ولدت يوم 24

[Roua]

السلام عليكم
طببعا كان من الاكيد الدكتورة حددتلي عمليه لانو البيبي جالس بالعرض طبعا جاني طلق يوم الاربعاء ورحت لدكتورتي منال خرباش الهي يسعدها وحددالي يوم السبت وقالتلي اروح دكتور التخدير عشان يشوفني ورحت اشوفو الدكتور ومره كنت خايفه من حكايه ابره الظهر انو لمن تنحط مايبغالها حركه وانا عندي حركه لااراديه في القدم الدكتور كان جدا متفهم قالي انتي راح نخلي بنج كامل مره ارتحت نفسيا ورحت بيتي وانا مطمنه رحت السبت يوم العمليه الساعه 9وسوا جوزي اجراءات الدخول ودخلت الغرفه وكان رقمها 222ودخلت ممرضه وسوتلي ابره المغذي بالمضاربه لاني اخاف ولبسوني قميصهم وشويه اخوني لغرفه قبل العمليات يتاكدو انو البيبي ماعدل وضعو وقعدو الممرضات يتكلمو انو ليش بنج كامل وابره الظهر احسن طبعا انا مرا مطنشه ودخل عليا رجال اسود عريض مره يخوف لهجتو باين من اهل البلد دخل العمليات قبلي طبعا دخلت غرفه العمليات كإنها مطبخ والممرضات قاعدين يرفعولي ملابسي وانا اقولهم على دكتور التخدير انو لايشوفني جاني هوا من جهه راسي وربط زي الستاره في عصايه المغذي وسار يقولي لو ولد سمي عبدالله قلتلو ابدن بسمي باسمم بابا محمد وقعد يلطف الجو ويجرب الكمامه حق التخدير على نفسو ويضحك وانا ميته رعب وبردانه وجات الدكتورة جنبي تحصني وتقرا الاذكار ورحت في عالم اخر ماصحيت الا في الافاقه انادي على ماما واختي الكبيره وابكي اقولهم لاتسمو عبدالله وابكي واشهق ولقيت جوزي واختي عند راسي مع انو دخلو ماما وعماتي مافقت الا على جيه جوزي واختي وحطولي جهاز مساج في رجولي ومر عليا حق التخدير يقولي جبتي ولد ها عبدالله قلتلو ابدن وودوني على غرفتي وهناك لقيت عماتي واخواني وبابا وجوز اختي وشويه كدا دقو الحضانه وطلبو جوزي وقالو لازمم ننقل البيبي العنايه لانو استنشق شويه من البنج واراح العنايه وماشفتو في اليوم الاول الا صور واليوم التاني بدأت امشي طبعا في البدايه الم فظيع بس اللي خلاني اقوم اني اروح اشوف ولدي وجلسو تلات ايام في العنايه وسولو مزرعه واشعه في الراس وتحاليل وانا خارجه اليوم التالت اخدتو والحممممدلله كانت حلوه الولاده بس لو تنعاد بدون الم وولدي يكون معايا من اليوم الاولل وبسسسسسسس هادا الهرج كلو واي استفسار عن العمليه انا في الخدمه ولادتي كانت السبت 24/6. عقبال كل الكروشات يارب

[ميمي 17]

الف مبوووووك يتربى في عزك وعز ابوه

[جونة]

الحمدلله عالسلامه ياقمر ومره شكرا عالقصه
عندي سؤال متى عرفتي انو حتولدي بعمليه في الشهر الكم ؟ يعني من متى البيبي مستعرض

[ام لؤلؤة]

الحمد لله عالسلامة..
وتشوفينه عريس يارب..
ويسهل علينا..

[بنت النورر]

الحمدلله علي سلامتك
والف الف مبرووووووووووووووووووك

[ناعسة العين]

الحمدلله على سلامتك وسلامة البيبي
والف مبروووووووك ماجاك
واجر وعافيه

[صافو]

حبيبتي مبروك الحمدلله ع سلامتك

[cup cake]

الحمد الله على سلامتك ام حمودي ويتربي فى عزك يارب

و انشاء الله كلها ايام والالم كله يروح اهم شي شوفت حمووودي

[مدام ن]

ألف ألف مباااااااارك ولادتك وان شاء الله الولد الصالح يارب ،ضحكتيني لما صحيتي وانتي تبكي لاتسموه عبدالله آه بس الله يستر علينا يارب وييسر لنا ربي يسعدك يارب

[سوزان الرياض]

الف مبرووك الحمدلله على سلامتك
ادعيلي احمل اختي