أكلات نفأس كيف تسوونها ومن يسؤويها لكم وماهى ؟ ماعندى من يسؤويها لئ. ومابي أكل. عادئ.

[ليالي حب]

بنات ربي يسعدكم حابه اهتم بباقي نفاسي خص بالأكل لئ سته عشر. يوم نفأس بس ببدائه ماأكلت عمليه تعبتنى وبعدين أكلئصار رز وحلا وفطائر أبي أكل شعبي يعتمد غ اللحم وبر وسمن وتمر ماأعندئ من يشويها مالى كبير اعتمد عليه وخادمه ماتعرف هالأكل كيف طريقتكم ؟ ومن يسؤووى لكم الأكل شعبي وحق نفأس ؟ ومن ؤئن. } أفيدونى أبي حل. كيف تفرزونونه إذ تفرزنون. وعموم؟ ومااااهى الأكلات الأهم ؟* اااا وفقكم الله

[المتأمله خير]

حبيبتي في أكل كثي أنتي قولي أسم ألطبخه أللي تسووهأ ببلدكم ومأيهمك نحنأ بنقلك كيف تسويهأ

[ام نومير]

الف مبروك الولاده اختي الله يبارك لك

جمعت لك كم طبخه سهله وتقدرين تسوينها بسرعه ومفيده جدا والله يوفقك لازم تهتمين لنفسك

واذ عرفتها عادي علمي خدامتك وتصير تسويها لك





مصابيب (أكله نجديه )




....




....




بالسمن والدبس أو العسل
....

أو



بالبصل

...


المقادير ..
3 ملاعق حليب

2 كأس دقيق بر

ربع بياله زيت

بيضه واحده

2 كأس ماء دافى (ان احتاج الخليط اكثر نزيد)

ملعقه كبيره خميره

ذرة ملح

أذا كانت بالبصل نضيف بصله صغيره ..

....


الطريقه ..
تخلط جميع المقادير بالخلاط الكهربائي وتترك قليلا حتى تخمر ثم تصب على الجهاز الخاص بالمصابيب

أن وجد أو تاوه تيفال ..

....

طريقة تتبيلة البصل ..
(سمن + بصله كبيره مقطعه + ليمون أسود ناشف مطحون + كمون وبهارات )

نضع السمن على النار ويضاف له البصل ويقلب حتى يذبل البصل قليلا ثم نضع البهارات ويصب فوق

المصابيب عند التقديم ..

..................


وبالعااااافيه







وهذي مطازيز وهي اكله شعبية ومفيده جدا وتقدرين تشترينها من اقرب سوبرماركت



مطازيز قوودي وقيمتها ماتتعدى 4ريال وتسوي لك قدر سويه وتغدى وتعشي عليه وجبت لك طريقتها من النت وتقدرين تستغنين عن اللحمه لوماعندك وتحطين دجاج او بس خضار


نبدا

اول شي نقطع البصل والثوم ونحمسه في قليل من الزيت




ونضع اللحم



ونضع طماطم معصور ومعجون ومرق ماجي وملح وبهارات




ونضع ماء حار وتركه ثلث ساعه



في هذا الوقت نجهز الخضار بطاطس كوسه جزر وفلفل رومي وفلفل حار
واللي تحب تزيد اي نوع من الخضار


وبعد ثلث ساعه نضع الخضار



ونغطي القدر ونتركه عشر دقايق بعدين نضيف المطازيز





ونغطي القد ونحطه على نار هادئه الين يستوي
ونضع فلفل حار ورومي في القدر قبل لاتحطيه في الصحن

[ام نومير]

وهذا مرقوق سهل مره ومفيد جدا دايم أسويه لكن ماعندي صور بجيب لك صور من النت



المقادير
1حبه باذنجان
1 حبة بطاطس
2حبه جرز
راس فلفل حار او رومي
2ملقعة كبير صلصة
بهارات
بصله كبيره

الطريقه
حمري البصل لين يذبل ويصير لونه بني وحطي فوقه الخضار المقطعه والصلصة والبهارات
وحطي ماء لنصف القدر وخليه يغلي 10 دقائق وبعدها جيبي أي نوع خبز عند لباني صاج اي خبز
وقطعيه وحطيه وخليه يطبخ لين يصير ثقيل وحلو زي الصوره











