محتاجه نصيحتكوا

[حفيده عائشه]

اول حاجه السلام عليكم
ثانيا انا عارفه ان مشكلتي ملهاش اي حل بس فعلا انا مخوقه ومش مبسوطه خالص ونفسي اتكلم كتير اووووووووي فدخلت اتكلم معاكو

انا ليسانس اداب انجليزي اتخرجت بتقدير جيد واشتغلت مرشده سياحيه لفتره وطبعا اللغه عندي كان كل الناس بيحسدوني عليها لانها تكاد تقرب لللكنه الامريكيه اتخرجت 2004 واشتغلت 4 سنين كنت ناجحه جدااااااااااا في شغلي الحمد لله وكان رؤسائي بيشكروا فيا ومبهورين بادائي طول فتره شغلي وعمري ماكنت بفكر لا في حب ولا جواز لان بصراحه شغلي كان مكفيني مش قصدي ماديا قصدي داخليا كان عندي اكتفاء اني الحمد لله متدينه جدااا وعيلتي طيبه وحنينه ومحترمه جدااااااااا وناجحه في شغلي وعندي اصحاب بيحبوني فخلاص مش عايزه حاجه تاني من الدنيا الف حمد وشكر ليك يارب علي كده لحد ماقابلته...اروع حد ممكن تعرفوه كان عندي 24 سنه وهو مهندس عنده 30 سنه لقيتني بحبه بدون مقدمات وهو كمان عشقني بمعني الكلمه اتقدملي واتجوزنا وعيشنا احلي حياه سعيده وطبعا من واحنا في الخطوبه سيبت شغلي لاني كنت ببقي مرافقه للفوج السياحي من 8 الصبح لحد 12 بالليل وكان احيانا بيكون في سفر للاسكندريه او الاقصر او كده المهم سيبت شغلي عن اقتناع تام لان اللي زي البني ادم ده الواحد فعلا مش بيقابله في العمر غير مره وعيشنا سنه واحده في مصر بعدها سافرنا السعوديه وهنا بدأت مشكلتي انا يمكن الحاجه الوحيده اللي بعرف اعملها في حياتي هي العلاقات الاجتماعيه يعني بالبلدي كده معنديش غير لسان كان دايما في شغلي بيقولولي انتي تنفعي اووووووووي تشتغلي دبلوماسيه او سياسيه بعرف اتكلم حلو اوووووووووي وبلباقه جدااااااااااااااا مع الناس بالاضافه لللغه حتي اهل زوجي كانوا اكتر حاجه بيحبوها فيا مجاملاتي وكلامي معاهم بس جينا هنا بصراحه زوجي احن راجل ممكن يكون اتخلق في الدنيا معندناش اطفال ومع ذلك عايشه معاه احلي حياه عمره ماحرمني من حاجه ولكن مشكلتي في الفرااااااااااااااااااااغ مش بعمل اي حاجه خاااااااااااااالص غير تحضير الاكل وطول اليوم ع النت مفيش شغل هنا خااااالص لاننا في محافظه صغيره فيها بالعافيه شغل للرجاله وانا مع فقدان الشغل فقدت اولا اللغه نسيتها خاااااااااااااالص لان مفيش ممارسه وبدأت احس اني انسانه تافهه وكل شويه بسأل طيب انا بعمل ايه في الدنيا مش لاقيالي اي لازمه اوكيه بصلي واقرا قران وكل ده لكن فعلا حاسه بحاجه كبيره اوووووووووووي ضايعه مني انا مؤمنه ان ربنا خلقنا عشان نعمل حاجه في حياتنا مش بس نعمل الاكل ونتفرج ع التليفزيون او حتي نقرا قران اكيد لينا هدف او دور في المجتمع انا دوري ايه بعمل ايه !!!!!!!!!!!! ولاااااااااااااااا اي حاجه وبقالي 3 او 4 ايام الاكل بيطلع ربنا وحده اللي عالم بيه مره معجن ومره عادب درجه الحراره هنا فوق ال50 والرطوبه اوووووووووووووف بقف في المطبخ 10دقايق بطلع كاني طالعه من تحت الدش غرقانه مايه والتكييف قلته احسن بيجيب هوا سخن مع الافكار اللي في دماغي واحساسي اني فقدت نفسي وشخصيتي اللي كله كان بيحلف بيها بلاقي نفسي طهقانه وعصبيه جداااااااا والاكل بيطلع غريب مع اني والله شاطره في المطبخ وجوزي ياعيني مش بيقولي حاجه لما الاكل بيطلع وحش كده ... دلوقتي مش عارفه اسعد نفسي ازاي بعد ما الاكل بقاله كام يوم بيبوظ مني بقيت ابص في المرايا مش لاقيالي اي لازمه ولا فايده وبدأت احس ان اقل حد في الدنيا احسن مني واني ولااااااا حاجه والله انا راضيه جداااااااااااا بكل حاجه ربنا كتبهالي وبحمده عليها لان بسم الله ماشاء الله عندي زوج الناس كلها بتحلف باخلاقه واحترامه لكن فعلا مش هايحس بيا غير اللي بتشتغل هتعرف انا قصدي ايه والفجوه اللي حساها جوايا وحاسه اني فعلا فااااااااااااااااشله تماما حتي شغل البيت مبقيتش بطيقه بقيت هموت واعمل حاجه في حياتي ترجعلي تاني ثقتي في نفسي وترجع نظره الاحترام والاعجاب اللي كنت بشوفها في عين زوجي زمان اما كان بيسمع بودنه اد ايه انا متميزه وناجحه جداااااااااااااااااا في شغلي انما دلوقتي مفيش اي حاجه تخليه يبصلي نظره الاعجاب والفخر دي بالعكس ده حتي الاكل مهمتي الوحيده اللي بعملها مش بعملها بالشكل المطلوب معلش صدعتكو بس كنت هموت لو متكلمتش.... حد عنده طريقه املا بيها حياتي الفاضيه ومحدش يقولي خلفي لان في مشكله تمنع نهاااااااااااائي من الانجاب وانا وزوجي معندناش مشكله نهائي في ده الف حمد وشكر لله متأقلمين عليه ومبسوطين الحمد لله حد بعد اذنكوا عنده حل تاني يرجعلي ثقتي في نفسي واحترامي ليها؟؟؟؟ وشكرا جدااااااااا ليكو