الوقت المناسب لاعلان الحمل.. متى اعلنتي انك حامل؟؟

[يارحيم]

اهلا وسهلا باحلى حوامل..

انا طبعا الدنيا مو سايعتني بخبر حملي ودي امشي واصرخ بالشارع اقول للناس اني حامل.. بدون مبالغه اليوم واحد فتح لي باب المحل بغيت اقوله شكرا تراني حامل هههههههههههه

طبعا ماسكه نفسي وحتى امي وام زوجي ما علمتهم.. بالنسبه لامي وام زوجي ناويه باذن الله الاسبوع الجاي بعد عمل اول التراساوند وسماع نبض البيبي والتأكد بان كل شي سليم ابلغهم وبكون وقتها في الاسبوع السابع.. بس بطلب منهم انهم يحتفظون بهالخبر وما يبلغون احد وهم اثنيناتهم كتومات ما شاء الله..

لكن باقي الناس نفسي اخبرهم بالصيف.. بالصيف كثير زوار واقارب بيجوني (انا في كندا) وصراحه حابه اقولهم في وقت جيتهم واكيد اذا رجعو بيبلغون البقيه بالسعوديه.. اعرف بتقولون احسن لا تعلمين وبما اني بغربه خليني ساكته لين اوصل للشهور الاخيره ومحد بيزعل او يقول شي لاني بعيده.. بس وربي مو قادره كم مرة يسالون امي وينغزون علي نغزات وانا مافيني صبر.. وقت الصيف اذا جو بكون خلصت الاسبوع العاشر وداخله ف ال 11 هل تحسون الوقت مناسب ولا المفروض اسكت بعد؟؟

طيب انتم يالحوامل انكانكم ما اعلنتو متى ناوين تعلنون؟ واللي اعلن وخلص متى اعلنتو؟ ومن اول من عرف؟

مشكورين خواتي على سعة صدوركم :)

[طير]

اول حمل لك ؟؟


لا تقولين نصيييحة من قلب ..


انا في بكري .. لمن كملت شهرين ونص ..

قلت خلاص ما بقى شيء على الثالث وعادي اقول وماكنت احب التكتيم ولا تعلمون ومدري ايش


والله ما اكذب رحت عزيمة عند جدتي وقلت لها اني حامل وطبعا قالت للموجودين وكلهم يباركون ومدري ايش

ونمت والدنيا مو سايعتني من الفرحة

الصبح صبحت على دم في الفراش ما وصلت الحمام وانتي بكرامة الا البيبي نازل

طبعا الحمد الله على كل شيء
وما ادري الحادثتين مربوطة ببعض ولا لاء .. بس احسن لك تصبرين

ومحد بيستفيد من معرفته انك انت حامل ..




.::.


في حملي هذا ما قلت لاحد لين كملت الرابع ..

والحمد الله .. الله يثبته



طبعا استثني من كلامي كله .. امك وخالتك ..
لان هم الوحيدات الي بيدعون لك من قلب ..


الله يتمم حملك على خير .. :)

[ندى الياسمين]

أنا علمت امي وأخواتي واهل زوجي
أمي كتومه ومستحيل تتكلم وأهل زوجي كذلك
بس أخواتي راحوا نشروا الخبر وصار الكل يدري وأنا تضايقت لأني لسى بالشهر الثاني
نصيحه علمي امك وخالتك وبس حتى اخواتك ما له داعي يدرون

[يارحيم]

المشاركة الأصلية كتبت بواسطة ندى الياسمين

أنا علمت امي وأخواتي واهل زوجي
أمي كتومه ومستحيل تتكلم وأهل زوجي كذلك
بس أخواتي راحوا نشروا الخبر وصار الكل يدري وأنا تضايقت لأني لسى بالشهر الثاني
نصيحه علمي امك وخالتك وبس حتى اخواتك ما له داعي يدرون

لين متى طيب؟؟

[مسكّ العطورّ]

الافضل تعلمين اهلك واهل زوجك ومايعلمون احد

بعد الشهر الرابع علمي كل الي تعرفينهم

[nur.kh]

بالنسبة الي اهلي عرفو اني حامل من الوحام لاني كنت اشرب قهوة مرتين تلات باليوم و بعد هيك قطعت عنها نهائيا وما عدت اكل او اشرب اي شي من قوة الوحام عندي و حماتي كمان عرفت بس بعد الشهر التالت لما اجت عندي و زارتني وكمان من وحامي
يعني ما خبرت بلساني بس بوحامي هههههههههههههه

[ام النتفه]

ماشاء الله لاقوة الا بالله الله يبارك لك في رزقك ويجعله من الذرية الصالحة يارب
ويسهل حملك وولادتك
طبعا المفروض الثلاثه الاولى ما احد يعرف اطلاقا حتى يثبت الحمل باذن الله بس اذا امك وخالتك كتومات مافيه مشكله اما باقي الناس فالافضل مايعرفون الا والكروشه طالعه تسلم عليهم

[Didi]

في البدايه علمت امي طبعا واهلي واخواني وبعدين علمت خالتي وجدتي ومنها الى باقي خالاتي
ايه وطبعا صديقاتي : )

[ندى الياسمين]

حبيبتي إذا صرتي بالشهر الرابع أعلني الخبر

[maesooo]

انا طبعا علمت امي من دريت اني حامل يعني كان 4 اسابيع وعلمت صديقاتي القريبين لي لانهم يدرون اني اخذ حبوب عشان احمل و حاسبين معاي الدوره
بس خالتي ام زوجي ما علمتها اخاف اقول لها وتعلم حمواتي كلهم
وهم مايقولون الا في الثالث وانا للحين مابعد اسوي السونار بس ما ادري اعلمها واقول لها لا تقولين حق احد ولا انتظر بعد
طبعا الكل ينتظر اني احمل لانه بنتي صار عمرها 4 سنوات وشوي
بس انا ما عندي خوات :( عشان اعلمهم واخواني عادي مو لازم يدرون الا اذا حسوا ببطني
بس بطني هالمره مبينه يعنيى عادي اي احد يشوفني يشك اني حامل
شرايكم؟؟؟؟؟؟؟؟؟؟