المقادير..
5 جذور زنجبيل
4 اكواب جليب
سكر حسب الذوق

الطريقه
اغسلي الجذور زين مازين وقطعيهم قطع متوسطه
1- حطيهم بجدر وصبي عليهم ماء تقريبا 1 كوب وخليهم يطبخون لين يصير لون الماي اصفر
2- اغلي الحليب لحاله
3- صفي الماي مال الزنجبيل وصبيه على الحليب واخلطيهم
4- حطي السكر حسب الرغبه
5- وقدميه حاااااااااار ...ويا سلااااام تمتعي بالطعم اللذيذ




اتمنى اكون افدتك اختي وساعدتك ولو بالقليل واذ اعجبتك انا مستعده انزلك اكثر

[ليالي حب]

الله يجزااااكم الجنه. ماأقصرتوا آلئ عندها إضافات. خص أكل زئ عصيد تمر وحنينئ. وسوربات ومرقوق. وغريكه. يمذحوها بس يمدةئ ونا نفأس أقوم وإلا اعتمد غ غيري

[برنسيسه2013]

انا حبيبتي جهزت مفرزنات مرقوق من محلات رغد وجربتها جدا رووووعه وحلوه
وكمان شريت مطازيز من المحلات اللي بالصوره ورد الاخت السابق
من بنده او اي سوبر ماركت مثلها
شريت جريش كمان
الخضار واللحم الحمدلله متوفر
الشوربه كمان حليوه للضروره

انا عندي شغاله وعلمتها ع كل شي

والحمدلله عادتنا حلووه قريباتي يصير عليها كل يوم تسوي شي
بس انا مااحب اعتمد على الغير فجهزت نفسي

[Orchid109]

الله يكون بعونك حبيبتي
ان شاء الله البنات يفيدوكي ياقمر

[ام نومير]

ابشري لي عوده باذن الله

[ام نومير]

عصيده سهله مره

تكفي لشخص واحد

المقادير كـ التالي::

ملعقتين طحين بر
ملعقه دقيق ابيض
ملعقه سكر
رشه ملح..(يعني ربع ملعقه صغيره)
6 حبات تمر مقشر ..
كوبين مويه
4 ملاعق حليب بودره
ملعقه زبده ..او سمن

الطريقه:::

نحط جميع المقادير بالخلاط..
ماعدا الزبده في القدر
نخلط دقيقه فقط
ثم نصبه على الزبده
على نار متوسطه مع التحريك المستمر
الى ان تغلى ..نوطي الناار مرره نخليه على نار هاديه
مع التحريك لمده 12 دقيقه الى 15 دقيقه
هي زي البشاميل سمكها او اثقل شوي ماعليه طفي النار وحطيها بصحن التقديم
رشي عليها شوي حبه سودا ..وملعقه عسل ..
وبالعافيه

اترككم مع الصور

[ام نومير]

طريقة عمل شوربة العدس بطريقة سهله وسريعه بالصور



شوربة العدس تحتوي على قيمة عالية من الألياف الغذائية التي تلعب دوراً هاما في الهضم، وهي كالأتي:
- تنظيم امتصاص الأمعاء للسكريات.
- تقليل امتصاص الأمعاء للكولسترول.
- تسهيل مرور فضلات الطعام من خلال القولون.
- تخفيف أعراض القولون العصبي.
- حماية الجسم من ارتفاع هرمون الأنسولين.

الطريقه

بصل + ثوم مفرومين او مقطعه قطع صغيره ** تحمس في زيت قليل ثم يضاف اليه البطاطس والجزر والكوسه (مقطعه قطع صغيره او مكعبات)
ثم يضاف لهم معكب ماجي + ربع م ص كمون مطحون و رشة فلفل ونصف كأس عدس مغسول ويغمر بالماء الدافيء ثم نظبط الملح
وتحرك من فتره لاخرى حتى تستوي ثم اذا فترت توضع بالخلاط ونرجعها للقدر تغلي شووي واضيف عليها م ص كركم
وبالعافيه

اترككم مع الصور













الان بعد ماخلطتها بالخلاط واضفت الكركم






اختي أتمنى اكون أفدتك واذ ماطلعت الصور عندك خبريني أرفعها لك مره ثانيه