مش عارفه افكر

[شذى 1]

السلام عليكم ورحمة الله وبركاته

بنات هاي اول مشاركة الي ياريت تساعدوني وآسفة بديتها بنكد بس ما الي غيركم بعد رب العالمين الله يسعدكم دنيا واخرة


الموضوع هو: انا صارلي سنة ونص متزوجة وزوجي عصبي ونبرة صوته عالية هو كتير طيب وحنون ومنيح بس عنده شوية شغلات بتدايق متل انه بحمل المواضيع اكبر من حجمها يعني لو شاف شغلة وما عجبته بضل يعلق عليها طول اليوم وبفسر كل حركات الناس وعلاقته مع اهلي منيحة حتى مع بابا بس هو بصراحة كان يزودها حتى ايام الخطبة واهلي كانو يتنازلو بس عشان ما ازعل متل انه يتحم فيي وانا مخطوبة ويعمل تحقيق وين رحتي ووين جيتي ومين عندكم وليش اجا وكان يزعل من كل واحد بزور اهلي وهو موجود واا شاف حدا وما اجا عمزاجه مابعرف يجامله متل العالم والناس لحتى يروح وكانت تصير مشاكل بينا على اشياء تافهة متل ليش حطيتي مكياج يوم عرس ابن عمك

امبارح كنت عند اهلي وروح من الدوام عنا واتعشينا وانبسطنا وعين الله علينا زوجي كان ماسك الريموت وبقلب ع المحطات وشاف فيلم انيميشن هو بحبه وصار يحضر ومندمج ( مع العلم انه بعرف انه بابا بكره هاي الافلام خلص هو مش عاجبيته ومليون مره تناقشوا عهالموضوع وعرف انه بابا ما بحبها ومع هيك خلى عليه ) بابا ضحك وقله انه انا ما بحب الانيميشن لانه بحسه للاطفال وغير عن المحطة هو مش قصده يبهدله لاني عارفة بابا ، هو زعل وتدايق وقام فجأة وقلي البسي بدنا نروح وتفاجأت اكتر من اهلي لردة فعله وكان يحكي بشكل جدي وحكوله اقعد وخلص وبكير وصار يتحجج نعست انا حكيتلها من الاول انه ما بدنا نطول سأله بابا ليكون عشان الفيلم قله اه بدي اروح اكمله اجا بابا اختصر وقلي روحي بابا البسي رحت عشان البس ولحقني وصار يحكيلي ابوكي ما بحترمني ابوكي بهدلني قلتله انه يروح يصلح الموقف قبل ما نروح من عندهم منشان ما يزعلو راح خبص الدنيا وحكاله بنبره حاده انا بصراحة ما بحب حدا يمسك الريموت وانا بحضر بابا وقتها انغاض وحكاله برضعه بنبره حاده يعني بدك تتحكم فيي ببيتي هاد بيتي وتلفزيوني بعمل اللي بدي اياه فيه زوجي حمل حاله وطلع وقلي بستناكي بالسيارة قلي بابا خلص روحي الله يسهل عليكي وازا زعلك احكي معي


والله يابنات ما حكى طول الطريق ولا كلمة ولما وصلنا البيت سألته ليش هيك صار حكالي بعرفش ولما قلتله انه لازم كان يحترم بابا لانه عمه عصب علي وصار يصرخ بوجهي وانا عيطت وشبعت عياط وقلتله انت زوجي وهو ابوي يعني مستحيل اكون ضدك او ضده بس انا حابة احكبلك بشو غلطت انت قلي اه انا اللي غلطت وابوكي الملاك المنزل وجيت حملت تلفوني عأساس بدي احكي مع بابا بس هيك قام مسكني وصار ييضغط علي ويشد على وجهي واخد التلفون مني بالقوة انا شبه صابني انهيار وقلتله خلص مشاااان الله بدي اطلع انخنقت وما رد علي حكيتله بس خليني اغير جو واطلع من البيت بدي هوا وما رضي جيت بدي البس وما خلاني وبس راح ينام بعتت مسج لماما تطمن انه احنا مناح وماشاء الله علينا بس ماتخلي بابا يزعل صار بده يعرف شو بعتت وما ورجيته المسج ونمت بقهري واليوم طلع عالدوام من غير ما يصحيني متل كل يوم ولهلأ ما حكى معي




