قصتي مع أبرة الظهر

[((*بــريــق ألــمــاس**))]

السلام عليكم ورحمة الله وبركاته

كيف حالكم إن شاء الله دائما بخير ؟

طبعا أنا توي مخلصة الاربعين الحمد لله

قبل ولادتي كنت مرعوووووبه من الولادة حتى أني قد نزلت موضوع

عن فوبيا الولادة!!!

المهم كنت حاطه فبالي أبرة الظهر وبنفس الوقت خايفه منها

مع أن كثير أعرفهم أخذوها

المهم لما رحت المستشفى من أول ما دخلوني للكشف وأنا أطلب الابرة مع أنه

ماقد جا ألم قوي .. المهم كشفت قالت 3 سم خلاص نطلعك غرفة الولادة

قلت والابرة>>> منخرشه

قالت أطلبيها فوق ... وطلعت وأنا أرجف خووووف والله كأني بفلم رعب خخخخ

حتى الممرضات منهبلين مني يقولون انتي ليه في خوف كذا ؟؟>> أبوك ياللهجه

ولما طلعت شويتين وكشفت علي سعوديه وقمت أصرخ حسيتها عورتني

قالت معليش بس أسوي لك توسيع .. قالت 5 سم ,, قلت أبي الابرة

قالوا طيب بس الدكتور عنده عملية وآآآآآآآآآآآآه ماجاء إلا بعد ماطلعت عيوني

كنت أقول لأمي يمه خلاص والله لأموت...وأمي تقول لا إن شاء الله >>ياحياتي

واللي يضحك يوم كنت أصرخ كانت أمي تهديني تقول مايصلح كذا أكتمي أحسن لك

كنت أقولها لا يمه أنت ماتدرين باللي أحس فيه >> يعني كيف جيتي؟؟؟

المهم ماجاء الدكتور إلا بعد مافتح الرحم 8 سم>> كلن قالي خلاص كان ماأخذتيها!!

وخلوني أوقع سألت الدكتور خطيره قال لاااا أبدا ودخلها بظهري وقال خلاص

تحركي براحتك ,,قلت عادي قال : عاااادي وأنسي منها ,, والله يابنات ماحسيت يوم

دخلها بس زي المغذيه,, وبعد 10 دقايق بدأ مفعولها بديت أحس رجلي منمله

وأقرص بفخذي ماأحس وااااااااااو راحة فضيعه حتى أنه جاني نووم

شوي كشفت قالت 10 سم قامت أمي قالت 10 سم وهي خايفه

قالت تحسيت بدفع قلت لا!! أمي استغربت ليه ماتحسي؟؟ قالت الممرضه عشان الأبرة

وسألتها طيب متى ممكن الولادة؟؟ قالت يمكن بعد ساعتين!!!

أمي استغربت تقول 10 سم المفروض الحين تولدين!! أما أنا ماأدري وش السالفة

شوي إلا الممرضات جو ونزلوا السرير وحطوا اللي أحط عليها رجولي قالوا خلااااص

الحين ولادة البيبي تعبااااان أنا خفت ويقولوا شدي المشكله ما احس بدفع ابدا

شوي نادوا الدكتور وجو وانواع التفغيص والدكتور ينفخ علي يقول شدي شدي

بصراحة توترت وقعدوا يحوسون واضطروا يسوون لي شفط لين طلعت المحروسه

فديتها والحمدلله حتى الخياطة ماحسيتها أبدااااااااااا

وتوتــــــــــــه تـــــــــــــوتــــه خلــــصـــت الحــــتـــوتــــه!!!!

الخلاصـــــــــــة /

أبرة الظهر حللللوه بس مشكلتها تبرد الطلق ومايسير فيه دفع

ويضطروا فيها يشفطوا الطفل ويتعب وبس هذا عيبها الوحيد


*

[في عيون من احب]

الحمد لله على سلامتك ومبروك ماجاك وعقبال عندي ان شاء الله

[wow]

الحمدلله ع سلامتكـ بس ابره الظهر لها تاثير ع المدى البعيد الله يكفيك شرهاااا

[لن أيئس]

ماشاءالله تبارك الله ..
الحمدالله على سلامتك ياقلبي ..
والف الف الف الف مبروووووووووووووووووك ..
واسأل الله ان يبارك لكي فيما ارزقك ..

الله اعلم متى بعيش هذي اللحظه 12 سنه وانا منتظره .. ياااااربي فرجك ..
محروووووووووووووووووووووووووووووومه 12 سنه ..
ادعولي باالذريه الصالحه والحمل بتوأم .. تكفون الله يفرج همكم ادعولي ..

[اميرةفى امانيها]

الف مبروك والحمدللة على سلامتك اما اختى لن ائيس اسال اللة العظيم ان يرزقك الذرية الصالحة وتفرحى بحملك قريب

[((*بــريــق ألــمــاس**))]

شاكره لكم مروركم والله يبارك فيكم
أختي (لن أيئس) الله يرزقك بالذرية الصالحة عاجلا يااارب

[الأمل الجديد]

الحمد لله على سلامتك وسلامة المحروسه

[((*بــريــق ألــمــاس**))]

الامل الجديد الله يسلمك وشاكره لك مرورك

[ساهرة]

حمدالله بسلامتك
انا خوافه من الولاده بس
اموت واخاف اكثر من الابر وهلاشياء
اقول اتحمل اهم شي البيبي :(

[سموة المشاعر]

مبرووووووووك الف مبرووووك
الحمدلله ع السلامه ومبرووك مااجاكم تتربى بعزكم ان شاء الله
الله يرزق كل المحرومات والمنتظرااات ويسهل ع الحوااامل ولادتهم آمين يارب