنا جربته شفت الموووووووت منه كثري من سورة الزلزله

[شمواه]

الله يقومك بالسلامه ويارب ماتجربينه
بقولك تجربتي انا تأخرت عن موعد ولادتي ب 20 يوم بس كنت اراجع المستشفى وتقولي ادخلي اسويلك طلق صناعي وماكنت ادخل
بس الوضع سليم اسوي سونار وتخطيط وكله طبيعي والمويه كمان كويسه .. لكن قلت بتأخر يمكن اولد عادي
لكن مانفع وسويت طلق بالمغذي وكان مايألم لكن بمجرد انه خلص وراح مفعوله راح الطلق فأضطريت اني اسوي تحاميل مهبليه مرررره تعوووور
وهي ثلاث جرعات انا اخذت الاولى بس والحمدلله بس كنت اشرب قرفه كثير والدكتورة قالت لي حجم الحوض كويس والطفل نازل مرره لكن مافي طلق وبس ولدت بعد معاناه
نصيحه مني اصبري عالطلق الصناعي اذا كان وضعك سليم والطفل سليم وامان عليه

اعذريني عالاطاله بس والله تذكرت نفسي وكسرتي خاطري حاسه فيكي حبيبتي ...
الله يوولدك بالسلامه وبدوون تعب يارب ويرزقك طفل سليم معافى يارب

[ام لولووو]

بريق الماس مشكوووورة ع المرور حبيبتي والله يسمع منك

عاشقها زوجها مشكورة طمنتيني والرحم عندي مفتوح 2 سم

ام زهرة وسموة الجرح وشمواه مشكورين حبايبي ع المرور

[الفتاة الذهبية]

ماعندي خبره الله يسهل ع الجميع