باركو لي جبت احلى من القمر

[دلوعة الحزن]

السلام عليكم
كيفكم ياكروشات
اليوم بكتب لكم ولاتي
ولاتي كانت في مستشفى الاحساء يوم السبت 3 محرم في المغرب
صادف يوم الجمعه موعد لي اسوي تخطيط للجنين ورحت المستشفى اناوزجي ع الطوارى ورقاني لغرفة الولاده وانا ماادري انها غرفه الولاده بس كان معي زوجي وياأخذوان مني تحليل بول ويقولو لي لازم تنيم لانا فيني زلال والضغط مرتفع وانا رفضت ووقعت ع مسوليتي المهم رحت البيت وتعشيت وراح زوجي للدمام وانا تميت عند اهلي ونمت ع الساعه 1 بالليل حسيت بالم وانتقز من نومي والالم جالس يزيد وانا خلاص ابي انام ماني قادره وع الساعه 5 حسيت بشي ينزل مني واشوف مويه بس بسيطه انا خفت وخصوصا اني بكريه واطير لامي بغرفتها ومسكينه خافت علي واشوي وتقرا علي قران وتبخرني ابخور وحرمل ونطير المستشفى ويرقوني للغرفة الولاده واشوي تجي الدكتوره وتقول لازم تنييم الزلال زايد والضغط مرتفع والرحم مفتوح 2سم ونص واذا ماولدتي اليووم راح يحطوون لي طلق صناعي
انا لما سمعت طلق صناعي خفت وانتظرتهم ينزلو الضغط ورحت وقعت ع مسؤؤليتي وطلعت المهم رحعت البيت وكان مافي احد بالبيت الا انا وامي وخالي اللي وداني المستشفى كل اخواني بالمدرسه وابوي مسافر وزوجي بالدمام
رجعت البيت وانا اتالم حتى مااكلت ولا فطرت شي بس امي وخالي غصبو قالو لازم تاكلي شي واكلت ربع خبز ع لبنه ورحت للغرفه ابي اريح اشوي ماقدرت كل اشوي والالم يزيد وانا اقرا قران وخالي راح للدواام وع الساعه 1 الظهر خلاص بنفجر من الالم قلت لامي ماني قادره اتحمل قالت تحملي بس يجي اخوي من المدرسه عشان يودينا المستشفى،المهم صبرت وامي بخرتني بحرمل ونافعه وجاء اخوي وطرنا للمستشفى ويودوني لغرفه الولاده ويقيسو الرحم مفتوح 4 سم ههههه اول ماشافتني الدكتوره تقول والله لو تحاولي مافي تطلعي قلت لها لا بجلس وامي راحت وجلست لحالي
وركبو علي مغذي واكسجين وانا اتالم واذا راح الالم ادوخ وانام واشوي وجت الكتوره تكشف وتقول مفتوح 6 سم *وقلت للسستر ماني قارده اتحمل ابي مسكن وراحت خبر الكتوره بعدين جابت لي ابره وعطتني اياها في فخذي ونمت واشوي وافز من نومي ع الالم وتشوفني السستر وتركض تقول للدكتوره وتجي وتكشف علي مفتوح 7 واشوي سم وتخليني ع جنب والالم يزيد ويزيد وع الساعه 4 جات السستر وتشوف الرحم مفتوح8سم وتعدلني ع ظهر وتنادي الدكتوره والسساتر ويجون ويتجهزون وانا اتالم ويشيلو الاكسجين مني ويقولوا لي ادفعي وانا لا ارادي ادفع غصبا عني واول مره اصارخ لما جيت ادفع بس مو بصوت عالي المهم وبعد ماخلص الاذان المغرب دفعت دفعه قويه وطلع حبيب قلبي ع الدنيا وانا اشوفه ينظفونه جنبي بالسرير الدكتوره جالسه تخيطني وتشيل الوسخ لما خلصو من تنظيف ولدي وجابو الدكتور وكشف عليه لفوه وجابه لي واخذته ضميته وبسته واخذوه مني وبعدين خلصت الكتوره وحطو لي المغذي مع دم وخلاص احس بدوخه نمت ساعتين وبعدها ودوني للغرفه الخاصه والحمدلله خلصت من حمل كبير
بصراحه انا ماولدتني دكتورتي لا ولدتني دكتورتين هنديات وحده تراقب ووحده تولدني
والمستشفى،بشكل عام نظيف ويجوك لك وقت ينظفون 3 مرات باليوم واذا ناديتيهن والسسترات اهتمام ويعتنون فيك واي وقت تطلبيهم يجوون لك
بس للاسف ولدي انا رحت له لانه بالعنايه مادخل الا يومين من التاسع ولازم يخلونه بالعنايه اروح له ارضعه وارجع
والخياطه ماتالمت بس اول ماحطت الابره بس نقزه والشق كذالك بس اول ماشقت اما بعدين ماحسيت بشي
انا ا عطي المستشفى 8/10

والحمد لله على سلامتي والله يهوون على كل وحده والد ويعطي كل وحده ماحملت

[mamma nono]

الف الف مبروك حبيبتي و الحمد لله
علئ سلامتك و سلامة النونو ويتربئ بعزكم يا رب و الفال بالسلامه
لكل الحوامل ان شاء الله

[أم الزين]

الحمدلله ع سلامتج ومبرووك النووونووو ويتربى بعزكم ان شااءالله

[نبض قلبي]

مبرووووووووووك علييييك النونوو.,.

وووووالحمدالله على سلامتكم .,.

[المتأمله خير]

يا قلبي الحمدلله على سلامتك

تعبتي بس بالنهايه الحمدلله ربنا فرجها عليك حبيبتي

ربي يخليلكم اياه ويتربى بعزكم آآمين يارب

[soma adel]

الف مبروووووووووووووك

[نور على نور]

مبرووووك ماجاك

[om aseel]

الحمد لله على سلآمتك ياقمر ....||~

[زوجى حياتى*]

حمدالله على سلامتك

وربنا يباركلك ف المولود

ويجعله من الصالحين

[سندا]

مبرووووك مااااجااااك

وعقبالي ياررب بولادة طبيعية ميسرة انا وكل الحوامل