عملت تلقيح صناعي ... ادعولي

[lelahelamr]

السلام عليكم ورحمة الله

دى اول مشاركة ليا في المنتدى وسجلت مخصوص عشان اعمل موضوع عارفين ليه؟؟

محتاجة حد يدعيلي... بس والله

انا متجوزة من سنتين .... مريت بظروف كتير لا داعي لذكرها وكنت دايما راضية

كل شهر معاد البريود كان بيمر عليا وربنا اعلم بيا

وكل تحليل بول كنت بعمله كان قلبي بيقف من كتر الخوف

وانا الحمد لله معنديش اى موانع

بس ارادة الله

واخيرا دكتورة نصحتنى بالتلقيح الصناعي ... عملته الشهر ده بعد كورس التنشيط وخدت الحقنة التفجيرية

ومن وقتها وانا عندى امل اتراضى الشهر ده ... نفسي اوووووووووووووووى

حفظت كل اعراض الحمل بس مش كلها عندى .. بس برده اغلبها كان بيجيني كل شهر وبرضه الدورة تنزل في الاخر يعنى مش مقياس ليا الصراحة

اللى انا حاسة بيه من وقت التلقيح .. همدان في جسمي جدا - وجع في ظهري من اسفل - الم في المبيض الايسر مستمر - رغبة دائمة في النوم - والم البريود على فترات

معرفش ده من تأثير الحقنة والا من ايه بس ده اللى حسيت بيه

معاد البريود كان امبارح ومعاد تحليلي عشان يكون عدى 16 يوم على الحقنة بعد بكرة ان شاء الله

قبل معاد البريود بيوم نزل عليا افرازات بيضا اول مرة تحصلي رغم انى قريت ان في بنات قبل دورتهم بتنزل الافرازات دى بس بالنسبة لي قبل البريود كنت دايما ببقى ناشفة

وجع الصدر عندى مش موجود الشهر ده مع انه كل شهر كان بيبقى موجود :)

درجة حرارتي امبارح كانت 36.8 بس كانت اول مرة اقيس حرارتي فمعرفش دى كدا عالية والا منخفضة

عموما انا سيباها على رب العباد الرزاق وليه حكمة واكيد خير ليا

بس محتاجة دعوة من قلب اللى يقرا بجد محتاجة دعوة بظهر الغيب افرح بعد بكرة وبعدها مش حبقى عايزة مالدنيا حاجة تانية

ادعولي ..