رجيم للمرضعات ..

[دلوعه عبدالله]

السلا عليكم أمهااات :)


جيت وجايبه معي رجييم خاص بالمرضع من اخصائيه التغذيه ريده الحبيب

وراح ابدأ فيه من بكرا ان شاء الله

اللي حابه تعمل معي الرجيم تعطيني خبر علشان نحمس بعض هههههه

[متغليه لعيوني]

أنا وياكي أختي بس قوليلي كيف نوع الرجيم وعباره عن ايش أنا احاول اضعف بس مشكلتي اجوع لأني برضع وربي يكتب لنا جسم سليم صحي يارب ويعطيكي العافيه

[دلوعه عبدالله]

صبااح الخير بناات

هلا اختي متغليه اخبارك ان شاء الله تمام

الحين اكتب لك البرنامج كاامل ويالله نبي حماس ههههه

[دلوعه عبدالله]

رحت البارحه بالليل واعطتني هذا الرجيم وقالت انه مايحسس بالجوع ولا يتعب مع الرضاعه

الفطور
كوب حليب منزوع الدسم او عصير طبيعي + خبز بر وسط او 3 توست بر او نخاله + كوب بقول اي نوع او بيضتين مسلوقه او شريحتين جبن قليل الدسم + ملعقه عسل وسط او مربي + شرائح خيار وطماطم


الغذاء
سلطه مشكله بأي كميه + كوبين خضار مطبوخه ( الحذر من الاكثار من البطاطس والقرع ) الخضار تكون اما شوربه او مسلوقه او صالونه
2 كوب رز او مكرونه مطبوخ او ثلاثه ارباع خبز بر الحجم الكبير
90 جم دجاج او لحم او سمك او ربيان مع تجنب القلي في الطبخ ( التسعين جرام تساوي كفه اليد )


العشاء
سلطه مشكله بأي كميه
كوب ونص خضار مطبوخه او شوربه خضار + كوب ونصف مكرونه او ارز او خبز بر او 3 توست
نصف كوب لحم مفروم او 6 اوصال لحم او دجاج او كبده او كوب بقول


بوعندنا وجبه خفيفه في اليوم اما ان تكون بعد الفطور بساعتين وقبل الغذاء بساعتين او تكون بعد الغذاء بساعتين وقبل العشاء بساعتين وهي :

حبتين فاكهه ماعدا الموز كوب لبن او زبادي منزوع الدسم


ومتاح لنا في اليوم ملعقتين زيت نبااتي فقط .. يعني نحطها في الغذا او العشا اذا احتجناها في الطبخ

والابتعاد عن الدهون الحيوانيه مثل الزبده

والاقلال قدر الامكان من الملح



وطبعاً الرياضه ضروووريه جداً لنجاح البرنامج

[دلوعه عبدالله]

بسم الله نبدأ :)

فطوري اليوم

بيضتين مسلوقه وخبز بر وسط وعصير برتقال طبيعي وفررش وشرئح خيار

[دلوعه عبدالله]

الغذا كان كوبين رز ابيض
وصدر دجاج منزوع الجلد مع الخضار في الفرن
وسلطه مكونه من خس وخيار وطماطم وعصره ليمون من دوون ملح

[برستيج آنثى]

دلوعه عبودي استفسار الله يعافيك

كيف كوبين رز !! ماتشوفيها كثييييير انا اكل كوب في ونص باليوم وتخنت فمابالك بكوبين غدا وكوب ونص عشااء؟

[Nayota]

شكرا عالموضوع وان شالله بتحمس معك وبشارك

[دلوعه عبدالله]

اييه حبيبتي برستيج هذا رجيم 2100 سعره حراريه

وبيني وبينك حسيتهم كثير

بس يمكن لاني ارضع بنتي ماتبي تعطيني رجيم مرره قاسي

وهي قالت لي هالرجيم مايخليني اجوع وبالفعل اليوم عدى على خيير هههههه

[دلوعه عبدالله]

العشاء

سلطه خس وطماطم وخيار + مكرونه مسلوق + شوربه خضار



الوجبه الخفيفه اخذتها الساعه 5
زبادي منزوع الدسم + تفاح أخضر

واشتركت في نادي علشان اسوي رياضه

وبديت من الليله

عملت رياضه من الساعه 7 الى 8

والعشا كان الساعه 9