بدى حل ولو بسيط الله يخليكو

[beboo]

السلام عليكم صبايا كيفكم
راح فوت بالموضوع بسرعة هلا انا متزوجة من شي سنة و 8 شهور وعندي طفل عمره 6 شهور ماشاء الله والحمدلله بيت حماى مناح وماالى خلطة فيهم كتير لانه انا ببيت لحالى فوقهم بس المشكلة كل مااروح عندهم بيقعدوا يقلولي ابنك مجوعاه ابنك بده ياكل طعميه اعمليله وبكون لسا مطعمياه ومنزلاه ابني مشكلته بطلعله اسنان ماشاء الله فبيحط اصبعه بتمه بحكيلهم انه بيطلعلو اسنان مافى فايدة انت مجوعاه وجديد صاروا يطعمو من اكلهم طيب انا ابني لساته صغير على اكلهم وكمان بعملو اكلهم بالسمنة وانا بخاف على ابني من الاكلات هادي وجديد كمان بعد ماصار عندي سلفة جديدة صارت تشكيني الها ولكل ناس بيجو عنا اني مابطعمي ابني ولما احكيلها لساته صغيرة بتقولى ماشاء الله عليكو انتو دكاترة بتفهمو اكتر منا بترباية الاطفال انا بدى ابني انا الى اربيه مش امة محمد الى تربيه هي ربة اولادها وهي حرة شو كانت اطعميهم بس انا مابدي ابني يصير معه شي لا سمح الله من ورا تجاربهم فيه، ملاحظة جوزى مليون مرة حكي مع حماتي انه اتبطل تعمل هيك ومافيش فايدة مابتقتنع بجد انا عدي انجنيت منها مابتشوف ابني الا بتطعميه حتي لو اكل قدامها لازم اتطعميه وابني بروح بستفرغ يلي اكله من شان هيك مو قادر يسمن وبدها اياه يصير اربع اضعاف الاطفال شو اعمل احكولى انا ماالى غيركو ومابحب احمل حد مشاكلى حتي جوزى بطلت احكيله من شان مايتخانق مع اهله من شانى مابحب المشاكل والله وبدى حل الله يخليكو..