سؤال في الرضاعة الطبيعية ؟ بنتي ماتمسك حلمة الثدي وعندها غازات

[ام امينة]

السلام عليكم ورحمة الله
مساء الخير بنات ..
حبيت أسألكم عن الرضاعة الطبيعية .. أنا بنتي عمرها شهر في أول أسبوعين كانت ترضع بشكل طبيعي .. بس الحين ماتمسك حلمة الثدي وتتعب أثناء الرضاعة .. وأحس إنها ماتشبع .. مدري وش السببب ؟؟
وسؤال ثاني ,, بنتي دايما تتألم من الغازات .. أبي حل عشان تخف منها الغازات ؟؟
ولكم جزيل الشكر

[ام اسكندر]

يالغالية الطفل اللي يرضع صناعي يترك حلمة الثدي وماتعجبه

قللي لها الصناعي وجوعيها عشان تمسك الطبيعي

والغازات من الحليب الصناعي
انتي حاولي تخليها تتجشأ بعد اي رضاعة

وبشكل عام الطفل على طول في الاربعين غازات ومغص الله يعين عليهم

والله يحفظها لك

[ام امينة]

الله يعطيك العافية

[جالكسي و الدنيا عكسي]

افضل انك ما تستسلمي وتوقفي الرضاعة وحاولي لا تعطيها صناعي الا اذا اضطريتي ومهما كان الحليب الصناعي ما راح يكون افود من حليبك انتي ,,, وانصحك بالحلمات الصناعيه تحصليها بالصيدليات وان شاء الله تنفع معك لانها نفعت مع كثير اعرفهم وان شاء الله معاكي تنفع

[جرح البعاد]

لاتياسين استمري معها يمكن حليبك قليل فتمص ماتلقا شي والدليل تقولين ماتشبع فتغذي اكثر او يمكن المغص نفسه يخليها ماترضع و ممكن تتناولين اشياء تجعل رائحه الحليب غير مستساغه لان حتى الاطفال عندهم ذووق

حاولي تزيدين من ادرار حليبك تناولي اليانسون والحلاوه الطحينيه ولاتاكلي اشياء تغير طعم الحليب

عالجي مشكله المغص وديها عند دكتور اطفال في علاج حلو دايم يوصفونه يريح الطفل ويخليه ينام وهو عباره من نبتة الشبنت

الله يسهل لك ويوفقك يارب