من شوي وانا بكتبلكم حكى معي بابا يطمن على وقلتله انه احنا مناح وماشالله عنا




مشان الله يا خواتي تساعدوني

[فوق مستواااك]

مالك الا الصبرررررررررر يالغاليه.. واذا جاء خليك لابسه احلى لبس واستقبليه احلى استقبااال وفاتحي معه الموضوع بهدووء.. وابعدي عن الانفعاااااااااااااااااااااااااااااال خلي كل شيي بهدووووووووء

والله يسخر زوجك لك ياااااااااارب

[شذى 1]

الله يسمع منك بس لهلأ ما حكى معي او سأل عني مع العلم اني مريضة هالايام وممكن اوقع بأي لحظة

[عسولة فلسطين]

ان شاء الله ربنا بيهدي النفوس
أنا مع الأخت فوق مستواك ابتعدي عن الانفعال وقوليله نطوي الصفحة لأنه اشي مش مستاهل
والله يوفقكم يارب

[انسة سلاطات]

حبيبتي ترا المشكلة على تلفزيون وريموت
وعشان ايش عشان افلام امنيشين

الحمدلله رب العالمين
انتي كبري عقلك وماعليك من هالرجال < ابوك وزوجك
ولو ان الرجال ما يتخاصمون عشان افلام كرتون

وانتي لا تتعبين نفسك على مشكلة هي بلاساس مو مشكلة
وخصوصاً انك تعبانة
راح اكتب لك الحل بعدة خطوات وانتي طبقيه
وان شاء الله تلقين الفرج

اولاً :
قولي لابوك انه لما يجي زوجك ويحط الافلام تبعه
يقوله باسلوب غير شكل
يعني يقوله ( يا ابني غير حط على العربية بدي شوف الاخبار ابني اليوم )
هيك اختي وبدوا يغيره من دون مشكله

ثانياً :
انتي لا تعطين المشاكل اللي زي كذا اي اهميه عشان ما تتعبين
وعشان زوجك ما يحس انها مهمه ويزعل ويكبرها

ثالثاً :
يا اختي زوجك واضح انه حسسسساس مرة
ودرج اولى بعد بالاحساس يعني ينجرح بسرعة حتى على مشكلة قناة
عشان كذا انتي حاولي ما تجرحيه

رابعاً :
انسي هذه المشكلة عشان هو ينساها
والله يكون بعونكم


لا تنسيني من دعواتك لاني بحاجة لدعاء
اختك

[ام السوس001]

الله يسعدكم ويسخرلكم ازواجكم ويبعد عنكم كل اذى والله ريحتوني الله يريح بالكم

[ام السوس001]

مش عارفة شو صار بجهازي لاني بكتبلكم من الموبايل



بكمل والله يا بنات ريحتوني انه في بنات متلكم احسن من الخوات ماشالله عليكم عقلكم بوزن بلد



والاخت شذى ترى لا تدايقي حالك انتي تعبانة وما في اشي مستاهل الزعل متل ما قالت الاخت انسة سلاطات الله يجزيها الخير المشكلة عريموت وتلفزيون



والله يهدي النفوس يارب ولا تنسي الدعاء اثناء الصلاة

[حجــآزيــۃ]

والله نصيحتي لك لاتتدخلين ابد وسوي نفسك ماسمعتي ولا شفتي
لانك لو تدخلتي اكيد بتوقفي ف صف احد ودام زوجك عصببي يعني مو حق مناقشه

خليكي بعيده عن الموضوع

وقومي ب اشغالك واعمالك ولا كأنو صاير شيء

والله يسخرلك زوجك

[آية]

أختي ما عليك سوى الصبر لكن اعملي جاهدة على معرفة سبب انفعالاته و عصبيته
لأن هذه الأشياء البسيطة مجرد دوافع تافهة لعصبية ممكن تكون هناك أسباب غير مباشرة
اجلسي معه جلسة هدوء واحتويه بحب فهو زوجك و أب أبنائك إن شاء الله
و حاولي معرفة مصدر عصبيته المفرطة
و اعملي قدر المستطاع على اخفاء مشاكلكما عن عائلتك
الله معك حبيبتي

[شعولة ميشو]

الله يهدي سركم يااارب ويسخر لك زوووجك ويهدييييه ويسعدكم دنيا وآخرة يالغااااالية.